1 Timɔtɛ́ɔ 1:9 - Ɔngana á Kɛ̌kɛ

⁹ Ɓê phɔtɔ oúba gea, ɛɔphi ndɔ nna ka ɓato á ɗoni, a ndiu tɔ ka ɓakpa nde ɓáogea ɓojeɗe, ɓunde ɓáoɓúna ɛɔphi, ɓunde ɓákáomɓánga Mokonga, ɓato á ɓojeɗe na ɓunde ɓáɔjɔɔkisa kema ánjá nɛkɛ. Ɛɔphi ndɔ a phɔtɔ ka ɓunde ɓáǒma ɓ'abaɓɔ, ɓ'amaɓɔ na ɓato á kaiso,

1 Timɔtɛ́ɔ 1:9 Iomraidhean Croise

Matáyɔ 10:21

Nkpa antɔngande muna-amakɛ ka gea, ɓámmowɛ. Na ɓaniki ɓáɓande ɓaɓiɓia á ɓaɓɔkɔti aɓɔ, na kusisa aɓɔ.

Ɓalɔ́ma 1:30

Ɓáɔyɔngaga ájeɗe ka phɔa ɓadaɓɔ, ɓaɓiɓia á Mokonga, ɓato á mbóma, ɓato á ébeba, ɓato á měma ájeɗe, ɓato á ɓemboko, ɓato á phɔtanaga, ɓato á maibe ka tɔá kema ájeɗe, ɓakpa nde ɓákáɔ̌ɓɔka ɓaɓɔkɔti aɓɔ.

Ɓalɔ́ma 4:13

Cɔ, Mokonga ɗámɔku Abalaámu na ɓasuko akɛ gea aéɓophande mokonda. Mɔkɔ ndɔ nna gǎkɛ ka nyɔngɔ nde Abalaámu ɗáoamba ɛɔphi ndea Mósa. A ndiu ka nyɔngɔ nde Mokonga ɗántangi nto á koɗoni ka nyɔngɔ á ɓeekea nɛkɛ.

Ɓalɔ́ma 5:20

Ka nyɔngɔ á kiɗiana á ɛɔphi, aunge ɓojeɗe aɓiki. Cɔ, ɔma nde ɓojeɗe ɗáɓiki, ɓonjánja-ékondi ndea Mokonga ɗáɓiki phɛɛ.

Ɓalɔ́ma 6:14

Ɓojeɗe káɓɛku ye na kɔkɔta gǔ anu nga, ɓókó ye kusi á ɛɔphi, ɓo ndiu kusi á ɓonjánja-ékondi ndea Mokonga.

Ɓagalatía 3:19

Cɔ, ɛɔphi a gǎkɛ na kantíti sina? Ɗáɓáyamei ɛɔphi ka úbisa gea, ɓakpa ɗáɓáɓúni ɛɔphi ndea Mokonga, na ka ɓî ɛɓɔkɔti ndea Abalaámu ajúaeka mmbɔ mɔkɔ ɗátú ka phɔakɛ. Ɓamalaéka ɓáunge ɗáɓábiki n'ɛ́ɔphi ndɔ ɓáobisa ka njaga á mɔɔnganisi.

Ɓagalatía 5:18

Aoɓá Měma n'aɔnɔsɔndɔɛa, ɛɔphi nna ye kema ka ɓenu.

Ɓagalatía 5:21

Ɓá na mɔphɛ ájeɗe, ɓoita, osǎ, na kema nɛngbo nde akengeani ně. Nesikíí goto ngoɗea anu ɓíndɔ netónongoɗi mosá gea: Ɓunde ɓáogea ka kema ɓínde, ɓákángiɛku ka koɓoamɛ ndea Mokonga.

Ɓagalatía 5:23

ɓɔphɔngɔ, ɛngɛpha. Ɛɔphi nnaoimisia ka kema ndɔɔ.

2 Ɓatɛsalɔníka 2:8

Mpɔ, Nto á otúkɔtúkɔ áɔɔnɛkana base. Mɔkɔta Yéso ammowande na ɛphɛu á k'aphenɔkɔ akɛ, ka ɓukpɛkpɛ á ɓoombia nɛkɛ aunge antúkatúkande mɓiɓia ndɔ, ka mbenɔ nde yɛ Yéso abikande.

1 Timɔtɛ́ɔ 4:7

Kóɓeekeɛmbɛ gǎkɛ egani á jǎi-jǎi, na nnde atingani na moangɔ á ɓeekea. Ókakamisa ka tambea ánjá mosá á Mokonga.

1 Timɔtɛ́ɔ 6:20

Cɔ, Timɔtɛ́ɔ, amba ánjá nnde Mokonga ɗákophi. Ɓánga yɔngaga á jǎi-jǎi, nnde atinganigi na ɓɔphɛi á ɗoni. Yɔngaga ndɔ aunge ɓaɓiɓia nɛsu ɓáɔɔphana «úbapha», n'ande mbɛa.

2 Timɔtɛ́ɔ 2:16

Téa yɔngaga á jǎi-jǎi nnde atingani na moangɔ á ɓeekea nga, ɓakpa nde ɓáoɓea nndɔ, ɓáǒɗangamisa na Mokonga phɛɛ.

