1 Ɓatɛsalɔníka 4:14 - Ɔngana á Kɛ̌kɛ

¹⁴ Ɓesu gǎkɛ, ɓeɓeeki gea, Yéso ɗáku, Mokonga áonjujukisa. Kaɓondɔ unge, ɓeɓeeki gea, aějujukisaeka ɓakpa nde ɗáɓásí na ɓámɓeeki Yéso. Mbusa, Mokonga ěbikisande ɓakpa nɛkɛ kimoci na Yéso, mɔtɛ-akɛ.

1 Ɓatɛsalɔníka 4:14 Iomraidhean Croise

Matáyɔ 24:31

Ɛsɔ á mbengu ángbó aɔ́kɛkanande, n'aetekande ɓamalaéka nci gena á ka mokonda: Ɓáedondanisande ɓundɔ Mokonga ɗáɛsɔmbu ka mokonda bui.

Ɓalɔ́ma 14:9

Ka nyɔngɔ índɔ unge, Kiísito ɗáku na enda goto ka gea, áɓɛ Mɔkɔta á ɓasí na ɓunde ɓáoenda.

Ɓalɔ́ma 8:11

Kaɓɛ Měma á Mokonga mmbé ɗánjujúkisi Yéso sɔsɔɓɛ á ɓasí n'aiki suɓi anu, yɛ mmbé ɗánjujúkisi Kiísito sɔsɔɓɛ á ɓasí tɔndɔ aámbé aendisande nyama anu á kukuwa na Měma akɛ nnde a suɓi anu.

1 Ɓatɛsalɔníka 3:13

Mɔkɔta anóphi ekondi ndɔ, ka mɔtisaga á měma anu gea te, ɓóɓɛ na měma ánjá phɛɛ, kángá kisɛki, mosá á Abasu Mokonga. Aɓáeka tɔ ɓó, k'ésa ndɔ Mɔkɔta nɛsu Yéso Kiísito abikaeka kimoci na ɓato á kanga ɓojeɗe nɛkɛ. Áɓɛ ɓó!

1 Ɓatɛsalɔníka 4:13

Ɓaya, ɓekondi gea, ɓóengekisɛ ɗoni nyɔngɔ á ɓakpa nde ɗáɓásí. Ande gea, ɓókoɓɛ mɔnɔ na ɓɔmbɛ ɓea ɓakpa na ɓáná na nseɓeɔ.

1 Ɓatɛsalɔníka 4:17

Kɛ̌kɛndɔ, ɓesu íɓundɔ ɓe phɔ́tɔ ka mokonda, ɓetáiande kimoci na ɓɔ k'egugu phǒi! Ɓéodondana na Mɔkɔta k'ego. Mpɔ, ɓéoika na Mɔkɔta mɛyɔ.

2 Ɓatɛsalɔníka 2:1

Ɓaya, ka nyɔngɔ á ja á Mɔkɔta nɛsu Yéso Kiísito na dondanaga asu na yɛ, ɓenóɗengemisigi gea,

Mphaniɔ 1:18

Nende nkpa nde neoenda. Ɗéku, cɔ, kɛ̌kɛnde ne gǎkɛ oenda ka saga na saga. Nɛbɛɗi phembekete á kukuwa na nnde á nji á ɓasí.

Mphaniɔ 14:13

Mpɔ, nê goto ɔɔ́ka ɛsɔ n'atóki na koba, áogea: «Cɔ, ɗundua ɓe: Maseye áɓɛ kpanga á kɛ̌kɛnde ka ɓunde ɓáku k'ína á Mɔkɔta!» Měma á Mokonga agi: «Eya, ɓáumbiɛ mbusa ékuma nɛɓɔ akpɛ nga, ekuma nɛɓɔ aeɓeande.»