1 Timɔtɛ́ɔ 2:7 - Ɔngana á Kɛ̌kɛ

⁷ Ka nyɔngɔ índɔ unge Mokonga ɗámobisi ntɔmigi-mbino na nteki, ka goisaga ɓunde ɓáná Ɓayúda nyɔngɔ á ɓeekea na ɗoni. Kɛ́ɔyɔnga mbɛa, ne tɔ ɔyɔnga ɗoni.

1 Timɔtɛ́ɔ 2:7 Iomraidhean Croise

Yoáni 7:35

Ɓayúda ɓâ gǎkɛ ɔyɔngaga sɔsɔɓɛ aɓɔ te: «Nkpa nde agande ɔma sina, ka gea ɓɛ́kɛmɔnɛ? Aoga mɔtɛ á ɓadasu íɓunde ɓáphanjekani ka nji á Ɓagiíki gea, áégoisɛgɛ Ɓagiíki?

Ekuma á ɓateki 14:27

Ɓájú ye na Antiɔkía, ɓáǒdondanisa ɓato á kanisa, ɓáǒngoɗea kema bui nde Mokonga ɗági kimoci na ɓɔ, na ɓî Mokonga aekoɗei phɔtɔ ɓakpa nde ɓáná Ɓayúda aphe á ɓeekea á Mokonga.

Ekuma á ɓateki 22:21

Mpɔ Mɔkɔta áomogea: ‹Gǎ tɔ nga, eme, nekotekande ɗanga ka ɓakpa nde ɓáná Ɓayúda.›»

Ekuma á ɓateki 26:20

Cɔ, ɗɛ́phɛí phɔ́ gǎkɛ ɓato á ka Damasíki, mpɔ ɓato á ka Yɛusalɛ́ma, na ɓato á ka nji á Yudɛ́a ɓɔbu, na ɓakpa nde ɓáná Ɓayúda. Ɓɔphɛi ndɔ ɗátú ka gea, ɓákětiɛ tambea aɓɔ ájeɗe, ɓéphaiɛ ka Mokonga, mpɔ ɓáúbisɛ gea, ɓá ye ěkěti.

Ekuma á ɓateki 9:15

Mɔkɔta â gǎkɛ ongoɗea te: «Gǎ tɔndɔ nga, nɛnsɔmbu ye nkpa ndɔɔ. Nɛmɔphani, áɓɛ mbɛɗanigi nɛmɔ ka úbisa ina ani k'ékuna bui na ɓaamɛ nɛɓɔ, na Ɓaisilaɛ́li phɔtɔ.

Ɓalɔ́ma 1:9

Cɔ, Mokonga mmbé nɛɔmbɛɗaneaga na měma ani bui ka tɔ̌miaga Mbino-Ánjá ndea Anakɛ, aoúba gea nnde nɛɔyɔnga ande ɗoni. Yɛ, aoúba gea neonókanisia esa bui.

Ɓalɔ́ma 10:14

Cɔ, ɓáɔphaneande ina akɛ ɓó na ɓákámɓeeki? Na ɓámɓeekeande ɓo na ɓákámɔ́ki nkpa n'aɔtɔmiaga mbino nɛkɛ? Na ɓáɔ́kande ɓo aoɓá na nkpa kátɔ̌migi ú?

Ɓalɔ́ma 11:13

Neonóngoɗea ɓenu íɓundɔ ɓókó Ɓayúda gea: Nende nteki nɛnu. Ɓî a ɓó, nena maseye k'ékuma nɛmɔ.

Ɓalɔ́ma 15:16

ka ɓá mbɛɗanigi ndea Yéso Kiísito ka phɔa ɓakpa ɓunde ɓáná Ɓayúda. Nɛɔbɛɗanaga ekuma á ntoɓeigi-phɛ́a ka tɔ̌miaga Mbino-Ánjá ndea Mokonga ka gea, ɓunde ɓáná Ɓayúda ɓáɓɛ ɓea ɛkɔmi nde Měma á kanga ɓojeɗe asokosei.

