1 Timɔtɛ́ɔ 1:7 - Ɔngana á Kɛ̌kɛ

⁷ Ɓáokonda gea, ɓáɓɛ ɓea ɓagoisigi-ɛɔphi ndea Mósa. Ɓáná gǎkɛ oúba nnde ɓáɔyɔnga, kaɓɛ nnde ɓáogoisaga na ɓukpɛkpɛ.

1 Timɔtɛ́ɔ 1:7 Iomraidhean Croise

Matáyɔ 15:14

«Óɗeketani: ɓánde ɓakeíme-íme, ɓáɔ̌sɔndɔɛa ɓadaɓɔ ɓakeíme-íme. Aoɓá keíme-íme n'aɔnsɔndɔɛa dakɛ keíme-íme, ɓɔbu ɓaɓɛ ɓáguiande k'écia.»

Matáyɔ 21:27

Kaɓondɔ, ɓáonsikisia Yéso: «Ɓékéoúba.» Yɛ, â gǎkɛ ǒngoɗea: «Eme gǎkɛ kénongoɗeɛku cina á kɔkɔta nde nɛɔtɔtɔkisa ně.»

Lóka 2:46

Ɓánkaɓi ye esa isaɔ, ɓáondonda k'éndu á Mokonga n'aiki sɔsɔɓɛ á ɓagoisigi-ɛɔphi, n'aɔɓɔ́ka na úsianaga na ɓɔ.

Ekuma á ɓateki 15:1

Mbusa, ɓakpa ɓuangbo, ɓunde ɗáɓátóki na Yudɛ́a, ɓáoga ka ntanga-nji á Antiɔkía á ka Sulía. Ɓáju ye kó, ɓáokpanga goisaga á ɓadaɓɔ ɓaɓêki ɓɔbu nyɔngɔ ndee: «Aoɓá na ɓókógú ganja ɓíndɔ ɛɔphi ndea Mósa asosi, ɓókótɔkɛku na ɓoami ka měma.»

Ɓalɔ́ma 1:22

Ɓáǒbeba gea ɓánde ɓato á kɔɓɔɔngɛ, na ɓá ndiu ɓabóbó.

Ɓagalatía 3:2

Cɔ, ómongoɗeani phɔ́, ɗɔ́ɓɔtɔi Měma á Mokonga ka nyɔngɔ nde ɗóɓoambi ɛɔphi na nna tɔ ka nyɔngɔ á ɔ́ka Mbino-Ánjá ndea Mokonga na ɓeekea í?

Ɓagalatía 3:5

Ɓî Mokonga anophi Měma akɛ, â phɔtɔ ɔtɔtɔkisa ketangaɔ sɔsɔɓɛ anu. Cɔ, aogea ɓondɔ ka nyɔngɔ nde ɓooamba ɛɔphi kaɓɛ ka nyɔngɔ nde ɓɔɔ́ka Mbino-Ánjá ndea Mokonga na ɓeekea í?

Ɓagalatía 4:21

Ómongoɗeani phɔ́, ɓenu íɓunde ɓookonda ɓá kusi ɛ́ɔphi ndea Ɓayúda! Ɓɔ́kɔ́ɔɔ́ka kema nde ɛɔphi ayɔngi?

1 Timɔtɛ́ɔ 6:4

mmbɔ an'ěbeba phɛɛ na nna gǎkɛ koúba kema. Ande nkpa nde ana tambea ájeɗe aopúa na ɓakpa na sani ka phɔa á yɔnga. Nndɔ aobikisa ngíni, sani, mbóma na maca,

2 Timɔtɛ́ɔ 3:7

Ɓake ndɔ, ɓáokaɓa égoisaga esa bui, ɓáná gǎkɛ ɔtɔka na ɓáubi koɗoni kau.

Yakɔ́ɓɔ 3:1

Ɓaya, ɓókoɓikɛmbɛ k'ékuma á goisaga nga ɓooúba gea, ɓátenande nyɔngɔ nɛsu ɓagoisigi akpɛ kɔ̌nyɛ́nya ɓakpa ɓuangbo.

2 Pɛ́tɛɛ 2:12

Ɓagoisigi á mbɛa ndɔ, ɓáúkí gǎkɛ úbapha ɓea ɓanyama, ɓunde ɓáɓɔkɔtɛani tɔ ka ta ka mɛ̌kɔ na mowa aɓɔ. Ɓakpa ndɔ ɓáobóma kema nde ɓánáoúba na ɓákuwande ɓea ɓanyama.