1 Timɔtɛ́ɔ 1:5 - Ɔngana á Kɛ̌kɛ

⁵ Cɔ, cina á ɓɔphɛi nɛmɔ wani, ande bikisa ékondi nde aotóka suɓi á měma ánjá, úbapha ánjá na ɓeekea nde nna na maibe.

1 Timɔtɛ́ɔ 1:5 Iomraidhean Croise

Matáyɔ 12:35

Nkpa anjánjá aophúia kema ánjá nde a suɓi á měma ánjá. Nkpa ajeɗe a gǎkɛ ophúia kema ájeɗe nde asuɓi á měma ájeɗe.

Matáyɔ 5:8

Maseye ka ɓato á měma ánjá, ka nyɔngɔ nde ɓámɔnande Mokonga.

Ekuma á ɓateki 15:9

Kásótinganisi gǎkɛ na ɓɔ nga, asokosei měma á ɓɔ ka nyɔngɔ nde ɓáɓeeki.

Ekuma á ɓateki 23:1

Pɔ́lɔ áǒtúmia ɓato á ka ntua ángbó á ɓɔphɛi n'íso, áǒgea te: «Ɓaya, ka enda ani bui, měma ani na tambea ani aánjá mosá á Mokonga.»

Ekuma á ɓateki 24:16

Kaɓondɔ unge, neogea ɓukpɛkpɛ ani esa bui, néɓɛ kángá kisɛki ka měma mosá á Mokonga na mosá á ɓakpa.

Ɓalɔ́ma 10:4

Ande gea te, Yéso aámbé ajúsi ɛɔphi ka sungiaga í ka gea, ɓakpa ɓɔbu ɓunde ɓámɓeeki Yéso ɓáunge Mokonga aebisande ɓato á koɗoni mosá akɛ.

Ɓalɔ́ma 12:9

Ambe ekondi nɛnu áɓɛ kángá maibe. Kángeani ɓojeɗe, ɓóoyameɛ ka ɓonjánja.

Ɓalɔ́ma 14:15

Aoɓá n'omɓɛisi dakɔ ka nyɔngɔ á eea nde ooea, o ye tɔ otambea kángá ekondi. Nna ka nyɔngɔ á eea unge ɔɔtɔka n'omɓúngisi nkpa nde Yéso ɗánkui.

Ɓalɔ́ma 9:1

Nɛɔyɔnga ɗoni ka jukana na Kiísito, ké gǎkɛ ɔyɔnga mbɛa. Měma á kanga ɓojeɗe asɔndɔi měma ani ka ɗigimisa gea, nɛɔyɔnga ɗoni.

1 Ɓakɔlítɔ 13:1

Nanga nɛ́yɔnga na ɛyɔngi ɗanga-ɗanga ndea ɓakpa, na nnde á ɓamalaéka, na ké gǎkɛ n'ekondi, ɛsɔ ani a ɓea ayomɛ n'ɔkɔtɔ.

2 Ɓakɔlítɔ 1:12

Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

1 Timɔtɛ́ɔ 1:18

Cɔ, Timɔtɛ́ɔ, mukuamɔ ɓa ka měma, nekobisíí ɓɔphɛi ndɔ ɓíndɔ ɓaɔtu-nyɔngɔ ndea Mokonga ɗáɓáɔtu mosá ka phɔakɔ. Ambe nyɔngɔ nde ɗáɓáɔtu unge áɓɛ ɓukpɛkpɛ nɛkɔ suɓi á emani ánjá nde o kau,

1 Timɔtɛ́ɔ 1:19

ka amba ɓeekea na úbapha ánjá. Ɓakpa ɓunɛngbo ɓáyé kanisia á ka měma aɓɔ, ɓâ gǎkɛ oɓúngisa ɓeekea nɛɓɔ.

1 Timɔtɛ́ɔ 3:9

Akeni ɓáambɛ ɓeekea á ɗoni na měma ánjá.

2 Timɔtɛ́ɔ 1:3

Neonsega Mokonga, mmbé nɛɔmbɛɗaneaga na měma ánjá ɓíndɔ ɓatatɛ ɗáɓátúogea. Ne phɔtɔ onsega mbenɔ nde neokokanisia k'ɛ́mɛmi nɛmɔ keiphe n'esa kángá sungiaga.

2 Timɔtɛ́ɔ 1:5

Ne phɔtɔ okanisia ɓeekea nɛkɔ á kanga maibe ɓíndɔ tatakɔ Luísi n'amakɔ Ɛɔníkɛ, ɗáɓátú ně mosá. Kaɓondɔ, neúbi ɗoni gea, ɓeekea ndɔ a phɔtɔ suɓi akɔ.

