1 Timɔtɛ́ɔ 2:8 - Ɔngana á Kɛ̌kɛ

⁸ Cɔ, nekondi phɔ́ gea, ɓǒko ɓámɛmɛ k'ɔ́ma bui na ɓámɛsi njaga. Akeni ɓágeɛ ɓó na měma ánjá kángá á ɓɛí na sani.

1 Timɔtɛ́ɔ 2:8 Iomraidhean Croise

Matáyɔ 21:21

Yéso áǒngoɗea: «Nenóngoɗi ɗoni gea, aoɓá na ɓona ɓeekea kángá á ngǎka, ɓókógeɛku tɔndɔ kema sumbî negi ka me ndee. Ɓɔtɔkande gǎkɛ ngonɗea á mamba nde phɔtɔ: ‹Phúikana sua, ógɛ guiɛ k'óɓe nge›, nndɔ atɔtɔkɛanande.

Matáyɔ 5:44

Eme nenóngoɗi gǎkɛ te: ókondani ɓaɓibia nɛnu, ɓɔ́mɛmɛ ndiu Mokonga ka phɔa ɓundɔ ɓáonótambisaga.

Matáyɔ 6:12

Íma ɓojeɗe nɛsu, ɓíndɔ ɓesu ɓe phɔtɔ oíma ka ɓundɔ ɓásogǐí ɓojeɗe.

Lóka 23:34

Mpɔ Yéso áɔyɔnga gea: «Abɛ íma ɓojeɗe nɛɓɔ nga, ɓákáoúba kema nde ɓáogea.»] Wa, ɓáogabisana ngɔ́mbɛ nɛkɛ mbusa á ɓɛta ɓana-mɛlɔɛ kau.

Lóka 24:50

Mbenɔ nde Yéso ɗěge na ɓagoigi bǎ ntanga-nji, bíbí á nji Bɛtanía, wa, áɔmɛma Mokonga n'ěbisíí njaga.

Yoáni 4:21

Yéso áongea: «Ómoɓeekea, esa aobika, nnde ɓókóngbúkiɛku Abɛ Mokonga muanku, kaɓɛ ka mamba nde, kaɓɛ ka Yɛusalɛ́ma.

Ekuma á ɓateki 10:2

Yɛ na ɓato á k'éndu nɛkɛ ɓɔbu ɗáɓátú omɓánga Mokonga na beba akɛ. Ɗá phɔtɔ ogaba imɔna nɛkɛ ka ɓaúki na mɛma á Mokonga kángá ɗeketa.

Ekuma á ɓateki 10:31

Áomongoɗea te: ‹Mokonga aɔ́ki ɛmɛmi nɛkɔ, aokokanisia ka nyɔngɔ á kema nde ǒgabei ɓaúki.

Ekuma á ɓateki 10:4

Kɔɔnɛlíɔ áontúmia n'iso, n'ana kɔɓɔɓɔkɔ. Áomúsia: «Mɔkɔta, ama ɓo?» Malaéka áonsikisia te: «Mokonga aɔ́ki ɛmɛmi nɛkɔ na ɓeekea á kema nde ǒgabei ɓaúki. Kaɓondɔ, aokokanisia.

Ekuma á ɓateki 21:5

Ɓî ɓegɔɓi ye pɔsɔ ndɔ, ɓê gǎkɛ ɔmɛa. Ɓaɓeeki ɓɔbu kimoci na ɓake aɓɔ na ɓánaɓɔ, ɓáoga ɔsɔ́ɔkɔwa ka ngba á ntanga-nji. Ɓesu ɓɔbu, ɓéogbúka muanku asu k'ɔ́ɓɛɛ á oɓenge, ɓɛ́ɔmɛma Mokonga.

Ekuma á ɓateki 7:60

Mpɔ, áogbúka muanku, áokoga akpɛ phɛɛ, áogea: «Mɔkɔta Yéso, kóbisɛmbɛ nyɔngɔ á ɓojeɗe nɛɓɔ ka měma.» Mbusa á yɔnga akɛ ɓondɔ, áokuwa.

1 Ɓakɔlítɔ 7:7

Netókondi gea, ɓakpa ɓɔbu ɓáɓɛ ɓea eme, kángá á ɓoá á nke. Nkpa na nkpa a gǎkɛ n'egabɔ nɛkɛ sasakɛ ɓíndɔ Mokonga amophi. Nkpa moci, egabɔ índe, nkpa ɓaangbo, egabɔ índo.

2 Ɓakɔlítɔ 2:14

Cɔ, ɓémbebɛni Mokonga nga, ka jukanisa asu na Kiísito aunge ɓena ɓukpɛkpɛ á kinda esa bui. Aosóbɛɗaneaga ka ɛmbisa á nyɔngɔ nɛkɛ ka nji bui ɓea su á nkoki nnde aɔɛmba ɔma bui.

Ɓaphilípi 1:12

Ɓaya, nekondi ɓóúbɛ gea, kema nde ɗámogi, ɗágeani gǎkɛ ɓó ka tútuisa á Mbino-Ánjá.

1 Ɓatɛsalɔníka 1:8

Nga, ka nyɔngɔ anu, nyɔngɔ á Mɔkɔta ɗáɛmbi ka mokonda bui, nna tɔndɔ ka Makɛdɔnía na ka Akáya. Nga, ɓeekea nɛnu ka Mokonga aunge andandisi nyɔngɔ nɛkɛ. Kaɓondɔ unge, ɓéké ye na nyɔngɔ angbo á ngoɗea á ɓakpa.

1 Timɔtɛ́ɔ 5:14

Cɔ, nekondi gǎkɛ ɓake á kekusa íɓunde ɓá phɔ́tɔ ɓamponjo, ɓáɔmanɛ, ɓáɛɓɔkɔtɛ ɓaniki, ɓáambɛ endu nɛɓɔ ka gea, ɓaɓiɓia asu ɓákáɓɛmbɛ n'aphe moci nde ɓásóbómande kau.

Títɔ 3:8

Cɔ, yɔnga ndɔ, ande á ɓeekea í. Nekondi óphangiɛgɛ ɓaɓêki ú na ɓukpɛkpɛ ka gea, ɓakpa nde ɓámɓeeki Mokonga ɓéyameɛ ka tɔtɔkisa á ekuma ánjá. Nyɔngɔ ndɔ aánjá na ana kantíti ka ɓakpa.

Ɓaɛbulanía 10:22

Kaɓondɔ, ɓémbǐmisiɛni Mokonga na měma á koɗoni nnde atúmi na ɓeekea, phɔtɔ na nyama nde ɓesokosi ú na iɓo nde aánjá.

Yakɔ́ɓɔ 4:8

Mbîmisiani Mokonga, yɛ anóbîmisiande phɔtɔ. Ɓato á ɓojeɗe, sokoseani njaga anu. Ɓato á mɔphɛ ɗanga-ɗanga, sokoseani měma anu.

1 Pɛ́tɛɛ 3:7

Ɓenu phɔtɔ ɓǒko, ikani na ɓake ɓánu ka ɔ́kana ánjá, na ɓooúba gea, ɓáɔlɔmani kɔnɔnyɛ́nya. Ambe ɓóoɗokomisɛ nga, ɓɔ ɓátɔande egabɔ á enda á ɗoni ɓea ɓenu. Geani ɓó ka gea, ka kema kaɗakɛmbɛ ɛmɛmi nɛnu.