1 Timɔtɛ́ɔ 2:3 - Ɔngana á Kɛ̌kɛ

³ Nndɔ unge aánjá na amɓɔngɛi Mokonga, Namisi nɛsu.

1 Timɔtɛ́ɔ 2:3 Iomraidhean Croise

Lóka 1:47

měma ani ana maseye phɛɛ ka Namisi nɛmɔ Mokonga,

Ɓalɔ́ma 14:18

Mmbé aɔmbɛɗaneaga Kiísito ɓó, amɓɔngɛi Mokonga na ɓakpa ɓáomɓeekea.

Ɓaphilípi 1:11

Enda anu átúmɛ na tambea á koɗoni nnde Yéso Kiísito anophi ka nyɔngɔ á ɓoombia na obebɔ á Mokonga.

Ɓaphilípi 4:18

Nga, ɓokambia nɛnu amɔgɔɓi, â phɔtɔ ɔmɔnyɛ́nyɛa. Ɓî Ɛpaphɔdítɔ amopi nkɛɓɛa nɛnu, ne ye tɔ na kema bui. Nga, ɓokambia nɛnu ande ɓea nyama á phɛa, nnde ana su ánjá. Kaɓondɔ, Mokonga áoɓeekea ka nyɔngɔ nde, amɓɔngɛi.

Ɓakɔlɔsái 1:10

Kaɓondɔ, ɓoendande ɓíndɔ Mokonga akondi na gea kema nde aɔmɓɔngɛa Mɔkɔta. Ɓoɓande ɔtɔtɔkisa ekuma ɗanga-ɗanga ánjá na engekisa á Mokonga ánjá phɛɛ.

1 Ɓatɛsalɔníka 4:1

Cɔ, ɓaya, ka sungiaga, ɓɛnɔphɛí ye nyɔngɔ á tambea nde aɔmɓɔngɛa Mokonga. Ɗoni, ɓotambi tɔndɔ ɓó. Kɛ̌kɛnde gǎkɛ, ɓɛnɔmɛmi na ɗengemisaga anu k'ína á Mɔkɔta Yéso gea, ɓótetemisɛ phɔtɔ tambea ndɔ ánjá phɛɛ.

1 Timɔtɛ́ɔ 1:1

Ka Timɔtɛ́ɔ miki nɛmɔ á ɗoni suɓi á ɓeekea samba. Eme Pɔ́lɔ nteki nde ɓa Yéso Kiísito, ka kɔkɔta ndea Mokonga Namisi nɛsu, n'índe á Yéso Kiísito mmbé ɓenseɓei, eme aámbé nekoɗundui ɓaoɓa ndee. Ambe Abɛ Mokonga na Mɔkɔta nɛsu Yéso Kiísito ákophɛ ɓonjánja-ékondi, áokuiɛ ngomi na ákophɛ ɓujɛjɛ.

1 Timɔtɛ́ɔ 4:10

Cɔ, kaɓɛ na ɓeotambaga na ɓeomana, ande ka gea, ɓebisi nseɓeɔ nɛsu ka Mokonga mmbé ana enda, mmbé ande Namisi á ɓakpa ɓɔbu na Namisi phɛɛ á ɓunde ɓáɓeeki.

1 Timɔtɛ́ɔ 5:4

A gǎkɛ oɓá nke á kekusa n'ana ɓaniki na ɓasuko, akeni ɓato á k'ékombo nɛkɛ ɓágoɛgɛ tɔtɔkisa á ɓeekea ndea Mokonga ka nyɛ́nyɛa ekuma nɛɓɔ ka phɔa ɓato á k'ékombo nɛɓɔ sasaɓɔ. Ɓáejisiɛ phɔtɔ ɓaɓɔkɔti aɓɔ na ɓatataɓɔ ɓonjánja nde ɗáɓěgi ně nga, nndɔ unge amɓɔngɛi Mokonga.

2 Timɔtɛ́ɔ 1:9

Yɛ aámbé, ɗásóamisi ka měma, áɔsɔ́ɔphana gea, ɓéɓɛ ɓakpa nɛkɛ, nna ka nyɔngɔ á ekuma nɛsu, a ndiu tɔ ka nyɔngɔ á moangɔ nɛkɛ sasakɛ na ɓonjánjá-ékondi nɛkɛ. Nndɔ bui, ɗásóphi kimoci na Kiísito Yéso, mosá á conjá á mokonda.

Ɓaɛbulanía 13:16

Ɓókoɓoseɛmbɛ phɔtɔ geana á ɓonjánja na engana sɔsɔɓɛ anu, ka nyɔngɔ nde ɔphɛ́ɔ ɓíndɔ unge áɔmɓɔngɛa Mokonga.

1 Pɛ́tɛɛ 2:20

Ana obebɔ sina aoɓá na ɓophiphíí tambaga ka nyɔngɔ nde ɓogi ájeɗe? A gǎkɛ oɓá na ɓophiphíí tambaga ka nyɔngɔ nde ɓogi kema ánjá, nndɔ amɓɔngɛi Mokonga.

1 Pɛ́tɛɛ 2:5

Ɓenu phɔtɔ, ɓonde ɓea ɓ'ɛtɛ nde ana enda, ambe Mokonga ánɔbɛɗaneɛgɛ ka mɔphɛkɔ éndu á Mokonga á ka měma. Kó unge ɓoɓande ekombo á ɓatoɓeigi-phɛ́a ɓunde ɓáná na ɓojeɗe. Ɓophúiande ɔphɛ́ɔ á ka měma nnde aɔmɓɔngɛa Mokonga k'aphe ndea Yéso Kiísito.