1 Ɓatɛsalɔníka 4:1 - Ɔngana á Kɛ̌kɛ

¹ Cɔ, ɓaya, ka sungiaga, ɓɛnɔphɛí ye nyɔngɔ á tambea nde aɔmɓɔngɛa Mokonga. Ɗoni, ɓotambi tɔndɔ ɓó. Kɛ̌kɛnde gǎkɛ, ɓɛnɔmɛmi na ɗengemisaga anu k'ína á Mɔkɔta Yéso gea, ɓótetemisɛ phɔtɔ tambea ndɔ ánjá phɛɛ.

1 Ɓatɛsalɔníka 4:1 Iomraidhean Croise

Yoáni 15:2

Aotena ntabi bui nnde ajúkani n'eme na nnaɔgɔmba. A gǎkɛ ɔɓɔngisiaga nnde aɔgɔmba ka gea te, ágɔmbɛ goto phɛɛ.

Ekuma á ɓateki 20:27

Nga, ɗɛ́nɔphɛí base mɔphɛ á Mokonga kángá sɔmɛanu ú.

Ɓalɔ́ma 8:8

Ɓakpa nde ɓáoɓea tambea á ɓɔ á kokpa, ɓákáɔtɔka na ɓámɓɔngɛi Mokonga.

1 Ɓakɔlítɔ 11:23

Cɔ, nnde ande ɓɔphɛi nde ɗɛ́tɔi ka Mɔkɔta, na a tɔ unge ɗɛ́nɔtɔ̌mi. Kǐpha ndɔ, ɗáɓántɔgi Mɔkɔta Yéso, ɗábɛɗi mokati,

1 Ɓakɔlítɔ 15:1

Ɓaya, nekondi goto nénókanisiɛ Mbino-Ánjá nde ɗénɔtɔ̌migi. Ɗóɓoɓeeki ú, na ka kɛ̌kɛnde, ɓo phɔ́tɔ oamba ú.

1 Ɓakɔlítɔ 15:58

Kaɓondɔ, ɓadani ékondi, mamani na ɓukpɛkpɛ, ɓóósimbiɛ. Tútuisani ekuma ndea Mɔkɔta esa bui. Úbani phɔtɔ gea, ekuma nɛnu ka Mɔkɔta nna jǎi.

2 Ɓakɔlítɔ 10:1

Eme Pɔ́lɔ, nenóɗengemisigi na ɓɔphɔngɔ ka ɓonjánja ndea Kiísito. Ɓakpa ɓáomogea te, ne aphɔngɔ mbenɔ nde ne sɔsɔɓɛ anu. Ne gǎkɛ nkae mbenɔ nde ne ɗanga na ɓenu.

2 Ɓakɔlítɔ 13:11

Cɔ, ɓaya, ɓójiga ye. Ɓáni na maseye, ókakamisani ka ɓá kángá ɓojeɗe, ógbagisagani ngǔngu anu, ɔ́kanani na měma mo, ikani ka ɓujɛjɛ. Mpɔ, Mokonga, mɛna-ekondi na ɓujɛjɛ, aɓande kimoci na ɓenu.

2 Ɓakɔlítɔ 5:9

Kema nde ɓe gǎkɛ okáɓa k'ama mosá-mosá, ande ékondisaga na yɛ, nanga ɓéɓá na nyama ndee kaɓɛ ɗeketana ně.

2 Ɓakɔlítɔ 6:1

Cɔ, ɓesu íɓundɔ ɓɛɔbɛɗanaga kimoci na Mokonga, ɓenóɗengemisigi gea, ɓókóɓɛnjiɛgɛmbɛ ɓonjánja-ékondi nde Mokonga anóphi.

Ɓagalatía 6:1

Ɓaya, aoɓá nkpa n'angí ka ɓojeɗe, akeni ɓenu íɓundɔ ɓona Měma á kanga ɓojeɗe ɓɔ́mphɛɛ́ na ɓǒtea akɛ k'aphe ánjá. Geani tɔ ka phɔakɛ ɓó na ɓɔphɔngɔ. Óambani ka gea, ɓókóngiɛmbɛ mɔnɔ sisanu ka tombaga.

Ɓaɛphɛ́sɔ 4:1

Cɔ, eme aámbé ɓámomaki ka mekakɔ ka nyɔngɔ á bɛɗaneaga Mɔkɔta. Ɓî a ɓó, nenóɗengemisigi ɓe: Tambeani ɓíndɔ akeni ka mɔphani ndea Mokonga.

Ɓaɛphɛ́sɔ 4:20

Ɓenu gǎkɛ, nna ɓondɔ unge ɗáɓánógoisigi ka nyɔngɔ á Kiísito.

Ɓaɛphɛ́sɔ 5:17

Kaɓondɔ unge, ɓókóbóbókɛmbɛ, úbani ndiu ánjá mɔphɛ á Mɔkɔta.

Ɓaphilípi 1:27

Ɓî a ɓó, tambeani tɔ ɓíndɔ akeni ka Mbino-Ánjá ndea Kiísito. Geani tɔ ɓó, ka gea te, nanga nébika k'aphe á ɔnjia anu, nanga kébiki, nɛɔ́kande nyɔngɔ anu gea, ɓomame akpɛ suɓi á ɓeekea na měma mo, na manisa kimoci na měma moci ka ɓeekea nde aesukíí ka Mbino-Ánjá.

