1 Ɓatɛsalɔníka 5:15 - Ɔngana á Kɛ̌kɛ

¹⁵ Óengani phɛɛ gea, nkpa kansikisiɛ mɔnɔ dakɛ ɓojeɗe. Ɓógeanɛ ndiu ɓonjánja. Geani phɔtɔ ɓó ka ɓakpa ɓɔbu.

1 Ɓatɛsalɔníka 5:15 Iomraidhean Croise

Matáyɔ 5:39

Eme nenóngoɗi gǎkɛ te nkpa aokogeeya ájeɗe, kogisiɛ mɔnɔ. Aoɓá n'akɔɓɛti ka ngaga á nci á mǔku, óphaia goto áɔɓɛtɛ k'índe á nci á nkei.

Lóka 6:35

Nna ɓó. Ókondani ndiu ɓaɓíɓia anu. Ógeeani ánjá. Ɔɛkisani kángá á seɓea á jisia anu. Mpɔ, ophendɔ nɛnu áoɓá ángbó. Ɓóoɓá ɓana-Mokonga Mmbé ana kɔkɔta bui. Nga yɛ, aanjánjá ka ɓundɔ ɓáná n'obebɔ na ɓunde ɓá ájeɗe.

Ekuma á ɓateki 16:28

Cɔ, Pɔ́lɔ â gǎkɛ okoga k'ɛ́sɔ akpɛ te: «Kǒmowanɛmbɛ! Ɓesu ɓáunge ɓe phɔ́tɔ wani!»

Ɓalɔ́ma 12:9

Ambe ekondi nɛnu áɓɛ kángá maibe. Kángeani ɓojeɗe, ɓóoyameɛ ka ɓonjánja.

Ɓalɔ́ma 14:19

Ɓékaɓɛni kema nde aobisa ɓujɛjɛ na káɓa á kema nde áɔphɛka ɓeekea á ɓakpa.

1 Ɓakɔlítɔ 14:1

Káɓágani phɔ́ ekondi. Bisani mɔphɛ anu k'égabɔ ɗanga-ɗanga á Měma á Mokonga kɔnyɛ́nya bui. Bisani mɔphɛ anu k'égabɔ á ɔtɔa á nyɔngɔ nde atóki ka Mokonga.

1 Ɓakɔlítɔ 16:10

Aoɓá Timɔtɛ́ɔ n'akiɗi, nseseani ánjá phɛɛ nga, a phɔtɔ ɔmbɛɗaneaga Mɔkɔta ɓea eme.

1 Ɓakɔlítɔ 6:7

Eya, ɓî ɓo ye ɔtɔngana ngǔngu anu, ande gea, ɓotugbanigi ye tɔ. Kátókeni ndiu ɓóphiphiɛ ɓojeɗe nde ɓakpa ɓáonogea ně? Kátókeni ndiu ka ɓenu ɓánóútɛ nkumba nɛnu?

Ɓagalatía 6:10

Cɔ, aoɓá na ɓena mbenɔ átɔtɔkisa kema ánjá, ɓétɔtɔkisɛni ú ka phɔa ɓakpa ɓɔbu. Ɓegeɛni ánjá phɛɛ ka phɔa ɓunde ɓá ka ekombo á ɓaɓêki.

Ɓaɛphɛ́sɔ 5:15

Cɔ, óengani ánjá ka tambea anu. Ɓókóɓɛmbɛ ɓea ɓabóbó, ɓáni ndiu ɓea ɓato á kɔɓɔɔngɛ.

Ɓaɛphɛ́sɔ 5:33

Cɔ, a gǎkɛ tɔ ɓó ka ɓenu: Ambe mǒko buakɛ ánkondɛ nkakɛ ɓíndɔ ěkondi sasakɛ na ambe nke ánɗokomisɛ munyakɛ.

1 Ɓatɛsalɔníka 2:12

Nga ɗéɓenógbagisigi ka měma, na phɔngisa anu, na phɛá anu gea, ɓótambeɛ ɓíndɔ amɓɔngɛi Mokonga. Yɛ aámbé anɔɔphani gea, ɓóɓɛ ɓato á ka koɓoamɛ á ɓoombia nɛkɛ.

