1 Ɓatɛsalɔníka 5:21 - Ɔngana á Kɛ̌kɛ

²¹ Ɛnjiani phɔ́ ɓɔphɛi bui mosá, mpɔ, ɓóoamba nnde aánjá.

1 Ɓatɛsalɔníka 5:21 Iomraidhean Croise

Lóka 12:57

Eke nde ɓókóoúba tena á nyɔngɔ sɔsɔɓɛ anu ka koɗoni?

Yoáni 15:4

Ikani suɓi ani, n'eme, neikɛ phɔtɔ suɓi anu. Ntabi nnaɔgɔmba sasakɛ na kájúkani na me á mujabíbu. Ɓo phɔtɔ ɓó. Nga, ɓókó phɔtɔ ɔtɔka na ɓɔgɔmbi ka měma, aoɓá na ɓókóiki suɓi ani.

Yoáni 8:31

Yéso áǒngoɗea Ɓayúda nde ɗáɓámɓeeki áǒgea: «Aoɓá na ɓoambi nyɔngɔ nɛmɔ, ɓonde ɓagoigi nɛmɔ ɗoni.

Ekuma á ɓateki 11:23

Ajú ye kó, áɔɔna ɓî Mokonga ɗégǐí ɓakpa nɛkɛ ɓonjánja, áoɓá na maseye. Áǒgbagisaga ɓaɓêki ɓɔbu ka měma ka gea ɓámbɛɗaneɛgɛ Mɔkɔta na měma mo.

Ekuma á ɓateki 14:22

Ɓî ɗáɓáotamba ka nji ndɔ bui, ɓáogbagisaga měma á ɓagoigi gea, ɓáendɛ ka ɓeekea nɛɓɔ. Ɓáǒgea te: «Akeni ɓásotambisɛgɛ phɛɛ mosá á ngia asu ka koɓoamɛ ndea Mokonga.»

Ekuma á ɓateki 17:11

Bayúda á ka Bɛlɔ́ya, ɗáɓátú na měma ánjá kɔ̌nyɛ́nya Ɓayúda á ka Tɛsalɔníka. Ɗáɓáokonda phɛɛ ɔ́ka á nyɔngɔ á Mokonga. Esa bui, ɗáɓáokáɓa koɗoni suɓi á Ɓuku á Mokonga ka engekisa ɓɔphɛi ndea Pɔ́lɔ.

Ɓalɔ́ma 12:2

Ɓókoɓongeɛgɛmbɛ nyɔngɔ á ka mokonda ndee. Ɗeketani ndiu Mokonga ánokětiɛ na opha anu úbapha á kɛ̌kɛ. Ɓondɔ unge ɓoengekisande kema nde amɓɔngɛi Mokonga, nnde aánjá na nnde á kanga kisɛki.

Ɓalɔ́ma 12:9

Ambe ekondi nɛnu áɓɛ kángá maibe. Kángeani ɓojeɗe, ɓóoyameɛ ka ɓonjánja.

1 Ɓakɔlítɔ 15:58

Kaɓondɔ, ɓadani ékondi, mamani na ɓukpɛkpɛ, ɓóósimbiɛ. Tútuisani ekuma ndea Mɔkɔta esa bui. Úbani phɔtɔ gea, ekuma nɛnu ka Mɔkɔta nna jǎi.

1 Ɓakɔlítɔ 2:11

Cɔ, ani mmbé aoúba nyɔngɔ á ka měma á dakɛ? Měma á nkpa sasakɛ tɔ unge aoúba. A phɔtɔ ɓó ka Mokonga. Nkpa nnaoúba nyɔngɔ á suɓi á Měma á Mokonga, na nna tɔndɔ Měma akɛ sasakɛ.

Ɓagalatía 6:10

Cɔ, aoɓá na ɓena mbenɔ átɔtɔkisa kema ánjá, ɓétɔtɔkisɛni ú ka phɔa ɓakpa ɓɔbu. Ɓegeɛni ánjá phɛɛ ka phɔa ɓunde ɓá ka ekombo á ɓaɓêki.

Ɓaɛphɛ́sɔ 5:10

Káɓáni kema nde áɔmɓɔngɛa Mɔkɔta.

