1 Timɔtɛ́ɔ 1:17 - Ɔngana á Kɛ̌kɛ

¹⁷ Cɔ, ka Moamɛ á mɛyɔ, mmbé nnaokuwa, mmbé ɓákáɔmɔna, Mokonga ímbé nna na dakɛ ɓea yɛ, ambe áɓɛ n'obebɔ na ɓoombia ka saga na saga! Áɓɛ ɓó.

1 Timɔtɛ́ɔ 1:17 Iomraidhean Croise

Matáyɔ 25:34

Cɔ, Mɔkɔta aengoɗeande ɓundɔ ɓáɓande ka njaga akɛ á mǔku te: ‹Bikani, ɓenu íɓundɔ Abɛ anóbisíí njaga, tɔani koɓoamɛ nde ɗáɓáɓɔngisigi ka ɓenu, kpanga á ɓî ɗáɓáconji mokonda.

Matáyɔ 28:20

Ɓógoisɛgɛ ɓɔ amba á nyɔngɔ bubui nde ɗénósosi. Na úbani gea, ne kimoci na ɓenu esa bui na ka sungiaga á mokonda.»

Matáyɔ 6:13

Kosóɗeketɛmbɛ ngia ka tombaga, ósoamisa ndiu na Nketi. [Nga koɓoamɛ, ɓukpɛkpɛ na ɓoombia ande akɔ ka saga na saga. Áɓɛ ɓó.]

Yoáni 1:18

Nna na nkpa nde amɔnimbɛ mɔnɔ Mokonga, na nna tɔndɔ ngɔmu nɛkɛ mmbé akengeani na yɛ phɛɛ, áoikisana na Abakɛ. Yɛ aámbé asoúbisi Mokonga base.

Yoáni 5:44

Ɓenu íɓunde ɓookonda éɗokomisa ɓenu ka ɓenu, ɓókókaɓɛ ndiu ɓoombia nde atóki ka Mokonga sasakɛ, ɓɔtɔkande ɓeekea ɓo?

Ɓalɔ́ma 1:20

Nga, kpanga á ɓî Mokonga ɗáconji mokonda, ɓukpɛkpɛ nɛkɛ á mɛyɔ na ebigɔ nɛkɛ á ɓá Mokonga nnde nna kɔɔnɛkana, áɔɔnɛkana k'ékuma nde ɗábɛɗanigi. Ka ianaga á nyɔngɔ ndɔ, ɓakpa ɓáká n'aphe énganea.

Ɓalɔ́ma 1:23

Ɔma á beba á Mokonga mɛna-ɓoombia, mmbé ande mɛyɔ, ɓâ ndiu obeba iii nde akengeani na nkpa ímbe aokuwa, ɓambǔ, ɓanyama á ecinji gena na ɓunde ɓáoɗaa.

Ɓalɔ́ma 11:36

Nga, yɛ aámbé ande nconji á kema bui, kema bui aiki ka ɓukpɛkpɛ nɛkɛ na ka phɔakɛ. Obebɔ áɓɛ ka yɛ esa bui! Áɓɛ ɓó.

Ɓalɔ́ma 16:27

Ɓémbebɛni Mokonga, Yɛ tɔndɔ aámbé ande mɔɔngɛ! Áɓɛ n'obebɔ ka Yéso Kiísito ka saga na saga! Áɓɛ ɓó!

Ɓalɔ́ma 2:10

Nkpa buakɛ mmbé a gǎkɛ ogea ánjá, aɓande na ɓokutú, ɓujɛjɛ na ɓoombia. Akpangande phɔ́ ka Ɓayúda, mpɔ áoɓá ka ɓunde ɓáná Ɓayúda.

Ɓalɔ́ma 2:7

Mokonga aeɓophande enda á mɛyɔ, ɓakpa nde ɓásui bɛɗaneaga akɛ na kaɓa obebɔ, ɓokutú na kema nde nna na sungiaga.