2 Timɔtɛ́ɔ 2:22

Timɔtɛ́ɔ, koɓɛmbɛ na mɔphɛ á koganda, káɓa ndiu koɗoni, ɓeekea, ekondi, ɓujɛjɛ kimoci na ɓunde ɓáokumia ina á Mɔkɔta na měma ánjá.

Títɔ 1:15

Cɔ, kema bui nnde kájɔɔkani a ka phɔa ɓunde ɓákájɔɔkani, nna gǎkɛ na ka kema nde kájɔɔkani nnde a ka phɔa ɓunde ɓájɔɔkani na ɓunde ɓákámɓeeki Mokonga nga, úbapha aɓɔ, na měma aɓɔ ajɔɔkani.

Ɓaɛbulanía 10:22

Kaɓondɔ, ɓémbǐmisiɛni Mokonga na měma á koɗoni nnde atúmi na ɓeekea, phɔtɔ na nyama nde ɓesokosi ú na iɓo nde aánjá.

Ɓaɛbulanía 13:18

Mɛmani ka phɔa asu. Ɓeoúba ɗoni gea ɓékégi kema ájeɗe ka sɛka asu nga, ɓekondi ɓétambɛ ánjá k'aphe bui.

Ɓaɛbulanía 9:14

Cɔ, kaɓɛ nndɔ bui n'ande ɗoni, ande gea te magia á Kiísito ana ɓukpɛkpɛ phɛɛ kɔnyɛ́nya nndɔ bui. Nga, ka Měma á mɛyɔ, Kiísito ɗábisi enda akɛ sasakɛ ka Mokonga ɓea nyama á phɛ́a nde nna na kiɗɔti. Magia akɛ aunge aosokosea úbapha asu ka toka k'aphe nde aosóɓotea ka kukuwa, ka gea ɓémbɛɗaneɛgɛ Mokonga mmbé aoenda.

Yakɔ́ɓɔ 4:8

Mbîmisiani Mokonga, yɛ anóbîmisiande phɔtɔ. Ɓato á ɓojeɗe, sokoseani njaga anu. Ɓato á mɔphɛ ɗanga-ɗanga, sokoseani měma anu.

1 Pɛ́tɛɛ 1:22

Ɓá ye nosokosei ka nyɔngɔ á ɓeekea anu ɗoni. Ka nyɔngɔ índɔ unge ɓoókondi ɓadanu ɓaɓêki kángá maibe. Cɔ, kóndanagani sɔsɔɓɛ anu phɛɛ na měma anu bui.

1 Pɛ́tɛɛ 3:16

Geani tɔ ɓó na měma aphɔngɔ na ɓánga. Ɓáni na měma ánjá. Nanga ɓakpa ɓánɔtɔnga ka mbɛa na bóma anu ka nyɔngɔ á tambea anu ánjá ɓî ɓonde ɓakiísito, ɓákuwande na soni.

1 Pɛ́tɛɛ 3:21

Iɓo ndɔ, ande mphangiɔ á oɓatisɔ, nnde aonóamisa ka měma kɛ̌kɛnde. Oɓatisɔ ndɔ, nna nyɔngɔ á sokosa nkiki á ka nyama, a ndiu nyɔngɔ á ɓeekea mɔphani ndea Mokonga na měma á sokosea. Oɓatisɔ ndɔ, anoamisi ka měma ka nyɔngɔ á jujúka á Yéso Kiísito ka kukuwa.

1 Pɛ́tɛɛ 4:8

Mosá á kema bui, ɓáni n'ekondi sɔsɔɓɛ anu phɛɛ nga, ekondi aogbukumia ɓojeɗe ásii.

2 Pɛ́tɛɛ 1:7

gǔ á tambea ánjá mosá á Mokonga, ɓóyameɛ ekondi á komunamema na gǔ ékondi á komunamema, ɓóyameɛ ekondi.

1 Yoáni 3:10

Aphe á uba ɓana-Mokonga na ɓana-nketi aungee: Nkpa nde nnaotamba k'aphe á koɗoni na nnaonkonda dakɛ, aámbé nna muna-Mokonga.

1 Yoáni 3:23

Ɛɔphi nɛkɛ aungee: Ɓéɓeekeɛ ina á Anakɛ Yéso Kiísito, na kondana ngǔngu asu ɓíndɔ ɗásósosi.

1 Yoáni 3:3

Nkpa buakɛ mmbé ana nseɓeɔ ndɔ ka Kiísito, ěsokosei ɓíndɔ Kiísito a kau.