1 Timɔtɛ́ɔ 1:13 - Ɔngana á Kɛ̌kɛ

¹³ Nanga mosá ɗétú ombóma Mokonga, néontambisaga, néoɓá nto á kampápa mosá akɛ, kíndɔ bui â gǎkɛ tɔ omokuia ngomi nga, ɗébóbóki ka kanga á ɓeekea akɛ.

1 Timɔtɛ́ɔ 1:13 Iomraidhean Croise

Lóka 12:47

Ande gea te, mbɛɗanigi nde aoúba mɔphɛ á mɔkɔta nɛkɛ, na nnaɔtɔtɔkisa ú, ɓámɓindande ásii.

Lóka 23:34

Mpɔ Yéso áɔyɔnga gea: «Abɛ íma ɓojeɗe nɛɓɔ nga, ɓákáoúba kema nde ɓáogea.»] Wa, ɓáogabisana ngɔ́mbɛ nɛkɛ mbusa á ɓɛta ɓana-mɛlɔɛ kau.

Ekuma á ɓateki 22:4

Ɗéǒtambisaga ɓundɔ ɗáɓáoɓea aphe ndea Yéso na ɓî ɗáɓáokuwa. Ɗéǒdunga ɓǒko, phɔtɔ na ɓake, néǒɓóaga na makea á ɓɔ ka mekakɔ.

Ekuma á ɓateki 3:17

Cɔ, ɓaya, neoúba te, ɓenu na ɓakɔta nɛnu, ɗóɓogi ɓojeɗe ndɔ ka kobóbó.

Ekuma á ɓateki 8:3

Saúlɔ gǎkɛ, áokaɓa tindisa á ɓato á kanisa. Áongia endu k'éndu, áǒdunga ɓǒko na ɓake, áǒmakea ka mekakɔ.

Ekuma á ɓateki 9:1

Ka matú ndɔ, Saúlɔ ɗásui ɓángisa na mowa á ɓagoigi ndea Mɔkɔta. Áɔngɛndɛa ngbɛga á ɓatoɓeigi-phɛ́a

Ekuma á ɓateki 9:13

Ananía áonsikisia te: «Mɔkɔta, ɓakpa ɓásii ɓámɔtɔ̌migi nyɔngɔ á nkpa ndɔ na ɓojeɗe bui nde ɗégǐí ɓaɓêki nɛkɔ, ɓundɔ ɓá ka Yɛusalɛ́ma.

Ekuma á ɓateki 9:5

Yɛ, áomúsia te: «Mɔkɔta, onde ani?» Mɔkɔta áonsikisia: «Nende Yéso, mmbɔ oontambisaga.

1 Ɓakɔlítɔ 15:9

nga, nende miki sɔsɔɓɛ á ɓateki ɓɔbu. Kékeni tanda, ɓámɔɔphanɛ nteki ka nyɔngɔ nde ɗétambisigi kanisa ndea Mokonga.

1 Ɓakɔlítɔ 7:25

Ka ɓunde ɓákáɔmanimbɛ, Mɔkɔta kámososi ka kema ka phɔa aɓɔ. Nɛɔnɔphɛa nga, nende nkpa nde akeni ɓáɓeekeɛ nyɔngɔ nɛmɔ ka nyɔngɔ á ɓonjánja-ékondi nde Mɔkɔta ɗámopi.

Ɓagalatía 1:13

Nga, ɗɔ́ɓɔɔ́ki na ɓáonóngoɗea ka nyɔngɔ á tambea ani ɓî ɗé phɔ́tɔ k'ésomba ndea Ɓayúda. Ɗɔ́ɓɔɔna ɓî ɗétúotambisaga kanisa ndea Mokonga phɛɛ na káɓa túkatúka í.

Ɓaphilípi 3:6

Ɗétú na nténdé á tambisaga á kanisa phɛɛ. Ɗékétú na oyeyɔ ka nyɔngɔ á amba ɛɔphi ndea Mósa.

1 Timɔtɛ́ɔ 1:16

Kaɓondɔ unge, Mokonga ɗámokui gǎkɛ ngomi. Cɔ, Kiísito Yéso ɗámophiphíí phɛɛ eme nto á ɓojeɗe á k'ama mosá-mosá ka ɔlɔ á ɓato á ɓojeɗe. Nndɔ ande mphangiɔ ka ɓunde ɓámɓeekeande ka gea, ɓáendɛ mɛyɔ kimoci na Mokonga.

Ɓaɛbulanía 4:16

Ɓî a ɓó, ɓébikɛni mosá á kankaanga á ɓonjánja á Mokonga kángá ngǎka nga, kó unge ɓɛtɔande ngomi na ɓonjánja-ékondi, nnde asóengande ka mbenɔ nde ɓena siki í.

1 Pɛ́tɛɛ 2:10

Kala, ɗóɓókótú ɓato á k'ékombo ndea Mokonga, kɛ̌kɛnde, ɓo ye tɔ ekombo nɛkɛ. Kala, Mokonga ɗákáonókuia ngomi, kɛ̌kɛnde gǎkɛ, a ye tɔ onókuia ngomi.