Ɓakɔlɔsái 1:15

Kiísito ande iii á Mokonga, mmbé ɓánaɔmɔna. Ande ánge, anyɛ́nyi econji bubui.

Ɓaɛbulanía 11:27

Ka nyɔngɔ á ɓeekea, Mósa ɗátóki na Mísii kángá á ɓánga esuia ndea moamɛ. Áosuia ú ɓea nkpa nde aɔmɔɔna Mokonga mmbé ɓákáɔmɔɔna n'iso.

Ɓaɛbulanía 2:7

Ka mbenɔ ábɔa, ɗóndidisi kusi á ɓamalaéka, ômopha ɓoombia na ɓokutú.

1 Pɛ́tɛɛ 5:11

Ɓukpɛkpɛ ande akɛ esa bui! Áɓɛ ɓó.

2 Pɛ́tɛɛ 3:18

Cɔ, mɔtani ka ɓonjánja-ékondi na úbapha ndea Mɔkɔta na Namisi nɛsu Yéso Kiísito. Yɛ, áɓɛ na ɓoombia, kɛ̌kɛnde na ka saga na saga. Áɓɛ ɓó.

1 Yoáni 4:12

Nna tanda na nkpa nde amɔnimbɛmɔnɔ Mokonga. Aoɓá na ɓeokondana, Mokonga aiki suɓi asu na ekondi nɛkɛ atɔtɔkɛani ka ɓesu.

Yúda 1:25

Yɛ Mokonga sisakɛ, Namisi ndeasu ka Yéso Kiísito Mɔkɔta ndeasu, áɓɛ n'obebɔ, ɓongbóngbó, ɓukpɛkpɛ, kɔkɔta, kpanga kala, kɛ̌kɛnde na ka saga na saga, Áɓɛ ɓó!

Mphaniɔ 15:3

Ɓáoemba embɔ ndea Mósa, mbɛɗanigi ndea Mokonga na á Muna-Mɔgɔgɔ: «Mɔkɔta Mokonga Mɛna-ɓukpɛkpɛ ooo, ekuma nɛkɔ aángbó á ketangaɔ! Moamɛ á nji bui ooo, moangɔ nɛkɔ á koɗoni aánjá.

Mphaniɔ 17:14

Ɓɔ, ɓámanande na Muna-Mɔgɔgɔ. Muna-Mɔgɔgɔ aékíndande ka nyɔngɔ nde ande Mɔkɔta ndea ɓakɔta na Moamɛ ndea ɓaamɛ. Akíndande kimoci na ɓunde ɗáɛɓɔphani, ɗáesombi na ɓunde ɓámɓeeki.»

Mphaniɔ 19:1

Mbusa índɔ, nɛ́ɔɔ́ka ógoma ɓea ógoma á ɓakpa ɓásii na koba áogea: «Obebɔ ka Mokonga nɛsu! Yɛ ande mɛna-ɓoamia, ɓophombia na ɓukpɛkpɛ.

Mphaniɔ 19:16

Ɗáɓáɗundu ka bɔngɔ nɛkɛ na ka kɛbɛ akɛ ina ndee: «Moamɛ ndea ɓaamɛ na Mɔkɔta ndea ɓakɔta.»

Mphaniɔ 19:6

Mbusa, nɛ́ɔɔ́ka eongo ɓea ɓakpa ɓásii, n'aɔɔya ɓea gɔa, ɓea ɓáoka á mbua. Áogea: «Obebɔ ka Mokonga nɛsu! Nga, Mɔkɔta nɛsu Mokonga, Mɛna-ɓukpɛkpɛ, amamei nji bui.

Mphaniɔ 7:12

ɓáogea: «Áɓɛ ɓó! Obebɔ, ɓoombia, kɔɓɔɔngɛ, ɓosegi, ɓokutú, ɓukpɛkpɛ phɛɛ, áɓɛ ka Mokonga nɛsu ka saga na saga. Áɓɛ ɓó!»