1 Ɓatɛsalɔníka 3:6 - Ɔngana á Kɛ̌kɛ

⁶ Kɛ̌kɛnde gǎkɛ, Timɔtɛ́ɔ asódondi ɓî atóki mɔtɛ-anu. Asɔtɔ̌migi nyɔngɔ ánjá, ndea kondana anu na ɓî ɓo phɔ́tɔ omɓeekea Kiísito. Ɓo phɔtɔ osókanisia esa bui na měma ánjá. Ɓóokonda dondana na ɓesu, ɓea bî ɓe phɔtɔ okonda dondana na ɓenu.

1 Ɓatɛsalɔníka 3:6 Iomraidhean Croise

Ekuma á ɓateki 16:1

Pɔ́lɔ áojua ka Dɛ́ɛbɛ mbusa á wa, áɔtɔngana na Lísta. Wa, ɗátú na ngoigi moci ina akɛ Timɔtɛ́ɔ. Amakɛ ɗátú Moyúda mɓêki. Abakɛ ɗátú gǎkɛ nɛkɛ Mogiíki.

Ekuma á ɓateki 18:1

Mbusa índɔ, Pɔ́lɔ áotóka ka Atɛ́nɛ, áoga na Kɔlítɔ.

Ekuma á ɓateki 18:5

Mbenɔ nde Síla na Timɔtɛ́ɔ ɓájú ka toka na Makɛdɔnía, Pɔ́lɔ â gǎkɛ ǒyamea buakɛ ka phɛá nyɔngɔ á Mokonga. Áǒengekisia Ɓayúda gea, Yéso ande Kiísito.

1 Ɓakɔlítɔ 11:2

Nenósegi ka nyɔngɔ nde ɓoomokanisia ka nyɔngɔ bui, phɔtɔ ɓooamba ɓɔphɛi nɛmɔ ɓíndɔ ɗénóphɛí.

1 Ɓakɔlítɔ 13:13

Kɛ̌kɛnde, kema isaɔ nde aunge aikande: ɓeekea, nseɓeɔ na ekondi. Nnde anyɛ́nyi gǎkɛ bui ande ekondi.

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

Ɓaphilípi 1:8

Mokonga ande nɗigimisi nɛmɔ, nenókondi phɛɛ n'ekondi ndea Kiísito Yéso.

Ɓakɔlɔsái 1:4

Cɔ, ɗɛ́ɓɛɔ́ki ɓî ɓomɓeeki Kiísito Yéso, na ɓǒkondi ɓakpa ndea Mokonga ɓɔbu.

Ɓakɔlɔsái 4:18

Eme Pɔ́lɔ aámbé neɗundu na njaga ani nsesɔ nde ka ɓenu: Ɓókoɓoseɛmbɛ gea, ne ka mekakɔ. Cɔ, ɓonjánja-ékondi ndea Mokonga áɓɛ na ɓenu.

1 Ɓatɛsalɔníka 1:3

K'ɛ́mɛmi kau, ɓeonókanisia mosá á Abasu Mokonga. Nga, ɓeoúba ɓî ɓɔtɔtɔkisi ekuma ásii ka nyɔngɔ nde, ɓomɓeeki, ɓóonkonda. Ɓo phɔtɔ na ɓukpɛkpɛ phɛɛ ɓî ɓonseɓei Mɔkɔta nɛsu Yéso Kiísito.

1 Ɓatɛsalɔníka 2:17

Ɓaya, ɓesu ɓateki gǎkɛ, nanga ɓî ɗéɓekatanigi ka mbenɔ ábɔa ka keongi, ɓékékatanigi ka měma. Kaɓondɔ, ɗéɓetú na mɔphɛ ángbó á ɔna anu goto.

1 Ɓatɛsalɔníka 2:9

Ɓaya, ɓoúba ɓî ɗéɓeɔbɛɗanaga akpɛ phɛɛ mɔtɛ-anu, keiphe n'esa gea te, ɓékénóɗokomaneɛ mɔnɔ, mbenɔ nde ɗéɓeɔ́nɔtɔmiaga Mbino-Ánjá ndea Mokonga.

1 Ɓatɛsalɔníka 3:7

Cɔ, ɓaya, ɓî Timɔtɛ́ɔ asɔtɔ̌migi ɓó, měma asu aphɔngi, nanga ɓî ɗéɓetambigi phɛɛ. Eya, ɓeekea nɛnu ámamɛ akpɛ.

2 Ɓatɛsalɔníka 1:3

Ɓaya, akeni ɓénsegɛ Mokonga esa bui ka phɔa anu. Aánjá ɓegeɛ ɓó nga, ɓeekea nɛnu aɔmɔta phɛɛ, na ekondani nɛnu ɓenu ɓɔbu, nkpa na nkpa ka dakɛ amɔti phɔtɔ phɛɛ.

1 Timɔtɛ́ɔ 1:5

Cɔ, cina á ɓɔphɛi nɛmɔ wani, ande bikisa ékondi nde aotóka suɓi á měma ánjá, úbapha ánjá na ɓeekea nde nna na maibe.

2 Timɔtɛ́ɔ 1:3

Neonsega Mokonga, mmbé nɛɔmbɛɗaneaga na měma ánjá ɓíndɔ ɓatatɛ ɗáɓátúogea. Ne phɔtɔ onsega mbenɔ nde neokokanisia k'ɛ́mɛmi nɛmɔ keiphe n'esa kángá sungiaga.

Philɛmɔ́nɔ 1:5

Nga, nɛɔɔ́ka mbino á ekondi na ɓeekea nɛkɔ nde oně ka Mɔkɔta Yéso na ka ɓaɓêki ɓɔbu.

Ɓaɛbulanía 13:3

Ókanisiani ɓato á mekakɔ. Ókuiani ngomi ɓíndɔ ɗóɓotú phɔtɔ oɓá kimoci na ɓɔ ka mekakɔ. Ókuiani phɔtɔ ngomi, ɓunde ɓáǒtambisaga, ɓíndɔ ɗóɓotú phɔtɔ otambaga kimoci na ɓɔ.

Ɓaɛbulanía 13:7

Ókanisiani ɓakɔta nɛnu á k'ama mosá-mosá ɓunde ɗáɓánoúbisi nyɔngɔ ndea Mokonga. Ianagani ka phɔa á kema nde ɗáɓátɔtɔkisi ka enda aɓɔ. Mɓeekeani Mokonga ɓea ɓɔ.

1 Yoáni 3:23

Ɛɔphi nɛkɛ aungee: Ɓéɓeekeɛ ina á Anakɛ Yéso Kiísito, na kondana ngǔngu asu ɓíndɔ ɗásósosi.