Ɓaphilípi 1:10

mpɔ, ɓóoengekisa kema nde ana kantíti, ɓóoɓá phɔtɔ ɓakpa nde ɓá na tambea ánjá, kángá oyeyɔ esa nde Kiísito ajaeka.

Ɓaphilípi 3:16

Nanga áɓá ɓóni, akeni ɓétútuisɛ tamba k'aphe nde ɗéɓeɓǐ na ka kɛ̌kɛnde.

Ɓaphilípi 4:8

Cɔ, ɓaya, ka sungiaga: akeni ɓóbisɛ kanisia anu ka kema bui ánjá, nnde akeni ɗokomisa í, á koɗoni, kángá ɓɔjɔɔkiɔ, nnde akeni ɓeekea í, nnde akeni beba í, na nnde á ɓɔngá.

1 Ɓatɛsalɔníka 5:15

Óengani phɛɛ gea, nkpa kansikisiɛ mɔnɔ dakɛ ɓojeɗe. Ɓógeanɛ ndiu ɓonjánja. Geani phɔtɔ ɓó ka ɓakpa ɓɔbu.

1 Ɓatɛsalɔníka 5:22

Téani ɓojeɗe bui.

2 Ɓatɛsalɔníka 2:15

Cɔ, ɓaya, mamani akpɛ na ɓóambɛ ɓɔphɛi nde ɗéɓenógoisigi, nanga nnde ɗéɓenógoisigi n'ɛsɔ, nanga nnde á ka ɓaoɓa nɛsu.

2 Timɔtɛ́ɔ 1:15

Cɔ, a ɓíndɔ ooúba, ɓakpa ɓɔbu á ka Asía ɓámomakei ngɔngɔ. Sɔsɔɓɛ aɓɔ ande Phigɛ́lɔ na Ɛɛmɔgɛ́nɛ.

2 Timɔtɛ́ɔ 3:6

Ka ɓɔ, ɓáongia mɔtɛ á nkpa, ɓáɛɓɔngande ɓake nde ɓáká na měma ésimbia, ɓunde ɓátúmi na ɓojeɗe, kema á ka mokonda bui aǒɓotea.

2 Timɔtɛ́ɔ 4:14

Ntombe Alɛsandúɔ ɗámogi ájeɗe phɛɛ. Mɔkɔta amphendande ka ɓeana n'índe ɗági.

Ɓaɛbulanía 10:23

Ɓéambɛni akpɛ nseɓeɔ nɛsu nnde ɓɛɔtɔmiaga mosá á ɓakpa nga, Mokonga nnaotinganisa mɔkɔ nɛkɛ.

1 Yoáni 4:1

Ɓadani ékondi, ɓókǒɓeekeɛmbɛ ɓundɔ ɓáogea, ɓána Měma á Mokonga. Akeni ɓɔ́cɔcɛ ka ɗigimisa mmbe měma kau atóki mɔtɛ á Mokonga. Nga, ɓaɔtu-nyɔngɔ á mbɛa ɓáɓiki phɛɛ ka mokonda.

Mphaniɔ 2:2

Neoúba ekuma nɛkɔ, na tambea nɛkɔ, na phiphia á tambaga nde ophiphíí. Ne phɔtɔ oúba gea kɔ́ɔtɔka n'ogamani na ɓato á ɓojeɗe. Ɗóǒtombigi ɓunde ɗáɓáǒgea sasaɓɔ, ɓánde ɓateki na ɓáká gǎkɛ ɓateki, ɗóǒɓúbi gea, ɓánde ɓato á mbɛa.

Mphaniɔ 2:25

Ambani ndiu tɔ ánjá nyɔngɔ nde ɓo kau na ka ɓî nejaeka.

Mphaniɔ 3:11

Cɔ, neokamisaga bika. Ámbá akpɛ kema nde oně, ka gea, nkpa ɓaangbo kabɛɗɛmbɛ ɛkɔmi nɛkɔ.

Mphaniɔ 3:3

Cɔ, kanisia phɔ́ ɓɔphɛi nde ɗɔ́ɔ́ki na ɓeekea í. Ámbá ɓɔphɛi ndɔ, na ókětiɛ tambea akɔ ájeɗe. Aoɓá na kɔ́ɛngɛphi, nebikande ɓea nkukuɓa, kóúbɛku tanda mbenɔ sina nde nebikande okobutukisa.