1 Timɔtɛ́ɔ 1:16 - Ɔngana á Kɛ̌kɛ

¹⁶ Kaɓondɔ unge, Mokonga ɗámokui gǎkɛ ngomi. Cɔ, Kiísito Yéso ɗámophiphíí phɛɛ eme nto á ɓojeɗe á k'ama mosá-mosá ka ɔlɔ á ɓato á ɓojeɗe. Nndɔ ande mphangiɔ ka ɓunde ɓámɓeekeande ka gea, ɓáendɛ mɛyɔ kimoci na Mokonga.

1 Timɔtɛ́ɔ 1:16 Iomraidhean Croise

Lóka 15:10

Nenógie, ɓondɔ unge ɓamalaéka ndea Mokonga ɓáguande jaí ka nyɔngɔ á nto á ɓojeɗe moci n'akěti tambea akɛ.»

Lóka 23:43

Mpɔ Yéso áonsikisia te: «Eya, neongoɗi ɗoni gea, kesande oɓande kimoci n'eme suɓi á Paadísɔ.»

Lóka 7:47

Negie, kema ángbó nde amogi ně, aúbisi gea te, ɓojeɗe nɛkɛ así, Mokonga aími ú. Mmbé Mokonga aími gǎkɛ ɓojeɗe nɛkɛ ábɔa, yɛ ankondi phɔtɔ Mokonga ábɔa.»

Yoáni 20:31

Cɔ, ɗáɓáɗundu gǎkɛ nnde ka gea, ɓóɓeekeɛ gea, Yéso ande Kiísito Muna-Mokonga. Kaɓɛ na ɓomɓeeki, ɓoɓande na enda ka yɛ.

Yoáni 3:36

Cɔ, mmbé amɓeeki Anakɛ, a ye tɔ na enda á mɛyɔ. Mmbé an'yé, káɓɛku na enda ndɔ, Mokonga a gǎkɛ n'esúia gǔ akɛ.

Yoáni 5:24

Eya, nenóngoɗi ɗoni gea, mmbé aɔɔ́ka nyɔngɔ nɛmɔ na ɓeekea á mmbé amoteki, ana enda á mɛyɔ. Ɓákátenɛku nyɔngɔ nɛkɛ akpɛ nga, atingi ye kukuwa, áoɓá na enda.

Yoáni 6:37

Ɓakpa ɓɔbu ɓunde Abɛ amopi, ɓámobikiande. Mmbé amobikíí kémɓeɛgɛku tanda.

Yoáni 6:40

Cɔ, mɔphɛ á Abɛ a ɓe: Mmbé aɔmɔna Muna-Mokonga na ɓeekea akɛ, áɓɛ na enda á mɛyɔ na nenjujukisande k'ésa á sungiaga á mokonda.»

Yoáni 6:54

Mmbé aoea kesuku ani na noa á magia ani, ana enda á mɛyɔ, na nenjujukisande ka kukuwa esa á sungiaga á mokonda.

Ɓalɔ́ma 15:4

Nyɔngɔ bui nde ɗáɓáɗundu kala suɓi á ɓuku ndea Mokonga, ɗáɓáɗundu ú ka phɛá asu ně, ka opha asu nténdé na měma á phiphia ka gea, ɓéɓɛ na nseɓeɔ ɓíndɔ ɓáosogoisaga suɓi á Ɓuku á Mokonga.

Ɓalɔ́ma 6:23

Nga, ophendɔ á ɓojeɗe ande kukuwa, egabɔ á ɓonjánja-ékondi ndea Mokonga a ndiu enda á mɛyɔ kimoci na Kiísito Yéso Mɔkɔta nɛsu.

1 Ɓakɔlítɔ 7:25

Ka ɓunde ɓákáɔmanimbɛ, Mɔkɔta kámososi ka kema ka phɔa aɓɔ. Nɛɔnɔphɛa nga, nende nkpa nde akeni ɓáɓeekeɛ nyɔngɔ nɛmɔ ka nyɔngɔ á ɓonjánja-ékondi nde Mɔkɔta ɗámopi.

2 Ɓakɔlítɔ 4:1

Mokonga asóphi ekuma nde ka nyɔngɔ á ɓonjánja nɛkɛ. Kaɓondɔ unge, ɓékéɔɛla kau.

Ɓaɛphɛ́sɔ 1:12

Cɔ, ɓémbebɛni Mokonga ka ɓoombia nɛkɛ, ɓesu íɓundɔ ɗéɓenseɓei Kiísito k'ama mosá-mosá.

Ɓaɛphɛ́sɔ 1:6

Kaɓondɔ, ɓémbebɛni Mokonga ka ɓonjánja-ékondi á ɓoombia nɛkɛ ka phɔasu, ka nyɔngɔ á anakɛ.

Ɓaɛphɛ́sɔ 2:7

Kaɓondɔ, ka ɔnisa ɓonjánja-ékondi nɛkɛ ka ɓesu ka ɛɓɔkɔti bui nde abikaeka suɓi á Kiísito, aunge Mokonga ɗákondi phangia ɓongbóngbó á ɓonjánja-ékondi nɛkɛ.

2 Ɓatɛsalɔníka 1:10

Nndɔ, atɔtɔkɛanaeka k'ésa á ja akɛ. Wa, ɓakpa nɛkɛ ɓɔbu ɓunde ɓámɓeeki, ɓánɗokomisaeka, ɓáotangaaga ɓoombia nɛkɛ. Ɓenu phɔtɔ, ɓoɓande sɔsɔɓɛ aɓɔ nga, ɓoɓeeki nyɔngɔ nde ɗéɓenɔtɔ̌mi.

1 Timɔtɛ́ɔ 1:13

Nanga mosá ɗétú ombóma Mokonga, néontambisaga, néoɓá nto á kampápa mosá akɛ, kíndɔ bui â gǎkɛ tɔ omokuia ngomi nga, ɗébóbóki ka kanga á ɓeekea akɛ.

Ɓaɛbulanía 7:25

Ka nyɔngɔ índɔ unge aɔtɔka amisa á ɓakpa ka měma na ka sungiaga ɓunde ɓáombîmisia Mokonga k'aphe ndea akɛ. Nga, Yéso aoenda mɛyɔ ka ɗengemisaga á Mokonga ka phɔa ɓɔ.

1 Pɛ́tɛɛ 3:20

Ɓato á mekakɔ ndɔ ɓánde ɓundɔ ɗáɓákámɓeeki Mokonga, kala ɓî Mokonga ɗátú na měma éndǎ ka ɓɔ, ka matú ndɔ Nɔ́a ɗáɔsɛka koko ángbó. Ɓakpa ɓábɔa tɔ, ka ɓɔbu ngianjaga isaɔ (8), ɓáunge ɗáɓáami ka iɓo.

2 Pɛ́tɛɛ 3:15

Úbani ánjá gea, phiphia ndea Mɔkɔta nɛsu, aunge ande ɓoamia nɛnu á ka měma. Nndɔ unge Pɔ́lɔ, dasu ékondi, ɗánóɗundui phɔtɔ na kɔɓɔɔngɛ nde Mokonga ɗámophi.

2 Pɛ́tɛɛ 3:9

Cɔ, Mɔkɔta nnaoiphia ka tɔtɔkisa á mɔkɔ nɛkɛ ɓíndɔ ɓakpa ɓuangbo ɓáokanisia. Yɛ, a gǎkɛ onóphiphia nga, kákondi gea, ka ɓenu moci áɓungɛgɛ. Akondi ndiu gea, ɓakpa ɓɔbu ɓákětiɛ tambea nɛɓɔ ájeɗe.