1 Ɓatɛsalɔníka 4:5 - Ɔngana á Kɛ̌kɛ

⁵ kángá á mɔphɛ ájeɗe ɓotea anu ɓea ɓakpa nde ɓánáomúba Mokonga.

1 Ɓatɛsalɔníka 4:5 Iomraidhean Croise

Matáyɔ 6:32

Ɓato á kanga ɓeekea ɓáunge ɓáokaɓaga kema ndɔ bui. Abanu mmbɔ á na koba aoúba kema bui nde ɓo na siki í.

Lóka 12:30

Nga, ɓato á ka mokonda ɓunde ɓánáomúba Mokonga ɓáunge ɓáotambeaga kema ndɔ bui. Abanu a gǎkɛ oúba kema nde ɓona siki í.

Ekuma á ɓateki 17:23

Nga, ɓî ɗéotámbaga ka ntanga-nji nɛnu, ɗɛ́ɔɔnjia bîbíbí ɔma á esomba nɛnu. Ɗɛ́ɔni ɛtɛ-ɔ́phɛ́ɔ nde ɓáɗundu kau ɓe: ‹A ka phɔa mokonga á mbɛa mmbé nnaoúbikana.› Cɔ, mɔkɔta ndɔ ɓoonɗokomisa kángá úba akɛ, aámbé nɛɔnɔ́tɔmiaga mbino akɛ kɛ̌kɛnde.

Ɓalɔ́ma 1:24

Ka nyɔngɔ índɔ unge Mokonga ɗěɗeketi ɓáɓeɛ mɔphɛ ájeɗe á ka měma aɓɔ, ka jɔɔkisa nyama aɓɔ sasaɓɔ ngǔngu aɓɔ.

Ɓalɔ́ma 1:26

Kaɓondɔ unge, Mokonga ɗáeɗeketi ɓáɓeɛ mɔphɛ nɛɓɔ á soni. Ɓake nɛɓɔ ɓâ koanganisa moangɔ á ɓǒko ɗága aɓɔ, ka ɗanaga ndiu ɓake ka ɓake.

Ɓalɔ́ma 1:28

Cɔ, ɓî ɗáɓáyé úbá á Mokonga, Mokonga áǒɗeketa ka úbapha aɓɔ ájeɗe. Ka gea, ɓágeɛ kema nde ɓákátókeni gea í.

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

1 Ɓakɔlítɔ 15:34

Cɔ, sikiani kanisia ánjá, ɓóɗeketɛ ɓojeɗe. Ɓakpa ɓuangbo sɔsɔɓɛ anu ɓánáomúba Mokonga. Nɛyɔngi ɓó ka kusa anu na soni.

Ɓagalatía 4:8

Cɔ, ɓî ɗóɓókótúomúba Mokonga mosá, ɗóɓotú ɓakɔɓɛ á ɓamokonga á mbɛa. Ɓamokonga ndɔ ɓáná á ɗoni.

Ɓaɛphɛ́sɔ 2:12

Mosá, ɗóɓokótú omúba Kiísito. Ɗóɓokótú k'ékombo ndea Ɓaisilaɛ́li ɓunde Mokonga ɗáɛsɔmbu, ɗóɓotú ndiu nɛnu ɓatókanga. Mɔkɔ á ɔngana ndea Mokonga ɗákátú ka ɓenu. Ɗátú tɔ ka ɓakpa nɛkɛ. Ɓóoɓá ka mokonda, kángá á nseɓeɔ, na kángá á Mokonga.

Ɓakɔlɔsái 3:5

Kaɓondɔ, kusani mɔphɛ ájeɗe á ka mokonda ka měma anu ɓea: iɛɓɛ, ɓɔjɔɔkiɔ, phɛngɛmana ka kema, mɔphɛ á kema ájeɗe-jeɗe, kuma, nnde ande etéte á beba á ɓamokonga á mbɛa.

2 Ɓatɛsalɔníka 1:8

Adidande k'ɛɛmbɛ á nsa. Aětambisagande ɓunde ɓánaomúba Mokonga, na ɓunde ɓáoyá ɓeekea á Mbinɔ-Ánjá ndea Mɔkɔta nɛsu Yéso Kiísito.

1 Pɛ́tɛɛ 4:3

Eya, kala, ɗɔ́ɓɔtɔtɔkisi ka mbenɔ ásii mɔphɛ á ɓakpa nde ɓákáomúba Mokonga. Tambea anu ɗátú á ɓato á mambɔ, mɔphɛ ájeɗe, ɛbɛɗi á makana, osǎ, ɓoita á makana phɛɛ na ɗokomisa á ɓamokonga á mbɛa.