Ɓaphilípi 1:9

Cɔ, ɛmɛmi nɛmɔ ka Mokonga a ɓe: Ekondani nɛnu áɓikɛ phɛɛ, ɓóúbaphɛ na ɓá na kɔɓɔɔngɛ phɛɛ

Ɓaphilípi 3:14

Cɔ, neoga mbangɔ na ka ɓî nejúande na nsungɔ ka gea, nɛ́tɔɛ ɛkɔmi nde Mokonga asɔɔphanei na koba k'aphe ndea Kiísito Yéso.

Ɓakɔlɔsái 1:10

Kaɓondɔ, ɓoendande ɓíndɔ Mokonga akondi na gea kema nde aɔmɓɔngɛa Mɔkɔta. Ɓoɓande ɔtɔtɔkisa ekuma ɗanga-ɗanga ánjá na engekisa á Mokonga ánjá phɛɛ.

Ɓakɔlɔsái 2:6

Cɔ, ɓî ɓomɓeeki Mɔkɔta Yéso Kiísito, júkanani na yɛ ka enda anu.

1 Ɓatɛsalɔníka 3:12

Mɔkɔta ánotúmisɛ phɔtɔ n'ekondi ka ɓakpa ɓea mboso n'atúmi na iɓo, áoɗǔkanaga. Mpɔ, ekondi nɛnu áokengeana n'índeasu ka ɓenu.

1 Ɓatɛsalɔníka 4:2

Cɔ, ɓoúbi ye ɓɔphɛi nde ɗéɓenóngoɗi k'ína á Mɔkɔta Yéso.

1 Ɓatɛsalɔníka 5:12

Ɓaya, ɓɛnɔmɛmi, ɔ́ɓɔ́kani ɓakpa nde ɓáɔmbɛɗaneaga Mokonga akpɛ ka ɔlɔ anu. Nga, Mokonga ěbisi gǔ anu ka phɛá anu.

2 Ɓatɛsalɔníka 1:3

Ɓaya, akeni ɓénsegɛ Mokonga esa bui ka phɔa anu. Aánjá ɓegeɛ ɓó nga, ɓeekea nɛnu aɔmɔta phɛɛ, na ekondani nɛnu ɓenu ɓɔbu, nkpa na nkpa ka dakɛ amɔti phɔtɔ phɛɛ.

2 Ɓatɛsalɔníka 2:1

Ɓaya, ka nyɔngɔ á ja á Mɔkɔta nɛsu Yéso Kiísito na dondanaga asu na yɛ, ɓenóɗengemisigi gea,

2 Ɓatɛsalɔníka 3:1

Cɔ, ɓaya, ka sungiaga, mɛmani Mokonga ka phɔasu ka gea, nyɔngɔ ndea Mɔkɔta ákamisɛgɛ ndandá, na ɓáɗokomisɛ phɔtɔ ú ɓíndɔ ɓooɗokomisa mɔtɛ-anu.

2 Ɓatɛsalɔníka 3:13

Ɓaya, ɓenu gǎkɛ, ɓókóɛlɛ́ mɔnɔ ka gea ɓonjánja.

1 Timɔtɛ́ɔ 5:21

Nekososi base mosá á Mokonga na mosá á Kiísito Yéso, na ɓamalaéka á kanga ɓojeɗe gea, amba ɓɔphɛi ndee: Mbenɔ nde ɔɔbɛɗanaga, bɛɗanaga kángá oɓayɔ, phɔtɔ kángá egami ka nkpa.

2 Timɔtɛ́ɔ 4:1

Cɔ, Timɔtɛ́ɔ, nekososi base mosá á Mokonga na Kiísito Yéso, mmbé atenaeka nyɔngɔ ndea ɓakpa nde ɓáku na ɓunde ɓáoenda, ka sɛnɛka akɛ ka koɓoamɛ nɛkɛ:

Ɓaɛbulanía 11:6

Cɔ, kángá á ɓeekea nna na nkpa nde aɔtɔka n'ěkondisigi na Mokonga. Nkpa nde áombîmisia akeni áɓeekeɛ gea te, Mokonga a ɓei. A phɔtɔ ǒphenda ɓundɔ ɓáonkáɓa.

Ɓaɛbulanía 13:16

Ɓókoɓoseɛmbɛ phɔtɔ geana á ɓonjánja na engana sɔsɔɓɛ anu, ka nyɔngɔ nde ɔphɛ́ɔ ɓíndɔ unge áɔmɓɔngɛa Mokonga.

Ɓaɛbulanía 13:22

Ɓaya, nenóɗengemisigi ɔ́kani nyɔngɔ nde á gbagisaga měma anu nga, kénóɗundui nyɔngɔ endǎ.

2 Pɛ́tɛɛ 3:18

Cɔ, mɔtani ka ɓonjánja-ékondi na úbapha ndea Mɔkɔta na Namisi nɛsu Yéso Kiísito. Yɛ, áɓɛ na ɓoombia, kɛ̌kɛnde na ka saga na saga. Áɓɛ ɓó.

1 Yoáni 3:22

Yɛ aosopha kema bui nde ɓɛɔmɛma, ka nyɔngɔ nde, ɓeoamba ɛɔphi nɛkɛ, na tɔtɔkisa á kema nde amɓɔngɛi.