1 Timɔtɛ́ɔ 1:15 - Ɔngana á Kɛ̌kɛ

¹⁵ Nyɔngɔ á ɗoni nde akeni na ɓeekea í aungee: Ambe ɓakpa ɓɔbu ɓáɓeekeɛ phɔtɔ gea, Kiísito Yéso ɗábiki ka mokonda k'aphe á amisa á ɓato á ɓojeɗe. Eme nende nto á ɓojeɗe á k'ama mosá-mosá ka ɔlɔ aɓɔ.

1 Timɔtɛ́ɔ 1:15 Iomraidhean Croise

Matáyɔ 1:21

Amɓɔkɔtande miki-mǒko, onsuande ina akɛ Yéso. Yɛ aámbé aeamisande ɓakpa nɛkɛ ka ɓojeɗe nɛɓɔ.»

Matáyɔ 18:10

Cɔ, ɛ́ngɛphani! Ɓókomɓɛnjiɛgɛmbɛ ka ɓaniki ábɔbɔa ndɔɔ, ka nyɔngɔ nde, nenóngoɗi ɗoni gea, ɓamalaéka nɛɓɔ ɓá tɔ esa bui mosá á Abɛ na koba. [

Matáyɔ 18:11

Ka nyɔngɔ nde Muna-Nkpa ɗábiki kǒamisa ka měma ɓunde ɗáɓáɓúngigi.]

Matáyɔ 20:28

Kaɓondɔ unge, eme Muna-Nkpa kébiki ka gea ɓakpa ɓámɔbɛɗaneɛgɛ, nebiki ndiu ka bɛɗaneaga á ɓɔ na bisa á enda ani k'ophendɔ ka amisa á ɓakpa ɓásii.»

Matáyɔ 9:13

Gǎni ɓóianegɛ nyɔngɔ nde Mokonga ɗáyɔngi te: ‹Nekondi měma á ngomi nna ɔphɛ́ɔ á ɓanyama› nga, kébiki k'aphe á ɔphana ɓato á ɓonjánja. Nebiki ndiu ka ɔphana á ɓato á ɓojeɗe.»

Málikɔ 2:17

Yéso aɔ́ki ye músiɔ nɛɓɔ, áǒgea: «Ɓasambi ɓáunge ɓána siki á nsaku. Nna ɓunde ɓánáosamba. Kébiki k'aphe á ɔphana á ɓato á ɓonjánja. Nebiki ndiu ka ɔphana á ɓato á ɓojeɗe.»

Lóka 15:2

Ɓaphaisáyɔ na ɓaɗundu-ɛɔphi ɓâ gǎkɛ ɔngɔngɔnaga sɔsɔɓɛ aɓɔ. Ɓáogea: «Mogaa nde aǒsesea ɓato á ɓojeɗe. A phɔtɔ oeaga na ɓɔ!»

Lóka 19:10

Nga, eme Muna-Nkpa, nebiki k'aphe á kaɓa na amisa á ɓakpa nde ɗáɓáɓúngigi.»

Lóka 5:32

Kébiki k'aphe á ɔphana á ɓato á ɓonjánja. Nebiki ndiu ka ɔphana á ɓato á ɓojeɗe gea, ɓákětiɛ tambea aɓɔ.»

Yoáni 1:12

Ɓuangbo gǎkɛ ɓunde ɗáɓánsesi na ɓeekea akɛ, áǒɓopha kɔkɔta á ɓá ɓana-Mokonga.

Yoáni 1:29

Mama í, Yoáni áɔmɔna Yéso n'ambikíí, áogea: «Mmbé ande Muna-Mɔgɔgɔ ndea Mokonga. Yɛ aámbé aophúia ɓojeɗe á ka mokonda.

Yoáni 12:47

Kaɓɛ nkpa n'aɔ́ki ɓɔphɛi nɛmɔ na káambi, nna gǎkɛ eme aámbé netenande nyɔngɔ nɛkɛ. Nga, ɗébiki ka amisa á ɓato á ka mokonda, nna ka tena á nyɔngɔ nɛɓɔ.

Yoáni 3:36

Cɔ, mmbé amɓeeki Anakɛ, a ye tɔ na enda á mɛyɔ. Mmbé an'yé, káɓɛku na enda ndɔ, Mokonga a gǎkɛ n'esúia gǔ akɛ.

Ekuma á ɓateki 11:1

Cɔ, ɓateki na ɓaɓêki ɓundɔ ɗáɓátú ka Yudɛ́a, ɗáɓáɔ́ki gea te, ɓato á k'ékuna nɛngbo ɓáɓeeki nyɔngɔ á Mokonga.

Ekuma á ɓateki 11:18

Ɓî ɓáɔ́ki ye nyɔngɔ ndɔ, ɓɔbu ɓáɔphɔnga. Ɓáombeba Mokonga, ɓáogea: «Ande ɗoni, Mokonga aeɓophi ɓato á k'ékuna nɛngbo ɓukpɛkpɛ á kětia á tambea aɓɔ mosá akɛ, ka ɓá na enda á kɛ̌kɛ.»

Ekuma á ɓateki 3:26

Kaɓondɔ, Mokonga ammesi phɔ́ mbɛɗanigi nɛkɛ Yéso ka phɔanu mosá á ɓato á ekuna nɛngbo, ka nyɔngɔ á bisia anu njaga, gea te, ɓóɓɛ na ngɔwa ka kětia á tambea anu, nkpa moci-moci, ka ɓojeɗe nɛnu.»

Ɓalɔ́ma 11:14

Neseɓei bisisa á ɓato á k'ékuna nɛmɔ na nsengo ka amisa ka ɓɔ.