1 Ɓatɛsalɔníka 5:21

Ɛnjiani phɔ́ ɓɔphɛi bui mosá, mpɔ, ɓóoamba nnde aánjá.

1 Timɔtɛ́ɔ 6:11

Oɓɛ gǎkɛ, nkpa ndea Mokonga, ɓánga kema ndɔ bui. Káɓa ndiu koɗoni, tambea ánjá mosá á Mokonga, ɓeekea á Mokonga, ekondi, phiphia na ɓɔphɔngɔ.

2 Timɔtɛ́ɔ 2:24

Cɔ, kákeni mbɛɗanigi ndea Mɔkɔta ásanɛ. Akeni ndiu áɓɛ nto á aphɔngɔ ka ɓakpa ɓɔbu, mmbé aɔtɔka goisaga na phiphia á tambaga.

Títɔ 3:2

Ɓákáyɔngɛmbɛ ájeɗe ka phɔa á nkpa, ɓákásanɛmbɛ. Ɓáɓɛ ndiu ɓato-aphɔngɔ, ɓakpa ɓánjá, ɓunde ɓáokáɓa ɓujɛjɛ ka ɓakpa ɓɔbu.

Ɓaɛbulanía 12:14

Káɓáni enda ka ɓujɛjɛ na ɓakpa ɓɔbu. Ɓókaɓɛ phɔtɔ sokosea á ɓojeɗe á ka měma anu. Kángá á ɓó, nna na nkpa nde amɔnande Mɔkɔta.

1 Pɛ́tɛɛ 1:22

Ɓá ye nosokosei ka nyɔngɔ á ɓeekea anu ɗoni. Ka nyɔngɔ índɔ unge ɓoókondi ɓadanu ɓaɓêki kángá maibe. Cɔ, kóndanagani sɔsɔɓɛ anu phɛɛ na měma anu bui.

1 Pɛ́tɛɛ 2:17

Óɗokomisani ɓakpa ɓɔbu, ókondani ɓadanu ɓaɓêki, mɓángani Mokonga, nɗokomisani moamɛ.

1 Pɛ́tɛɛ 3:9

Ɓókosikisianɛmbɛ ɓojeɗe ka ɓojeɗe, na mbóma ka mbóma. Sikisianani ndiu nyɔngɔ ánjá nga, ka nyɔngɔ índɔ unge Mokonga ɗánɔɔphani, ka gea, abisande njaga akɛ gǔ anu.

3 Yoáni 1:11

Dani ékondi, kóɓeɛ mɔnɔ tambea ájeɗe, ɓeá ndiu tambea ánjá. Nkpa nde aogea ánjá, ande ɓa Mokonga, mmbé gǎkɛ aogea ájeɗe, nna tanda oúba nyɔngɔ á Mokonga.

Mphaniɔ 19:10

Mpɔ, néogua k'écinji akɛ ka beba akɛ. Â gǎkɛ omongoɗea te: «Kógeɛmbɛ ɓondɔ nga, ne tɔ ka ɓenu ɓabɛɗanigi ande gea te, oɓɛ na ɓana-amakɔ ɓunde ɓáɗigimisi nyɔngɔ á ɗoni ndea Yéso. Mokonga aámbé oɓande ombeba nga, nyɔngɔ nde Yéso aoɗigimisa, ande cina á měma á ɔtɔa á nyɔngɔ.»

Mphaniɔ 22:9

Yɛ, â gǎkɛ omongoɗea te: «Caa! Kógeɛmbɛ ɓó! Nga, eme nende mbɛɗanigi ɓea ɔɓɛ, ɓea ɓadakɔ ɓaɔtu-nyɔngɔ ndea Mokonga na ɓea ɓɔbu ɓunde ɓáotétemisa nyɔngɔ nde a suɓi á ɓuku ndee. Mokonga ndiu aámbé ómbebɛ.»