1 Ɓatɛsalɔníka 4:8 - Ɔngana á Kɛ̌kɛ

⁸ Cɔ, nkpa nde ayé ɓɔphɛi ndɔ, kán'yé nkpa nde amphɛí, an'yé ndiu Mokonga, mmbé asóphi Měma nɛkɛ.

1 Ɓatɛsalɔníka 4:8 Iomraidhean Croise

Lóka 10:16

Wa, Yéso áǒngoɗea ɓagoigi nɛkɛ: «Nkpa nde aɔnɔɔ́ka, amɔɔ́ki phɔtɔ. Mmbé anóyé gǎkɛ, amoyé. Mmbé amoyé, an'yé ndiu mmbé amoteki.»

Yoáni 12:48

Nkpa nde amoyé, na nnaoɓeekea nyɔngɔ nɛmɔ ɓátenaeka nyɔngɔ nɛkɛ akpɛ. Nyɔngɔ nde ɗéyɔngi aunge, atenaeka nyɔngɔ akpɛ k'ésa á sungiaga á mokonda.

Ekuma á ɓateki 13:41

‹Ɔ́nani phɔ́, ɓato á ɛkɛɛkɛɛ nde ca! Yayamani, ɓóɓungɛgɛ. Nga, nɛtɔtɔkisande ekuma ángbó ka matú nɛnu. Nanga ɓánɔtɔmiaga ɗoni, ɓókóɓeekeɛku.›»

Ɓalɔ́ma 5:5

Nseɓeɔ ndɔ nna okusa na soni ka nyɔngɔ nde, Mokonga aɛmbisi ekondi nɛkɛ suɓi á měma asu ka nyɔngɔ á Měma á kanga ɓojeɗe nde ɗásóphi.

1 Ɓakɔlítɔ 2:10

Cɔ, Mokonga ɗásóphangi gǎkɛ base nyɔngɔ á ɓɔsɔmɛa ndɔ ka ɓukpɛkpɛ á Měma akɛ. Nga, Měma ndɔ aunge aokáɓa cina á nyɔngɔ bui, nanga áɓá kema nde ɛ̌sɔmɛani phɛɛ suɓi á Mokonga.

1 Ɓakɔlítɔ 7:40

Atóɓande nto á maseye phɛɛ, ámbé aiki tɔ kángá ɔmana. Nndɔ ande kanisia nɛmɔ, nnde neoúba te, Měma á Mokonga aunge amopi nyɔngɔ ndɔɔ.

2 Ɓakɔlítɔ 1:22

Asóbisíí epe nɛkɛ nnde aoɗigimisa gea, ɓende ɓakpa nɛkɛ n'ande Měma á kanga ɓojeɗe suɓi asu nnde ande moéma á kema bubui nde asóbisi.

Ɓagalatía 4:6

Ka engekisa gea ɓonde ɓ'anakɛ, Mokonga ɗásotekisíí Měma á Anakɛ suɓi á měma asu. Měma kau aokoga: «Aba!»

1 Pɛ́tɛɛ 1:12

Mokonga ɗéúbisi gea te, mbino ndɔ ɗákátú ka phɔaɓɔ sasaɓɔ, ɗátú ndiu ka phɔanu. Cɔ, kɛ̌kɛnde, ɓatɔmi Mbino-Ánjá ɗáɓánɔ́tɔ̌mi mbino ndɔ na ɓukpɛkpɛ á Měma á kanga ɓojeɗe, mmbé Mokonga ɗánteki ka toka na koba. Ɓamalaéka ɓɔ sasaɓɔ ɓákondi phɔtɔ úba á mbino ndɔɔ.

2 Pɛ́tɛɛ 1:21

Ka nyɔngɔ nde, nna tanda na nyɔngɔ nde ɓáɔtú ka kokpa. Ɓaɔtu-nyɔngɔ ndea Mokonga ɗáɓátɔ̌migi ndiu nyɔngɔ nde ɗátóki ka Mokonga ka ɓukpɛkpɛ á Měma á kanga ɓojeɗe.

1 Yoáni 3:24

Mmbé aoamba ɛɔphi nɛkɛ, ɓáɔngani na yɛ. Cɔ, ɓeoúba gea, ɓɛɔngani na yɛ ka nyɔngɔ nde, asóphi egabɔ á Měma á kanga ɓojeɗe.

Yúda 1:8

Eya, ɓakpa ɓájeɗe ɓundɔ ɗáɓángí ka nkíndí anu ka ɓɔsɔmɛa, ɓá phɔtɔ ogea ɓó. Njeki nde ɓáoɗa ně, a tɔ á mɔphɛ á uja nyama aɓɔ sasaɓɔ na ɓɛnjiaga kɔkɔta ndea Mokonga. Ɓáǒbóma econji á ɓoombia á na koba.