Ɓalɔ́ma 5:6

Cɔ, ɓî ɗéɓékétú phɔ́ na ka ɓukpɛkpɛ, Kiísito ɗáku ka phɔa ɓato á ɓojeɗe ka mbenɔ ánjá nde Mokonga ɗáangi.

1 Ɓakɔlítɔ 15:9

nga, nende miki sɔsɔɓɛ á ɓateki ɓɔbu. Kékeni tanda, ɓámɔɔphanɛ nteki ka nyɔngɔ nde ɗétambisigi kanisa ndea Mokonga.

Ɓaɛphɛ́sɔ 3:8

Nende gǎkɛ kusi á ɓaɓêki ɓɔbu. Nanga áɓá ɓó, eme aámbé Mokonga ɗámopi ɓonjánja-ékondi nde ka gea te, nɛ́ɛtɔmiɛgɛ ɓakpa nde ɓáná Ɓayúda, Mbino-Ánjá á ɛtɔi á kanga sungiaga ndea Kiísito.

1 Timɔtɛ́ɔ 1:13

Nanga mosá ɗétú ombóma Mokonga, néontambisaga, néoɓá nto á kampápa mosá akɛ, kíndɔ bui â gǎkɛ tɔ omokuia ngomi nga, ɗébóbóki ka kanga á ɓeekea akɛ.

1 Timɔtɛ́ɔ 1:19

ka amba ɓeekea na úbapha ánjá. Ɓakpa ɓunɛngbo ɓáyé kanisia á ka měma aɓɔ, ɓâ gǎkɛ oɓúngisa ɓeekea nɛɓɔ.

1 Timɔtɛ́ɔ 3:1

Nyɔngɔ á ɗoni aungee: Aoɓá nkpa n'aokonda ekuma á ɓá nambi-kanisa, akondi ekuma ánjá.

1 Timɔtɛ́ɔ 4:9

Nndɔ ande nyɔngɔ á ɗoni nnde akeni ka ɓakpa ɓɔbu ɓeekea í.

1 Timɔtɛ́ɔ 6:13

Nekososi mosá á Mokonga, mmbé ande cina á enda bui, na mosá á Kiísito Yéso, mmbé ɗáengekisi koɗoni nɛkɛ mosá á Pɔntíɔ Pilátɔ gea,

2 Timɔtɛ́ɔ 2:11

Cɔ, nyɔngɔ nde akeni ɓeekea í: «Aoɓá na ɓeku kimoci na Kiísito, ɓeendande phɔtɔ kimoci na yɛ.

Títɔ 3:8

Cɔ, yɔnga ndɔ, ande á ɓeekea í. Nekondi óphangiɛgɛ ɓaɓêki ú na ɓukpɛkpɛ ka gea, ɓakpa nde ɓámɓeeki Mokonga ɓéyameɛ ka tɔtɔkisa á ekuma ánjá. Nyɔngɔ ndɔ aánjá na ana kantíti ka ɓakpa.

Ɓaɛbulanía 7:25

Ka nyɔngɔ índɔ unge aɔtɔka amisa á ɓakpa ka měma na ka sungiaga ɓunde ɓáombîmisia Mokonga k'aphe ndea akɛ. Nga, Yéso aoenda mɛyɔ ka ɗengemisaga á Mokonga ka phɔa ɓɔ.

1 Yoáni 3:5

Ɓooúba gea, Kiísito ɗábiki ka íma á ɓojeɗe ndeasu na nna tanda na ɓojeɗe suɓi akɛ.

1 Yoáni 3:8

Mmbé a gǎkɛ ogea ɓojeɗe, ande nkpa ndea Nketi. Nga, Nketi ɗági ɓojeɗe kpanga conjá á mokonda. Kaɓondɔ unge, Muna-Mokonga ɗásɛnɛki ka túkatúka ekuma ndea Nketi.

1 Yoáni 5:11

Nyɔngɔ nde Mokonga aɗigimisi aungee: Yɛ ɗásóphi enda á mɛyɔ nnde aotóka ka Miki-mǒko nɛkɛ.

Mphaniɔ 21:5

Cɔ, mmbɔ aiki ka kankaanga á kɔkɔta áɔyɔnga te: «Nɛɓɔngisigi ye tɔ kema bui á kɛ̌kɛ.» Áomongoɗea gea: «Ɗundua nyɔngɔ nde nga, Mbino nɛmɔ aánjá áoɓá á ɗoni á ɗoni.»

Mphaniɔ 22:6

Mpɔ malaéka áomongoɗea te: «Nyɔngɔ nde ande á seɓea í nga, ande ɗoni. Mɔkɔta Mokonga mmbé Měma akɛ ɗáɔ̌sɔndɔɛa ɓaɔtu-nyɔngɔ nɛkɛ, yɛ aámbé anteki malaéka nɛkɛ gea, ágɛ áephangiɛgɛ ɓabɛɗanigi nɛkɛ nyɔngɔ nde aobika kɛ̌kɛnde.»

Mphaniɔ 5:9

Ɓagbɛga ndɔ ɓáoemba embɔ á kɛ̌kɛ ɓe: «Okeni bɛɗa á ɓuku ndɔ, na koɗaga á ngoi á mutúti. Ka nyɔngɔ nde, ɗáɓákomowe, na ka phɛ́a nɛkɔ, ɗóǒsomba ka Mokonga ɓakpa na magia akɔ, ɓakpa á k'ekuna bui, á ɛyɔngi bui, ɛɓɔkɔti bui na nji bui.