2 Timɔtɛ́ɔ 3:2

Nga, ɓakpa ɓáɓánde ɓakukuma, ɓákondi imɔna, ɓato ébeba, ɓato éɗokomisa, ɓato á bóma á Mokonga, ɓunde ɓánáɔ̌ɓɔ́ka ɓaɓɔkɔti aɓɔ, ɓato á kanga obebɔ, ɓunde ɓáɔjɔɔkisa kema ndea Mokonga,

Títɔ 1:10

Cɔ, ɓakpa ɓásii, asa phɔ́ sɔsɔɓɛ á Ɓayúda íɓunde ɗáɓámɓeeki Yéso, ɓáoyá ɓɔphɛi á ɗoni na demaga á ɓakpa na yɔnga á jǎi-jǎi.

Títɔ 1:16

Ɓáɔyɔnga te, ɓáomúba Mokonga, na ekuma nɛɓɔ a gǎkɛ ophangia gea, ɓáongána Mokonga. Ɓɔ, ɓáogea kema nde ɓakpa ɓáokangea ú, ɓákáɔmɔ́ka nkpa, ɓákáɔtɔka na ɓátɔtɔkisi ekuma ánjá.

Títɔ 1:6

Ngbɛga á kanisa áɓɛ nkpa á kanga kisɛki. Mǒko nde a tɔ na nke moci. Ɓ'anakɛ ɓáɓɛ ɓaɓêki, kángá á kitɔngi á tambea ájeɗe na mɔ̌ akpɛ.

Títɔ 3:3

Nga mosá, ɓesu phɔtɔ ɗéɓékétú oúba kema, ɗéɓékétú ɔmɔ́ka Mokonga, ɗéɓéoɓúngaga, ɗéɓétú ɓakɔɓɛ á mɔphɛ ájeɗe na kema ɗanga-ɗanga. Tambea asu ɗátú ájeɗe, ɓéoɓá ɓato á nsengo. Ɗáɓásókangei, ɓéokangeana phɔtɔ ngǔngu asu.

Ɓaɛbulanía 11:31

Ka nyɔngɔ á ɓeekea, Laába nke á iɛɓɛ ɗákáku kimoci na ɓaɓiɓia ndea Mokonga nga, ɗéěsesi ánjá ɓasɔni-emani.

Ɓaɛbulanía 12:16

Ka ɓenu kaɓɛmbɛ nto á iɛɓɛ na ɓɛnjiaga á kema á ɓonjánja ndea Mokonga ɓea Ɛsáu, mmbé ɗásombisi ɓokutú á ɓɔkɔtɛana akɛ mosá ka nyɔngɔ á eea.

1 Pɛ́tɛɛ 2:7

Cɔ, ka ɓenu íɓunde ɓoɓeeki, ɛtɛ ndɔ ana kantíti phɛɛ. Ka ɓunde gǎkɛ ɓákáɓeeki: «Ɛtɛ nde ɓaphɛki ɗáɓáyé, aunge ande ngeɔ á mɔphɛkɔ.»

1 Pɛ́tɛɛ 3:20

Ɓato á mekakɔ ndɔ ɓánde ɓundɔ ɗáɓákámɓeeki Mokonga, kala ɓî Mokonga ɗátú na měma éndǎ ka ɓɔ, ka matú ndɔ Nɔ́a ɗáɔsɛka koko ángbó. Ɓakpa ɓábɔa tɔ, ka ɓɔbu ngianjaga isaɔ (8), ɓáunge ɗáɓáami ka iɓo.

1 Pɛ́tɛɛ 4:18

Aɓíndɔ Ɓuku á Mokonga ayɔngi: «Aoɓá nto á koɗoni n'aami k'akpɛ, aɓáeka ɓoni ka nkpa nde ka ɓeeki na nto á ɓojeɗe?»

Yúda 1:15

ka gea, ɓátenɛ nyɔngɔ á ɓakpa ɓɔbu. Ɓátenande akpɛ nyɔngɔ á ɓato á ɓojeɗe ɓɔbu ka nyɔngɔ á ɓojeɗe nɛɓɔ bui nnde ɗáɓátɔtɔkisi ka mbɛnɔ á oyombɔ na ka nyɔngɔ ájeɗe-jeɗe bui nde ɗáɓáyɔngigi ka phɔa Mokonga.»

Mphaniɔ 21:8

Ka ɓato á kɔɓɔɓɔkɔ, ɓato á kanga ɓeekea, ɓato á jɔɔkana, ɓato á kaiso, ɓato á iɛɓɛ, ɓato á ɓiji-ɓiji, ɓato á gbukaga muanku aɓɔ mosá á tɔnkɛngɛ na ɓato á mbɛa gǎkɛ ɔma nɛɓɔ ande k'ɛɛmbɛ á nsa n'ande kukuwa á mongɔ á ko iɓɛ.»

Mphaniɔ 22:15

Ɓunde ɓájigande gǎkɛ ka nsɛngɛ ɓáungee: Ɓambwa, ɓakume, ɓato á jɔɔkana, ɓato á kaiso, ɓato á gbukiaga tɔnkɛngɛ muanku na ɓato á yɔnga á mbɛa na konda í.