1 Timɔtɛ́ɔ 2:10 - Ɔngana á Kɛ̌kɛ

¹⁰ Ɓáɛtɔndɛ ndiu na tambea ánjá nnde akeni ka ɓake íɓunde ɓáokáɓa beba á Mokonga.

1 Timɔtɛ́ɔ 2:10 Iomraidhean Croise

Ekuma á ɓateki 9:36

Nke ngoigi moci ɗáoikaga ka Yɔ́pa, ina akɛ Tabíta mmbé ɓáɔmɔphana ka Kigiíki «Dɔlíka», ka Kikomo ande gea te: «Cɔcɔɗɛ». Ɗáogea ekuma ánjánja, na gabea á ɓaúki.

Ekuma á ɓateki 9:39

Pɛ́tɛɛ áokamisaga gǎ kimoci na ɓɔ. Aí ɓî ajú, ɓáonga ně suɓi éndu ndɔ a k'ego. Ɓake á k'ekusa ɓáonsesea Pɛ́tɛɛ na ɓáogáma, ɓáɔmɔnisa Pɛ́tɛɛ nkanjo na bɔngɔ bui nde Dɔlíka ɗáéphopheí na kákumbɛ.

Ɓaɛphɛ́sɔ 2:10

Ɓende ekuma á ka njaga á Mokonga. Ande gea te, ɗásóconji ka ɔngana asu na Kiísito Yéso ka gea te, ɓéendɛ suɓi á ɛtɔi k'ékuma ánjá nde ɗásóbisíí gea, ɓɛtɔtɔkisɛ ú.

1 Timɔtɛ́ɔ 2:11

Akeni ɓake ɓáɔ́kɛ ɓɔphɛi na ɓákɔɓi, na ɓátɔtɔkisɛ ɓɔphɛi kau.

1 Timɔtɛ́ɔ 2:9

Nekondi goto gea, ɓake ɓáɔ́lɛ ngɔ́mbɛ ɓíndɔ akeni. Ɓákaɔ́lanɛgɛmbɛ na ɓemboko, ɓáokɛ́ sekamɔ̌ ɓíndɔ akeni, ɓákáɛtɔndɛmbɛ na kema nde ɓáɓɔngisigi na láté na nnde a n'esombi akpɛ, ɓákaɔ́lɛ phɔtɔ ngɔ́mbɛ nde ana esombi akpɛ.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Títɔ 3:8

Cɔ, yɔnga ndɔ, ande á ɓeekea í. Nekondi óphangiɛgɛ ɓaɓêki ú na ɓukpɛkpɛ ka gea, ɓakpa nde ɓámɓeeki Mokonga ɓéyameɛ ka tɔtɔkisa á ekuma ánjá. Nyɔngɔ ndɔ aánjá na ana kantíti ka ɓakpa.

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.

2 Pɛ́tɛɛ 3:11

Cɔ, ɓî kema bubui agogokanande ɓó, akeni tambea anu áɓɛ ɓo? Akeni tambea anu áɓɛ ɓíndɔ Mokonga akondi na tamba mosá akɛ kángá kisɛki,

Mphaniɔ 2:19

neoúba ekuma nɛkɔ, ekondi nɛkɔ, ɓeekea nɛkɔ, tambea nɛkɔ, na phiphia á tambaga nɛkɔ. Neúbi phɔtɔ gea ǒyamei ka bɛɗaneaga ani kɛ̌kɛnde kɔnyɛ́nya mosá.