1 Ɓatɛsalɔníka 5:13 - Ɔngana á Kɛ̌kɛ

¹³ Óɗokomisani, ókondagani ka nyɔngɔ ékuma nɛɓɔ k'ína á Mɔkɔta. Ikani ka ɓujɛjɛ sɔsɔɓɛ anu.

1 Ɓatɛsalɔníka 5:13 Iomraidhean Croise

Matáyɔ 10:40

«Nkpa nde anósesi, amosesi. Nkpa nde amosesi, ansesi mmbé amoteki.

Málikɔ 9:50

Cɔ, mɔnɛi ande kema ánjá. A gǎkɛ oɓá mɔnɛi na nna ye na ɓɔɛkɛ nɛkɛ, eke nde aɛkɛmisande? Ɓáni sɔsɔɓɛ anu ɓea mɔnɛi. Ande gea te endani ka ɓujɛjɛ sɔsɔɓɛ anu.

Yoáni 15:17

Cɔ, ɛɔphi nde nenósosi ande gea, Kondanagani sɔsɔɓɛ anu.

2 Ɓakɔlítɔ 13:11

Cɔ, ɓaya, ɓójiga ye. Ɓáni na maseye, ókakamisani ka ɓá kángá ɓojeɗe, ógbagisagani ngǔngu anu, ɔ́kanani na měma mo, ikani ka ɓujɛjɛ. Mpɔ, Mokonga, mɛna-ekondi na ɓujɛjɛ, aɓande kimoci na ɓenu.

Ɓagalatía 4:14

Nanga ɓî esambɔ ndɔ ɗáújúkisi nyama ani mosá á ɓakpa, ɗóɓókómɔɓɛnjigi na yágani. Ɓô ndiu omosesea n'osasɔ ɓea malaéka ndea Mokonga, ɓea Yéso Kiísito phɔtɔ.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓagalatía 6:6

Nkpa nde ɓáongoisaga nyɔngɔ á Mokonga ambe ángabeɛ ngoisigi nɛkɛ k'ɛ́tɔi nɛkɛ bui.

Ɓaɛphɛ́sɔ 4:3

Suiani ika suɓi á ɔngana nde Měma á kanga ɓojeɗe aobikisa ka ɓujɛjɛ nde anójúkanisi.

Ɓakɔlɔsái 3:15

Ambe ɓujɛjɛ ndea Kiísito áɓɛ na kɔkɔta ka měma anu. Nga, ka nyɔngɔ í unge Mokonga ɗánɔɔphani ka gea, ɓóɓɛ nyama á nkpa moci. Nsegani esa bui.

1 Ɓatɛsalɔníka 5:14

Ɓaya, ɓenóɗengemisigi, ókeagani ɓakpa nde ɓáná ɔbɛɗa ka kema, ógbagisagani ɓato á kɔɓɔɓɔkɔ, óengani ɓakusi. Óphiphiani ɓakpa ɓɔbu.

2 Ɓatɛsalɔníka 3:16

Ambe Mɔkɔta mɛna-ɓujɛjɛ, yɛ sasakɛ ánóphɛ ɓujɛjɛ esa bui na ka kema bui. Áɓɛ na ɓenu ɓɔbu.

2 Timɔtɛ́ɔ 2:22

Timɔtɛ́ɔ, koɓɛmbɛ na mɔphɛ á koganda, káɓa ndiu koɗoni, ɓeekea, ekondi, ɓujɛjɛ kimoci na ɓunde ɓáokumia ina á Mɔkɔta na měma ánjá.

Ɓaɛbulanía 12:14

Káɓáni enda ka ɓujɛjɛ na ɓakpa ɓɔbu. Ɓókaɓɛ phɔtɔ sokosea á ɓojeɗe á ka měma anu. Kángá á ɓó, nna na nkpa nde amɔnande Mɔkɔta.

Yakɔ́ɓɔ 3:18

Ɓunde ɓáɔbɛɗanaga ka bisa á ɓujɛjɛ ka mpɛphɛ aɓɔ, ɓáokona ka ɓujɛjɛ. Ɗungu nde ɓáɗunguande ande enda á koɗoni.