1 Timɔtɛ́ɔ 3:8 - Ɔngana á Kɛ̌kɛ

⁸ Ɓabɛɗanigi ndea ka kanisa ɓáɓɛ phɔtɔ ɓakpa nde ɓákeni na ɔ́ka aɓɔ, ɓato á ɗoni, ɓákáɓɛmbɛ ɓanu-makana phɛɛ, ɓákakáɓɛmbɛ imɔna ka maibe-maibe.

1 Timɔtɛ́ɔ 3:8 Iomraidhean Croise

Ɓalɔ́ma 3:13

Kema nde aotóka k'aphenɔkɔ aɓɔ aokusisa, eɗáka aɓɔ aǒenga ka dema á ɓakpa, ɛsɔ aɓɔ ana cengu ɓínde á njɔka.

Ɓaphilípi 1:1

Ka ɓaɓêki ɓɔbu ɓunde ɓá suɓi á Kiísito Yéso ka ntanga-nji á ka Philípi, ka ɓaámbi-kanisa na ɓaámbi-nkumba á kanisa, sambani! Eme Pɔ́lɔ na Timɔtɛ́ɔ, ɓabɛɗanigi ndea Yéso Kiísito, ɓesu ɓáunge ɓeɗundu ɓaoɓa ndee.

1 Timɔtɛ́ɔ 3:12

Ɓabɛɗanigi ndea ka kanisa ɓáɓɛ tɔ na ɓake moci-moci. Ɓáɓɛoanga ekombo nɛɓɔ bui ánjá, ɓaniki na ɓakpa ɓɔbu ɓunde ɓá k'éndu nɛɓɔ.

1 Timɔtɛ́ɔ 3:2

Cɔ, akeni nambi-kanisa áɓɛ kángá á nyɔngɔ ájeɗe. Áɓɛ tɔndɔ na nke moci, áambɛ tambea akɛ ánjá sasakɛ, áɓɛ múbaphi, áɓɛ na měma ánjá, áɓɛ nsesi-ɓakɛni na ngoisigi anjánjá.

1 Timɔtɛ́ɔ 3:3

Kaɓɛmbɛ nto á ɛbɛɗi á makana na nkae. Áɓɛ ndiu nto-aphɔngɔ na ɓujɛjɛ. Kaɓɛmbɛ nkondi imɔna phɛɛ.

1 Timɔtɛ́ɔ 5:23

Ka nyɔngɔ á kukuwa á ka sɔphɔ akɔ na ɛlaga á nyama akɔ, kónoɛmbɛ tɔ iɓo, noa phɔtɔ divai ábɔa.

Títɔ 1:7

Ambe nambi-kanisa, áɓɛ kángá kisɛki nga, yɛ aoamba kanisa ndea Mokonga. Cɔ, kaɓɛmbɛ nto-ébeba, nto-ésuia, nto á ɓoita, nkae, nto á maibe-maibe ka imɔna.

Títɔ 2:3

Óngoɗeaga phɔtɔ ɓaphomi á ɓake gea, ɓáɓɛ na tambea nde akeni mosá á Mokonga. Ɓákaɓɛmbɛ ɓato á yɔngaga ájeɗe-jeɗe ka phɔa á ɓakpa ɓunɛngbo, ɓákáɓɛ mɔnɔ ɓakɔɓɛ á makana, ɓáɓɛ ndiu ɓagoisigi á ɓɔphɛi á ɗoni

Yakɔ́ɓɔ 3:10

Obebɔ, na sɛmɛaga, a tɔ otóka k'aphenɔkɔ ndɔ tɔ. Ɓaya, kákeni áɓɛ ɓó.

1 Pɛ́tɛɛ 5:2

Ambani etuge ndea Mokonga nnde ɗánóphi kángá sosea anu. Ambani ndiu ú na měma ánjá ɓíndɔ Mokonga akondi. Bɛɗanagani kángá mɔphɛ á tɔá ka ɓojeɗe, óyameani ndiu k'ékuma na měma ékondi.