Ɓalɔ́ma 9:1

Nɛɔyɔnga ɗoni ka jukana na Kiísito, ké gǎkɛ ɔyɔnga mbɛa. Měma á kanga ɓojeɗe asɔndɔi měma ani ka ɗigimisa gea, nɛɔyɔnga ɗoni.

1 Ɓakɔlítɔ 9:1

Cɔ, kéna kɔkɔta á gea á kema nde nekondi ee? Ké nteki ee? Eme, ɗékémɔni Yéso, Mɔkɔta nɛsu ee? Ɓókó ɓaniki ékuma nɛmɔ suɓi á Mɔkɔta ee?

2 Ɓakɔlítɔ 11:31

Mokonga, Aba-Mɔkɔta Yéso, mmbɔ obebɔ nɛkɛ ande mɛyɔ, aoúba gea, kɛ́ɔyɔnga mbɛa.

Ɓagalatía 1:16

Áomophangia Anakɛ ka gea te, nɛ́tɔmiɛgɛ Mbino-Ánjá nɛkɛ ka ɓunde ɓáná Ɓayúda. Ɗɛ́kɛ́mɛmi gǎkɛ ɓɔphɛi ka nkpa,

Ɓagalatía 1:20

Cɔ, nenóngoɗi ɗoni mosá á Mokonga gea, kema nde nenóɗundui nna mbɛa.

Ɓagalatía 2:16

Ɓeoúba gea, nna ka nyɔngɔ á amba ɛɔphi unge aombisa nkpa nto á koɗoni mosá á Mokonga. A ndiu tɔ ka nyɔngɔ á ɓeekea Yéso Kiísito. Ɓesu phɔtɔ, ɗéɓemɓeeki Kiísito Yéso ka gea te, ɓéúbukanɛ gea ɓende ɓato á koɗoni. Ɗéɓeúbukani gea ɓende ɓato á koɗoni ka ɓeekea Kiísito, nna ka nyɔngɔ á amba ɛɔphi. Nga, nna na nkpa nde aɓande nto á koɗoni mosá á Mokonga ka nyɔngɔ á amba ɛɔphi.

Ɓagalatía 2:9

Mpɔ, Yakɔ́ɓɔ, Pɛ́tɛɛ na Yoáni, ɓî ɗáɓáeseɓei ɓea nsukiɔ á kanisa, ɓáoengekisa ebigɔ nde Mokonga amopi. Ɓáosopha njaga eme na Baanába ka ɔnisa ɔngana. Ɓɛ́ɔɔ́kana na ɓɔ ka gea, ɓesu ɓégɛ bɛɗanɛgɛ mɔtɛ á ɓakpa nde ɓáná Ɓayúda, ɓɔ gǎkɛ ɓágɛ bɛɗanɛgɛ mɔtɛ á Ɓayúda.

Ɓagalatía 3:9

Cɔ, Abalaámu ɗámɓeeki Mokonga, Mokonga áombisia njaga. Kaɓondɔ unge ɓakpa ɓɔbu ɓunde ɗáɓámɓeeki Mokonga, Mokonga aebisíí phɔtɔ njaga ɓea yɛ.

2 Timɔtɛ́ɔ 1:11

Ka nyɔngɔ á Mbino-Ánjá nɛkɛ ndɔ unge, Mokonga ɗámobisi, néɓɛ ntɔnganisi Mbino-Ánjá, nteki na ngoisigi.

2 Pɛ́tɛɛ 2:5

Mokonga ɗákákui mokonda á kala ngomi, ɗábikisi ndiu túma á iɓo phɛɛ gǔ á mokonda nde ɗátúmi na ɓato á ɓojeɗe. Ɗánamisi tɔndɔ Nɔ́a, mmbé ɗáɔtɔmia mbino á koɗoni, na amisa phɔtɔ ɓakpa ɓunɛngbo ngianjaga iɓɛ (7).