1 Ɓatɛsalɔníka 4:4 - Ɔngana á Kɛ̌kɛ

⁴ ɓóikɛ ndiu na ɓake ɓ'anu ka ɓonjánja ɓíndɔ akeni,

1 Ɓatɛsalɔníka 4:4 Iomraidhean Croise

Ekuma á ɓateki 9:15

Mɔkɔta â gǎkɛ ongoɗea te: «Gǎ tɔndɔ nga, nɛnsɔmbu ye nkpa ndɔɔ. Nɛmɔphani, áɓɛ mbɛɗanigi nɛmɔ ka úbisa ina ani k'ékuna bui na ɓaamɛ nɛɓɔ, na Ɓaisilaɛ́li phɔtɔ.

Ɓalɔ́ma 1:24

Ka nyɔngɔ índɔ unge Mokonga ɗěɗeketi ɓáɓeɛ mɔphɛ ájeɗe á ka měma aɓɔ, ka jɔɔkisa nyama aɓɔ sasaɓɔ ngǔngu aɓɔ.

Ɓalɔ́ma 12:1

Ɓaya, ɓî Mokonga aɔnisi ɓonjánja nɛkɛ ka phɔasu, nenóɗengemisigi gea, ɓóbisɛ enda anu bui ka Mokonga ɓea ɔphɛ́ɔ ánjá, nnde aoenda na kángá ɓojeɗe. Nndɔ aɓande obebɔ nɛnu á ka měma ka yɛ.

Ɓalɔ́ma 6:19

Nɛyɔngi wani k'etéte á kokpa, ka nyɔngɔ á kanga ɔ́kapha anu ánjá. A tɔ ɓíndɔ ɗóɓobisi nyama anu bui kala ka bɛɗaneaga á ɓojeɗe na enda ka ɓojeɗe, a phɔtɔ ɓó unge ɓóbisɛ ú kɛ̌kɛnde ka bɛɗaneaga Mokonga na ɓá na enda ánjá.

1 Ɓakɔlítɔ 6:15

Cɔ, ɓooɓosa gea, nyama anu ande gbútuka á nyama á Kiísito? Cɔ, akeni nɛ́bɛɗɛ phaeka á nyama á Kiísito, nébisɛ ú ka phaeka á nyama á nke á mambɔ? Tanda phɔ́.

1 Ɓakɔlítɔ 7:2

Ka nyɔngɔ á ɓánga iɛɓɛ, ambe mǒko buakɛ áɓɛ ndiu na nke ímbɛkɛ, na nke buakɛ áɓɛ na mǒko ímbɛkɛ.

1 Ɓakɔlítɔ 7:9

Aoɓá na ɓáná gǎkɛ ɔtɔka amba á nyama aɓɔ, ambe ɓáɔmanɛ. Nga, akeni ɔmana, kángá á bomokaga á měma na mɔphɛ á koke na koɓǒko.

2 Ɓakɔlítɔ 4:7

Ɓesu íɓunde ɓekumbi ɛtɔi á ka měma ndɔ, ɓe gǎkɛ ɓea mbeka-toko. Mokonga ɗági ɓondɔ ka úbisa a ɓakpa gea, ɓukpɛkpɛ nɛkɛ aángbó, kátóki ka ɓesu sisasu.

Ɓaphilípi 4:8

Cɔ, ɓaya, ka sungiaga: akeni ɓóbisɛ kanisia anu ka kema bui ánjá, nnde akeni ɗokomisa í, á koɗoni, kángá ɓɔjɔɔkiɔ, nnde akeni ɓeekea í, nnde akeni beba í, na nnde á ɓɔngá.

Ɓaɛbulanía 13:4

Ambe ɓakpa ɓɔbu ɓáɗokomisɛ eyamani. Ɓɔ́kɔjɔɔkisɛmbɛ eka nga, Mokonga atenande akpɛ nyɔngɔ á komusɔngɔ na nyɔngɔ á iɛɓɛ.

1 Pɛ́tɛɛ 3:7

Ɓenu phɔtɔ ɓǒko, ikani na ɓake ɓánu ka ɔ́kana ánjá, na ɓooúba gea, ɓáɔlɔmani kɔnɔnyɛ́nya. Ambe ɓóoɗokomisɛ nga, ɓɔ ɓátɔande egabɔ á enda á ɗoni ɓea ɓenu. Geani ɓó ka gea, ka kema kaɗakɛmbɛ ɛmɛmi nɛnu.