1 Ɓatɛsalɔníka 5:14 - Ɔngana á Kɛ̌kɛ

¹⁴ Ɓaya, ɓenóɗengemisigi, ókeagani ɓakpa nde ɓáná ɔbɛɗa ka kema, ógbagisagani ɓato á kɔɓɔɓɔkɔ, óengani ɓakusi. Óphiphiani ɓakpa ɓɔbu.

1 Ɓatɛsalɔníka 5:14 Iomraidhean Croise

Matáyɔ 12:20

Káɓúnɛku manganga nde ěgbuki, káimɛku ɔbɛa nde owanga í a phɔ́tɔ n'aojegia ábɔa. Ageaeka tɔ ɓó, na ka ɓî koɗoni amamagaeka.

Lóka 22:32

Eme gǎkɛ nɛtɔ́mɛmi ka phɔa akɔ ka gea, ɓeekea nɛkɔ kaɓúngɛmbɛ. Na ka sikianaga akɔ, ambe ótetemisɛ měma á ɓana-amakɔ.»

Ekuma á ɓateki 20:27

Nga, ɗɛ́nɔphɛí base mɔphɛ á Mokonga kángá sɔmɛanu ú.

Ekuma á ɓateki 20:31

Cɔ, ɛngɛphani na ɓókoɓoseɛmbɛ gea ka ɓasaga ɓasaɔ keiphe n'esa ɗékéɗeketi phɛá ka nkpa ka ɔlɔ anu na iɓo á ngamɔ.

Ekuma á ɓateki 20:35

Ka kema bui nenóphangi gea ɓɔ́bɛɗanɛgɛ tɔ ɓó ka enga á ɓaúki, ɓíndɔ Mɔkɔta Yéso yɛ sasakɛ asóngoɗi gea: ‹Maseye ásii a ka ɓagabi kɔnyɛ́nya ɓatɔi.›»

Ɓalɔ́ma 12:1

Ɓaya, ɓî Mokonga aɔnisi ɓonjánja nɛkɛ ka phɔasu, nenóɗengemisigi gea, ɓóbisɛ enda anu bui ka Mokonga ɓea ɔphɛ́ɔ ánjá, nnde aoenda na kángá ɓojeɗe. Nndɔ aɓande obebɔ nɛnu á ka měma ka yɛ.

Ɓalɔ́ma 14:1

Nseseani mmbé kámɔtimbɛ ka ɓeekea, kángá á ianaga kanisia akɛ.

1 Ɓakɔlítɔ 4:14

Kénóɗundui nyɔngɔ nde ka kusa anu na soni, a ndiu ka phɛá anu ɓea ɓaniki nɛmɔ ékondi phɛɛ.

1 Ɓakɔlítɔ 8:7

Cɔ, ɓakpa ɓɔbu ɓáná gǎkɛ oúba ɗoni ndɔɔ. Ɓakpa ɓuangbo ɓáɛmbani gǎkɛ na beba á ɓamokonga á mbɛa. Na ka kɛ̌kɛnde, aoɓá na ɓáí eea ɓíndɔ, ɓá phɔ́tɔ okanisia te ɓáí nyama á phɛ́a. Ɓakpa ndɔ, úbapha aɓɔ akusi, ɓáɔɔna gea ɓájɔɔkani ka nyɔngɔ á nyama ndɔɔ.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓaɛphɛ́sɔ 4:2

Ɓáni na měma édidisa, ɓɔphɔngɔ na měma á phiphia, phiphianani n'ekondi.

Ɓaɛphɛ́sɔ 4:32

Ɓáni na měma ánjá na á kuina ngomi. Nkpa na nkpa áímɛ ɓojeɗe ndea dakɛ ɓíndɔ Mokonga ɗáími ɓojeɗe nɛnu ka nyɔngɔ á Kiísito.

Ɓakɔlɔsái 1:28

Ɓesu gǎkɛ, ɓɛɔ́tɔmiaga ɓakpa ɓɔbu, nyɔngɔ á Kiísito. Ɓɛɔphɛa na goisaga nkpa buakɛ na kɔɓɔɔngɛ bui ka gea ɓéengɛ ɓakpa ɓɔbu ka gea ɓámɔtɛ ka měma ka jukanisa aɓɔ na Kiísito.

2 Ɓatɛsalɔníka 3:15

Ɓɔ́kɔmbɛɗɛmbɛ ɓea mɓiɓia, mphɛani ndiu ɓea muna-amanu.

1 Timɔtɛ́ɔ 3:3

Kaɓɛmbɛ nto á ɛbɛɗi á makana na nkae. Áɓɛ ndiu nto-aphɔngɔ na ɓujɛjɛ. Kaɓɛmbɛ nkondi imɔna phɛɛ.

1 Timɔtɛ́ɔ 6:11

Oɓɛ gǎkɛ, nkpa ndea Mokonga, ɓánga kema ndɔ bui. Káɓa ndiu koɗoni, tambea ánjá mosá á Mokonga, ɓeekea á Mokonga, ekondi, phiphia na ɓɔphɔngɔ.

2 Timɔtɛ́ɔ 4:2

phɛá á Nyɔngɔ á Mokonga na ɓukpɛkpɛ, kaɓɛ mbenɔ ánjá, kaɓɛ mbenɔ ájeɗe. Kea á ɓojeɗe base, imisia, ɓá na měma á phiphia ka gbagisaga á měma á ɓakpa esa bui nde ɔɔphɛa.

Títɔ 1:10

Cɔ, ɓakpa ɓásii, asa phɔ́ sɔsɔɓɛ á Ɓayúda íɓunde ɗáɓámɓeeki Yéso, ɓáoyá ɓɔphɛi á ɗoni na demaga á ɓakpa na yɔnga á jǎi-jǎi.

Títɔ 1:6

Ngbɛga á kanisa áɓɛ nkpa á kanga kisɛki. Mǒko nde a tɔ na nke moci. Ɓ'anakɛ ɓáɓɛ ɓaɓêki, kángá á kitɔngi á tambea ájeɗe na mɔ̌ akpɛ.

Ɓaɛbulanía 12:12

Kaɓondɔ unge, kákámisani njaga anu nnde aɛli na nanoani muanku anu nnde aɔsɔkasɔka.

Ɓaɛbulanía 13:3

Ókanisiani ɓato á mekakɔ. Ókuiani ngomi ɓíndɔ ɗóɓotú phɔtɔ oɓá kimoci na ɓɔ ka mekakɔ. Ókuiani phɔtɔ ngomi, ɓunde ɓáǒtambisaga, ɓíndɔ ɗóɓotú phɔtɔ otambaga kimoci na ɓɔ.