1 Timɔtɛ́ɔ 2:5 - Ɔngana á Kɛ̌kɛ

⁵ Mokonga a tɔ mo. Mɔɔnganisi á ɓakpa na Mokonga a tɔ mo, n'ande nkpa, Kiísito Yéso,

1 Timɔtɛ́ɔ 2:5 Iomraidhean Croise

Matáyɔ 1:1

Cɔ, ɔnani ina á ɓatatakɛ na Yéso-Kiísito, mosuko á Daúdi, mosuko á Abalaámu.

Matáyɔ 1:23

«Nseka akumbande éme. Amɓɔkɔtande miki-mǒko, ɓámɔphanande Ɛmanuɛ́li.» Ande gea te: «Mokonga a kimoci na ɓesu.»

Lóka 14:22

Mbusa, mbɛɗanigi áongoɗea: ‹Mɔkɔta, nɛtɔtɔkisi kema nde otósosí. Cɔ, ɔma a phɔ́tɔ ɓei.›

Yoáni 1:14

Moyo áoɓá nkpa, áoika sɔsɔɓɛ asu. Áotúma na ɓonjánja-ékondi na koɗoni. Ɗɛ́ɓɛɔni ɓoombia akɛ, ɓoombia nde ngɔmu atɔi ka Abakɛ.

Yoáni 17:3

Enda á mɛyɔ ndɔ, ande úba akɔ gea, oɓɛ sasakɔ aámbé onde Mokonga ɗoni, na úba á Yéso Kiísito mmbé ɗónteki.

Ekuma á ɓateki 4:12

A tɔ yɛ aámbé aǒamisa ɓakpa ka měma. Nga, ka mokonda bui nna tanda na ina nde Mokonga aeɓophi ɓakpa n'ana ɓukpɛkpɛ á amisa á ɓɔ ka měma.»

Ɓalɔ́ma 1:3

Mbino ndɔ a ka phɔa anakɛ mmbé ka kokpa akɛ ɗáɓɔkɔtɛani k'ékombo ndea moamɛ Daúdi;

Ɓalɔ́ma 10:12

Cɔ, Ɓayúda na ɓunde ɓáná Ɓayúda ɓákátingani nga, ɓɔbu ɓá tɔ na Mɔkɔta moci nga, yɛ aogaba ɛtɔi nɛkɛ ka ɓakpa ɓɔbu ɓunde ɓáɔɔphanea ina akɛ.

1 Ɓakɔlítɔ 8:4

Cɔ, músiɔ a ɓe: Ɓɛɔtɔka na ɓeí due á nyama á phɛ́a ka ɓamokonga á mbɛa? Cɔ, ɓeoúba gea, nna na ka ɓamokonga á mbɛa nde ande ɗoni ka mokonda ndee. Ɓe gǎkɛ oúba gea, Mokonga a tɔ mo.

1 Ɓakɔlítɔ 8:6

Ka ɓesu gǎkɛ, Abasu Mokonga a tɔ mo, mmbé aconji kema bubui, na ka ɓukpɛkpɛ nɛkɛ aunge ɓeoenda. Mɔkɔta a tɔ mo, Yéso Kiísito, mmbé kema bui a ɓei ka nyɔngɔ akɛ, na ka ɓukpɛkpɛ nɛkɛ aunge ɓeoenda.

Ɓagalatía 3:20

Aoɓá nyɔngɔ n'a tɔ ka phɔa nkpa moci, nna na siki á mɔɔnganisi. Cɔ, Mokonga a tɔ sisakɛ.

Ɓaɛphɛ́sɔ 4:6

Mokonga a tɔ moci n'ande Aba ɓakpa ɓɔbu. Yɛ, a gǔ á ɓakpa ɓɔbu, aɔbɛɗanaga ka ɓakpa ɓɔbu, aiki ka ɓakpa ɓɔbu.

1 Timɔtɛ́ɔ 6:13

Nekososi mosá á Mokonga, mmbé ande cina á enda bui, na mosá á Kiísito Yéso, mmbé ɗáengekisi koɗoni nɛkɛ mosá á Pɔntíɔ Pilátɔ gea,

Ɓaɛbulanía 12:24

Ɓombîmisi Yéso, mmbé ande mɔɔnganisi á ɔngana á kɛ̌kɛ. Yɛ aámbé asokosei měma asu na magia akɛ nga, ɗǔkana á magia ndɔ aosóphangia kema ánjá kɔnyɛ́nya magia á Abɛ́li.

Ɓaɛbulanía 7:25

Ka nyɔngɔ índɔ unge aɔtɔka amisa á ɓakpa ka měma na ka sungiaga ɓunde ɓáombîmisia Mokonga k'aphe ndea akɛ. Nga, Yéso aoenda mɛyɔ ka ɗengemisaga á Mokonga ka phɔa ɓɔ.

Ɓaɛbulanía 8:6

Kɛ̌kɛnde gǎkɛ, ekuma ndea Yéso a gǔ índe á ɓatoɓeigi-phɛ́a ɓunɛngbo nga, yɛ ajúkanisi ɔngana nde anyɛ́nyi nndɔ á mosá nnde cina í a ka mɔkɔ ánjá phɛɛ kɔnyɛ́nya nnde á mosá.

Ɓaɛbulanía 9:15

Ka nyɔngɔ índɔ unge Kiísito ande mɔɔnganisi á ɔngana á kɛ̌kɛ. Ɗákú ka tokisa á ɓakpa ka ɓojeɗe nde ɗáɓáogea ú ka mbenɔ á ɔngana á kala. Kaɓondɔ, ɓunde Mokonga ɛ̌ɓɔphani ɓáɔtɔka na ɓatɔi nkumba nde ɗɛ́ɔku nnde káujukanɛeka.

1 Yoáni 2:1

Ɓaniki amɔ, nenóɗundui nyɔngɔ nde ka gea, ɓókógeɛ mɔnɔ ɓojeɗe. A gǎkɛ oɓá, ka ɓakpa n'agi ɓojeɗe, ɓena ngami mosá á Abɛ n'ande Yéso Kiísito, Nto á koɗoni.

Mphaniɔ 1:13

Sɔsɔɓɛ í, nɛɔmɔna nkpa, n'akengeani na Muna-Nkpa. Yɛ, ɗáɔ́li ngɔ́mbɛ éndǎ, nnde akǐ k'écinji. Áɔ̌ɓɔɛa angeɗe k'égogo nnde ɗáɓáɓɔngisigi na láté.