1 Timɔtɛ́ɔ 3:7 - Ɔngana á Kɛ̌kɛ

⁷ Goto, ɓunde ɓáná ɓakiísito ɓádigimisɛ nyɔngɔ nɛkɛ ánjá ka gea, ɓákámɓɛnjiɛgɛmbɛ na tá ka mɛ̌kɔ ndea nketi.

1 Timɔtɛ́ɔ 3:7 Iomraidhean Croise

Málikɔ 4:11

Yéso áǒsikisia te: «Mokonga anoúbisi nyɔngɔ á ɓɔsɔmɛa á koɓoamɛ nɛkɛ. Ka ɓundɔ ɓá gǎkɛ na nsɛngɛ, nyɔngɔ aɛsɔmɛani ka mɛní.

Ekuma á ɓateki 10:22

Ɓáonsikisia te: «Moamɛ á ɓato émani Kɔɔnɛlíɔ aámbé asóteki. Ande nto á koɗoni na mmbé áomɓanga Mokonga. Ɓayúda ɓɔbu, ɓá phɔtɔ ombeba phɛɛ. Malaéka ndea Mokonga angoɗi gea, ákɔɔphanɛ mɔtɛ-akɛ, ka ɔ́ka nyɔngɔ nde ongoɗeande.»

Ekuma á ɓateki 22:12

Cɔ, nkpa moci ɗátú kó, ina akɛ Ananía. Yɛ, ɗátú mɓángi-Mokonga na ɗátúoamba ɛɔphi ndea Mósa phɛɛ. Ɓayúda ɓɔbu ɓunde ɗáɓáiki ka Damasíki ɗáɓáombeba phɛɛ.

Ekuma á ɓateki 6:3

Cɔ, ɓaya, ɔ́sɔmbɔani ɓakpa ngianjaga iɓɛ (7) sɔsɔɓɛ anu, ɓunde ɓá na tambea ánjá, ɓátúmi na Měma á kanga ɓojeɗe na ɓá na kɔɓɔɔngɛ, ɓébisɛ k'ékuma á egabɔ.

1 Ɓakɔlítɔ 10:32

Tambea anu kaɓɛmbɛ ephiphi ájeɗe ka Ɓayúda, na ɓunde ɓáná Ɓayúda, phɔtɔ ka ɓato á kanisa ndea Mokonga.

1 Ɓakɔlítɔ 5:12

Cɔ, ké na nyɔngɔ ka ɓakpa á ka mokonda ndee. Mokonga aámbé atenande nyɔngɔ nɛɓɔ. Akeni ndiu, ɓótenɛ nyɔngɔ á ɓakiísito ɓunde ɓáogea ájeɗe. A tɔ ɓíndɔ Ɓuku á Mokonga ayɔngi: «Mɓeagani nkpa ájeɗe sɔsɔɓɛ anu.»

2 Ɓakɔlítɔ 6:3

Ɓékékondi ɓɛtisa á nkpa n'ephiphi ka kema bui nga, ɓeóɓánga ɓakpa sɛkaga ékuma nɛsu.

2 Ɓakɔlítɔ 8:21

Ɓeokáɓa gea ánjá, nna tɔndɔ mosá á Mɔkɔta, a ndiu phɔtɔ mosá á ɓakpa.

Ɓakɔlɔsái 4:5

Mbenɔ bui nde ɓoodondana na ɓakpa íɓunde ɓáná ɓaɓêki, ɛ́ɓɔnisani ɓɔ tambea nde akeni.

1 Ɓatɛsalɔníka 4:12

Ɓo ye otétemisa ekuma á ka njaga anu sasanu, ɓókóoɗokomaneɛku ye ɓakpa. Ɓakpa nde ɓákámɓeekimbɛ Kiísito, ɓâ phɔtɔ onóbeba.

1 Ɓatɛsalɔníka 5:22

Téani ɓojeɗe bui.

1 Timɔtɛ́ɔ 3:6

Kaɓɛmbɛ mokiísito á kɛ̌kɛ, ámbé aebebande, mbusa í, Mokonga áotena nyɔngɔ nɛkɛ akpɛ ɓíndɔ á nketi.

1 Timɔtɛ́ɔ 5:14

Cɔ, nekondi gǎkɛ ɓake á kekusa íɓunde ɓá phɔ́tɔ ɓamponjo, ɓáɔmanɛ, ɓáɛɓɔkɔtɛ ɓaniki, ɓáambɛ endu nɛɓɔ ka gea, ɓaɓiɓia asu ɓákáɓɛmbɛ n'aphe moci nde ɓásóbómande kau.

1 Timɔtɛ́ɔ 6:9

Ɓunde ɓá gǎkɛ okáɓa ɛtɔi, ɓáogua katombaga na tá ka mɛ̌kɔ, ɓáokáɓa mɔphɛ ájeɗe ásii ka kobóbó na ngisa aɓɔ k'otúkɔtúkɔ na ɓúngaga.

2 Timɔtɛ́ɔ 2:26

ɓáǒsóɗoa ka mɛ̌kɔ ndea Nketi, mmbé ɗáekoɗi ka gea, ɓátɔtɔkisɛ mɔphɛ nɛkɛ.

Títɔ 2:5

ɓáɓɛ phɔtɔ ɓato á tambea ánjá, na ɓáɓɛ kángá á ɓɔjɔɔkiɔ. Ɓátɔtɔkisɛ ekuma á k'éndu nɛɓɔ ánjá, ɓáɓɛ ɓake ɓánjá, ɓáɛɓɔ́kɛ ɓamunyaɓɔ ka gea, ɓakpa ɓákátɛbɛɛgɛmbɛ nyɔngɔ á Mokonga.

Títɔ 2:8

Ambe phɛá tɔ nyɔngɔ á ɗoni, nnde nkpa káyɛku. Ɓondɔ unge, ǒkusande ɓaɓiɓia akɔ na soni, na ɓákáyɔngɛku ye ájeɗe ka phɔasu.

3 Yoáni 1:12

Ɓakpa ɓɔbu ɓáoɗigimisa gea, Dɛmɛtiíɔ ande nkpa anjánjá, nndɔ ande ɗoni. Ɓesu phɔtɔ ɓeoɗigimisa nyɔngɔ ka phɔa akɛ, na oɓɛ ooúba gea ɗigimisa á nyɔngɔ nɛsu ande ɗoni.