1 Timɔtɛ́ɔ 2:1 - Ɔngana á Kɛ̌kɛ

¹ Mosá á kema bubui, nɛnɔ́phɛí ɓe: mɛmani Mokonga ka phɔa á ɓakpa ɓɔbu, ɓónɗengemisɛgɛ, na ɓónsegɛ ka phɔaɓɔ.

1 Timɔtɛ́ɔ 2:1 Iomraidhean Croise

Ekuma á ɓateki 17:30

Mokonga nna ye gǎkɛ oɓea nyɔngɔ nde ɓakpa ɗáɓági na ɓákáomúba. Kɛ̌kɛnde aeɓɔphani ye tɔ ɓakpa ɓɔbu á k'ɔma bui ka kětia á tambea aɓɔ.

Ɓalɔ́ma 1:8

Mosá á kema bui, neonsega Mokonga nɛmɔ ka Yéso Kiísito ka phɔa anu ɓenu ɓɔbu ka nyɔngɔ nde, ɓáɔtɔmiaga mbino á ɓeekea nɛnu ka mokonda bui.

Ɓalɔ́ma 6:17

Cɔ, ɓosegi gǎkɛ ka Mokonga nga, ɓenu íɓunde ɗóɓotú kala ɓakɔɓɛ á ɓojeɗe, ɗóɓoɓǐ na měma anu bui, aphe á ɓɔphɛi nde ɗáɓánóphɛi.

1 Ɓakɔlítɔ 15:3

Ɗɛ́nɔphɛí phɔ́ ɓɔphɛi nde eme sasani ɗáɓámɔphɛí. Ɓɔphɛi kau aɓe: Kiísito ɗáku ka nyɔngɔ á ɓojeɗe nɛsu ɓíndɔ ɗáɓáɔtu suɓi á Ɓuku á Mokonga.

2 Ɓakɔlítɔ 8:6

Kaɓondɔ unge ɓɛmɔphani Títɔ ágɛ mɔtɛ-anu ka gea, átútuisɛ ekuma égabɔ ndɔ ɗákpangi na ka ɓî agande ɔgɔɓɛa ú.

Ɓaɛphɛ́sɔ 3:13

Kaɓondɔ unge, nɛnɔmɛmi gea, ɓɔ́kɔɛlɛmbɛ ɓî ne ka tambaga ka nyɔngɔ anu. Nndɔ bui a tɔ kanu.

Ɓaɛphɛ́sɔ 5:20

Nsegani Abɛ Mokonga esa bui ka kema bubui, k'ína á Mɔkɔta nɛsu Yéso Kiísito.

Ɓaɛphɛ́sɔ 6:18

Mɛmani Mokonga kángá ɗeketa. Mɛmani mbenɔ bui ka ɓukpɛkpɛ á Měma. Phɛani tɔ̌ kángá ɛla k'ɛ́mɛmi ka phɔa ɓakpa ɓɔbu ndea Mokonga.

Ɓaphilípi 1:3

Neonsega Mokonga nɛmɔ ka mbenɔ bui nde neonókanisia,

Ɓaphilípi 4:6

Ɓókóiyanɛgɛmbɛ ka kema. Ngoɗeani ndiu Mokonga, kema nde ɓonasiki í k'ɛ́mɛmi nɛnu. Nsegani phɔtɔ suɓi ɛ́mɛmi na ɗengemisaga akɛ.

1 Ɓatɛsalɔníka 3:12

Mɔkɔta ánotúmisɛ phɔtɔ n'ekondi ka ɓakpa ɓea mboso n'atúmi na iɓo, áoɗǔkanaga. Mpɔ, ekondi nɛnu áokengeana n'índeasu ka ɓenu.

2 Ɓatɛsalɔníka 1:3

Ɓaya, akeni ɓénsegɛ Mokonga esa bui ka phɔa anu. Aánjá ɓegeɛ ɓó nga, ɓeekea nɛnu aɔmɔta phɛɛ, na ekondani nɛnu ɓenu ɓɔbu, nkpa na nkpa ka dakɛ amɔti phɔtɔ phɛɛ.

1 Timɔtɛ́ɔ 2:4

Nga, yɛ akondi ɓakpa ɓɔbu ɓáamɛ ka měma, ɓáúbɛ ɗoni.

1 Timɔtɛ́ɔ 5:5

Nke á kekusa ímbɔ nna na nkpa ɗoni k'ékombo ka enga akɛ, anseɓei mɔɔ tɔ nɛkɛ Mokonga. Yɛ, aɔmmɛma Mokonga keiphe n'esa kángá ɗeketa na bisa á mɔphɛ akɛ ka Mokonga.

2 Timɔtɛ́ɔ 2:24

Cɔ, kákeni mbɛɗanigi ndea Mɔkɔta ásanɛ. Akeni ndiu áɓɛ nto á aphɔngɔ ka ɓakpa ɓɔbu, mmbé aɔtɔka goisaga na phiphia á tambaga.

Títɔ 2:11

Eya, Mokonga asóphangi base ɓonjánja-ékondi nɛkɛ, n'ande cina á ɓoamia á ka měma ka ɓakpa ɓɔbu.

Títɔ 3:2

Ɓákáyɔngɛmbɛ ájeɗe ka phɔa á nkpa, ɓákásanɛmbɛ. Ɓáɓɛ ndiu ɓato-aphɔngɔ, ɓakpa ɓánjá, ɓunde ɓáokáɓa ɓujɛjɛ ka ɓakpa ɓɔbu.

Ɓaɛbulanía 6:11

Cɔ, mɔphɛ asu ande gea te, nkpa buakɛ sɔsɔɓɛ anu átetemisɛ ekuma na ka sungiaga ka gea te, nseɓeɔ nɛnu atɔtɔkɛanɛ.

Yakɔ́ɓɔ 5:16

Cɔ, Phúiani kaɓu nde nkpa na nkpa atú ně ka dakɛ. Nkpa na nkpa ámɛmɛ phɔtɔ Mokonga ka phɔa dakɛ ka gea ɓóamɛ. Nga, ɛmɛmi á nto á koɗoni ana ɓukpɛkpɛ phɛɛ.