1 Ɓatɛsalɔníka 5:7 - Ɔngana á Kɛ̌kɛ

⁷ Nga, kǐpha aunge ɓakpa ɓáoɗa, ɓunɛngbo makana áɔ̌bɛɗa.

1 Ɓatɛsalɔníka 5:7 Iomraidhean Croise

Yoáni 2:10

áongoɗea: «Ɓakpa ɓɔbu ɓá phɔ́ kǒɓopha ɓato á ɛkɛka makana nde aánjá phɛɛ mosá-mosá. Mbusa á noa í ásii, ɓáǒɓopha mokongo. Cɔ, oɓɛ obisi gǎkɛ tɔ makana nde aánjá phɛɛ mbusa!»

Ekuma á ɓateki 2:15

Makana káɛbɛɗi ɓakpa nde ɓíndɔ ɓookanisia nga, ɓî esa ásɛ, a phɔ́tɔ ka nji asasi.

Ɓalɔ́ma 13:13

Ɓéɓɛni na tambea ánjá nde akeni n'esa, ɓékéɓɛmbɛ n'osǎ ka eaga na noa, ɓékéɓɛmbɛ n'otungɔ, n'iɛɓɛ, sani na nsengo.

1 Ɓakɔlítɔ 15:34

Cɔ, sikiani kanisia ánjá, ɓóɗeketɛ ɓojeɗe. Ɓakpa ɓuangbo sɔsɔɓɛ anu ɓánáomúba Mokonga. Nɛyɔngi ɓó ka kusa anu na soni.

Ɓaɛphɛ́sɔ 5:14

Nga, kema bui nde aɔɔnɛkana base ande owanga. Kaɓondɔ unge ɓági: «Jujúka oɓɛ ímbɔ oka tɔ̌, Jujúka ka kukuwa ka ɔlɔ á ɓasí, na Kiísito abɛnyande gǔ akɔ.»

Ɓaɛphɛ́sɔ 5:18

Makana kanɔ́bɛɗɛmbɛ nga, ɛbɛɗi á makana aomúja nkpa. Akeni ndiu, ɓótúmɛ na Měma á kanga ɓojeɗe.

2 Pɛ́tɛɛ 2:13

Ophendɔ nɛɓɔ aɓande tambaga ka nyɔngɔ á ɓojeɗe nde ɗáɓági. Ɓána maseye ka tɔtɔkisa base mɔphɛ nɛɓɔ ájeɗe somani. Mbenɔ nde ɓooɓá na ɓɔ ka jaí, ɓáoɓá na maseye ka dema anu, kiɗia aɓɔ ka ɔlɔ anu ande kema á soni na kema á jɔɔkisa á měma.