1 Ɓatɛsalɔníka 4:17 - Ɔngana á Kɛ̌kɛ

¹⁷ Kɛ̌kɛndɔ, ɓesu íɓundɔ ɓe phɔ́tɔ ka mokonda, ɓetáiande kimoci na ɓɔ k'egugu phǒi! Ɓéodondana na Mɔkɔta k'ego. Mpɔ, ɓéoika na Mɔkɔta mɛyɔ.

1 Ɓatɛsalɔníka 4:17 Iomraidhean Croise

Matáyɔ 26:64

Mpɔ Yéso áongoɗea te: «O ye yɔngi ú. Nekongoɗi gea, kpanga á kɛ̌kɛnde ɓɔmɔnande Muna-Nkpa n'aiki ka njaga á mǔku á Mɛna-ɓukpɛkpɛ, n'asɛnɛki k'égugu á na koba.»

Málikɔ 14:62

Yéso áosikisia: «Eya! Eme yɛ. Ɓenu phɔtɔ, ɓɔmɔɔnande, eme Muna-Nkpa, na neiki ka njaga á mǔku á Mokonga Mɛna-ɓukpɛkpɛ, na neobika k'égugu á na koba.»

Yoáni 12:26

Kaɓɛ nkpa n'akondi bɛɗaneagani ambe ámoɓeɛ. Ɔma nde ne ɓei, aunge mbɛɗanigi nɛmɔ aɓande phɔtɔ. Abɛ anɗokomisande mmbé aɔmɔbɛɗaneaga.

Yoáni 14:3

Ɓî nege ɔɓɔngisiaga kanu ɔma á ɓoiki, nebikaeka goto ɔnɔbɛɗa ka gea, ɔma nde neiki, ɓenu ɓóikɛ phɔtɔ ɓei.

Yoáni 17:24

Abɛ, nekondi gea, ɓakpa nde omopi, ɓáikɛ ɔma nde neɓei, ka gea te, ɓáɔnɛ ɓoombia ani. Ɓoombia ndɔ aunge ɗómopi ka nyɔngɔ nde, ɗómokondi mosá á conjá á mokonda.

Ekuma á ɓateki 1:9

Mbusa á yɔnga akɛ ɓó, Mokonga áontáisisa Yéso na koba. Ɓateki na ɓá phɔ́tɔ kɔɛnjia na koba, egugu áomɓómba, ɓákámɔnɛ ye.

Ekuma á ɓateki 8:39

Ɓî ɓájabi, Měma á Mɔkɔta áɔnsɔmɛa Philípɔ. Mbɛɗanigi angbóngbó ndɔ kamɔnɛ ye. Â gǎkɛ otútuisa tamba nɛkɛ n'ana maseye.

1 Ɓakɔlítɔ 15:52

ka mbenɔ moci ɓea nkpa n'aogbeɗua, ɓî ɓásúande mbengu á sungiaga. Nga, ɓɛɔ́kande ɛsɔ á mbengu, ɓasí ɓɔbu ɓájujukande ka kukuwa, ɓáoɓá na nyama, nnde kákuwɛku. Ɓesu ɓɔbu ɓěgaiande.

2 Ɓakɔlítɔ 5:8

Eya, ɓena nténdé ɗoni! Ɓekondi ɗeketa á nyama ndee, ka gǎ ika bíbí á Mɔkɔta.

Ɓaphilípi 1:23

Ande gea te, mɔphɛ iɓɛ ɗanga-ɗanga aomoɓotea: Nenasiki á gǎ ika kimoci na Kiísito, nndɔ ungɔ nekondi phɛɛ.

1 Ɓatɛsalɔníka 3:13

Mɔkɔta anóphi ekondi ndɔ, ka mɔtisaga á měma anu gea te, ɓóɓɛ na měma ánjá phɛɛ, kángá kisɛki, mosá á Abasu Mokonga. Aɓáeka tɔ ɓó, k'ésa ndɔ Mɔkɔta nɛsu Yéso Kiísito abikaeka kimoci na ɓato á kanga ɓojeɗe nɛkɛ. Áɓɛ ɓó!

1 Ɓatɛsalɔníka 4:15

Cɔ, wani, ɓeonóngoɗea ɓɔphɛi nde Mɔkɔta nɛsu ɗásɔtɔ̌mi. Ɓesu íɓundɔ Yéso asódondande na ɓe phɔ́tɔ ka mokonda, ɓékéɛmɛɛku ɓakpa nde ɗáɓásí mosá.

1 Ɓatɛsalɔníka 4:18

Cɔ, phiphisanani měma ka nyɔngɔ ndɔɔ.

1 Ɓatɛsalɔníka 5:10

Nga yɛ, ɗásókui ka gea te, ɓéikɛ kimoci na yɛ, kaɓɛ na ɓesí, kaɓɛ na ɓe phɔ́tɔ ka mokonda k'ésa á ja akɛ.

2 Pɛ́tɛɛ 3:13

Ɓe gǎkɛ oɓondea koba na mokonda á kɛ̌kɛ, ɓíndɔ Mokonga ɗáɔku, ɔmande koɗoni aɓande.

Mphaniɔ 1:7

Éngani, Yéso Kiísito aobika k'égugu. Ɓakpa ɓɔbu ɓámɔnande. Ɓunde ɗáɓántúmi n'ekonga, ɓámɔnande phɔtɔ. Ɓato á k'ekuna bui á ka mokonda ɓátaɓokanagande ka nyɔngɔ akɛ. Eya! Áɓɛ ɓó.

Mphaniɔ 11:12

Mpɔ, ɓaɔtu-nyɔngɔ ndea Mokonga ɓaɓɛ ndɔ ɓáɔɔ́ka ɛsɔ akpɛ n'aotóka na koba, áǒngoɗea gea: «Ɗáphani koni!» Ɓáoɗápha na koba suɓi égugu, ɓaɓiɓia nɛɓɔ na ɓáɔ̌ɓɔna.

Mphaniɔ 12:5

Nke ndɔ, áɔmɓɔkɔta miki-mǒko mmbé amameande nji bui na kɔkɔta á ngɔa. Miki ndɔ ɓâ gǎkɛ ontáisa na koba, ɓáombisa bíbí á kankaanga á kɔkɔta ndea Mokonga.