1 Ɓatɛsalɔníka 4:12 - Ɔngana á Kɛ̌kɛ

¹² Ɓo ye otétemisa ekuma á ka njaga anu sasanu, ɓókóoɗokomaneɛku ye ɓakpa. Ɓakpa nde ɓákámɓeekimbɛ Kiísito, ɓâ phɔtɔ onóbeba.

1 Ɓatɛsalɔníka 4:12 Iomraidhean Croise

Málikɔ 4:11

Yéso áǒsikisia te: «Mokonga anoúbisi nyɔngɔ á ɓɔsɔmɛa á koɓoamɛ nɛkɛ. Ka ɓundɔ ɓá gǎkɛ na nsɛngɛ, nyɔngɔ aɛsɔmɛani ka mɛní.

Ɓalɔ́ma 12:17

Ɓókógisiɛmbɛ ɓojeɗe ka nkpa. Ɓáni na měma á tɔtɔkisa kema ánjá mosá á ɓakpa ɓɔbu.

Ɓalɔ́ma 13:13

Ɓéɓɛni na tambea ánjá nde akeni n'esa, ɓékéɓɛmbɛ n'osǎ ka eaga na noa, ɓékéɓɛmbɛ n'otungɔ, n'iɛɓɛ, sani na nsengo.

Ɓaɛphɛ́sɔ 4:28

Nkukuɓa kaúɓɛmbɛ ye goto. Ákpangɛ ndiu bɛɗanaga ekuma á njaga ánjá, ka gea, áendɛ ánjá na áɓɛ na kema á gabea ɓato á ɓuyɛnɛ.

Ɓaphilípi 4:8

Cɔ, ɓaya, ka sungiaga: akeni ɓóbisɛ kanisia anu ka kema bui ánjá, nnde akeni ɗokomisa í, á koɗoni, kángá ɓɔjɔɔkiɔ, nnde akeni ɓeekea í, nnde akeni beba í, na nnde á ɓɔngá.

Ɓakɔlɔsái 4:5

Mbenɔ bui nde ɓoodondana na ɓakpa íɓunde ɓáná ɓaɓêki, ɛ́ɓɔnisani ɓɔ tambea nde akeni.

1 Ɓatɛsalɔníka 5:22

Téani ɓojeɗe bui.

1 Timɔtɛ́ɔ 3:7

Goto, ɓunde ɓáná ɓakiísito ɓádigimisɛ nyɔngɔ nɛkɛ ánjá ka gea, ɓákámɓɛnjiɛgɛmbɛ na tá ka mɛ̌kɔ ndea nketi.

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.

1 Pɛ́tɛɛ 3:1

A phɔtɔ ɓó ka ɓenu ɓake, ɔ́ɓɔ́kani ɓamunyanu. Nga, nanga ka ɓɔ sɔsɔɓɛ aɓɔ ɓákáoɓeekea nyɔngɔ á Mokonga, ɓǒɓoteande ka tambea anu ánjá kángá ngoɗea aɓɔ ka nyɔngɔ,