1 Ɓatɛsalɔníka 4:7 - Ɔngana á Kɛ̌kɛ

⁷ Nga, Mokonga ɗákásɔɔphani ka nyɔngɔ á iɛɓɛ, asɔɔphani ndiu gea, ɓéɓɛ ɓakpa nɛkɛ ɓ'ánjá phɛɛ.

1 Ɓatɛsalɔníka 4:7 Iomraidhean Croise

Ɓalɔ́ma 1:7

Cɔ, nenóɗundui ɓenu ɓɔbu suɓi á Lɔ́ma ɓunde Mokonga aekondi na ɓunde ɗáɛɓɔphani ka ɓá ɓakpa nɛkɛ ɓato á kanga ɓojeɗe, ɓonjánja-ékondi na ɓujɛjɛ ndea Abasu Mokonga na Mɔkɔta nɛsu Yéso Kiísito áɓɛ na ɓenu.

Ɓagalatía 5:19

Cɔ, mɔphɛ á nyama aoúbukana base ka: Otungɔ, ɓɔjɔɔkiɔ, mambɔ,

Ɓaɛphɛ́sɔ 1:4

Mokonga ɗásɔsɔmbu mosá á conjá á mokonda ka gea, ɓéɓɛ ɓakpa nɛkɛ ka ɔngana asu na Kiísito ka gea, ɓéɓɛ ɓato á kanga ɓojeɗe na kángá kisɛki mosá akɛ.

Ɓaɛphɛ́sɔ 2:10

Ɓende ekuma á ka njaga á Mokonga. Ande gea te, ɗásóconji ka ɔngana asu na Kiísito Yéso ka gea te, ɓéendɛ suɓi á ɛtɔi k'ékuma ánjá nde ɗásóbisíí gea, ɓɛtɔtɔkisɛ ú.

Ɓaɛphɛ́sɔ 4:1

Cɔ, eme aámbé ɓámomaki ka mekakɔ ka nyɔngɔ á bɛɗaneaga Mɔkɔta. Ɓî a ɓó, nenóɗengemisigi ɓe: Tambeani ɓíndɔ akeni ka mɔphani ndea Mokonga.

Ɓaɛphɛ́sɔ 4:19

Ɓáná ye oúba tinganisa nyɔngɔ ánjá na nnde aájeɗe. Ɓáotambea ɓíndɔ ɓákondi. Nyɔngɔ ájeɗe-jeɗe bui nde ɓá na mɔphɛ í, ɓáogea ú kángá ɛnyɛ́.

1 Ɓatɛsalɔníka 2:3

Ɓɔphɛi nɛsu gǎkɛ, nna na mbɛa, nna na maibe, nna n'odemayɔ.

2 Timɔtɛ́ɔ 1:9

Yɛ aámbé, ɗásóamisi ka měma, áɔsɔ́ɔphana gea, ɓéɓɛ ɓakpa nɛkɛ, nna ka nyɔngɔ á ekuma nɛsu, a ndiu tɔ ka nyɔngɔ á moangɔ nɛkɛ sasakɛ na ɓonjánjá-ékondi nɛkɛ. Nndɔ bui, ɗásóphi kimoci na Kiísito Yéso, mosá á conjá á mokonda.

Ɓaɛbulanía 12:14

Káɓáni enda ka ɓujɛjɛ na ɓakpa ɓɔbu. Ɓókaɓɛ phɔtɔ sokosea á ɓojeɗe á ka měma anu. Kángá á ɓó, nna na nkpa nde amɔnande Mɔkɔta.

2 Pɛ́tɛɛ 2:10

Eya, aetambisagande phɛɛ ɓunde ɓáoyá kɔkɔta ndea Mokonga na ɓá ndiu oɓea mɔphɛ á ɓɔjɔɔkiɔ á kokpa. Cɔ, ɓagoisigi á mbɛa ndɔ ɓánde ɓato á kankiki phɛɛ na ɓemboko, ɓánáoɓánga bóma á ɓato á ɓoombia á na koba.