1 Ɓatɛsalɔníka 5:8 - Ɔngana á Kɛ̌kɛ

⁸ Ɓesu gǎkɛ, ɓende ɓato á sɔmani. Kaɓondɔ, ɓékéyengiɛmbɛ. Ande gea te, ɓeekea n'ekondani nɛsu ákengeanɛ na ngɔ́mbɛ á k'égogo ndea nto-émani, nnde ɓáɓɔngisigi na ngɔa. Nseɓeɔ nɛsu á ɓoamia á ka měma, áɓɛ phɔtɔ ɓea kúku á ngɔa nɛkɛ.

1 Ɓatɛsalɔníka 5:8 Iomraidhean Croise

1 Ɓakɔlítɔ 13:13

Kɛ̌kɛnde, kema isaɔ nde aunge aikande: ɓeekea, nseɓeɔ na ekondi. Nnde anyɛ́nyi gǎkɛ bui ande ekondi.

2 Ɓakɔlítɔ 6:7

Ɓe tɔ ɔtɔmiaga nyɔngɔ á ɗoni. Ɓɛɔbɛɗaneaga ɓukpɛkpɛ á Mokonga. Nkumba émani nɛsu ka mana ně na kéúnia ně ande koɗoni mosá á Mokonga,

Ɓagalatía 5:5

Ɓesu gǎkɛ, nseɓeɔ nɛsu ande gea Mokonga aámbé asóngoɗande ɓato á koɗoni mosá akɛ ka nyɔngɔ á ɓeekea. Nndɔ ungɔ ɓeoɓondea ka ɓukpɛkpɛ á Měma á kanga ɓojeɗe nnde a suɓi asu.

Ɓaɛphɛ́sɔ 6:11

Ɔ́lani nkumba émani nde Mokonga abikisi. Mpɔ, ɓóǒsimbia ka tombaga ndea Nketi.

Ɓaɛphɛ́sɔ 6:23

Ambe Mokonga Abasu na Mɔkɔta nɛsu Yéso Kiísito, áeɓophɛ ɓadasu ɓakiísito ɓɔbu ɓujɛjɛ, ekondani, na měma á ɓeekea.

1 Ɓatɛsalɔníka 5:5

Ɓo ndiu ɓato á esa, ɓato á sɔmani. Ɓéké ɓato á kǐpha na ɓato á kaiphiɔ.

2 Ɓatɛsalɔníka 2:16

Ambe Mɔkɔta nɛsu Yéso Kiísito sasakɛ, n'Abasu Mokonga, mmbé ɗásókondi, áosógbagisaga ka měma ka ɓonjánja-ékondi nɛkɛ ka saga na saga na opha asu nseɓeɔ ánjá,

Ɓaɛbulanía 6:19

Nseɓeɔ ndɔ ande nkigisiɔ á měma asu. Ú, ěsimɓî phɛɛ, áongia suɓi éndu ndea Mokonga, áɔtɔngana ngɔ́mbɛ nde aɗaki kǐo á ɔma á Mokonga.

1 Pɛ́tɛɛ 1:13

Kaɓondɔ, ɓɔngisiagani měma anu k'ékuma. Ɛ́ngɛphani, seɓeani ɓonjánja-ékondi nde ɓánophande k'ésa á sɛnɛka á Yéso.

1 Pɛ́tɛɛ 2:9

Cɔ, ɓenu gǎkɛ, ɓonde ɓato á k'ékombo nde Mokonga ɛ̌sɔmbu, n'ekombo á ɓatoɓeigi-phɛ́a ndea Moamɛ, ekuna á ɓato á kanga ɓojeɗe, ɓakpa ndea Mokonga. Yɛ, aámbé ɗánɔɔphani ka toka anu ka kaiphiɔ na ngia anu ka owanga nɛkɛ á ɓoombia ka gea, ɓɔtɔ̌miɛ ekuma nɛkɛ á ketangaɔ.

1 Yoáni 1:7

A gǎkɛ oɓá na ɓeotamba k'owanga ɓíndɔ yɛ sisakɛ a k'owanga, ɓe ka komunamema ngǔngu asu. Magia á Anakɛ Yéso, aosokosea ɓojeɗe nɛsu bui.