1 Ɓatɛsalɔníka 3:3 - Ɔngana á Kɛ̌kɛ

³ Timɔtɛ́ɔ anoambi gea te, ka ɓenu kaɗeketɛmbɛ ɓeekea á Mokonga ka nyɔngɔ á ɓakpa tambisaga akɛ. Ɓo gǎkɛ oúba gea, tambisaga ndɔ a tɔ moangɔ ndea Mokonga ka ɓesu.

1 Ɓatɛsalɔníka 3:3 Iomraidhean Croise

Lóka 21:12

Cɔ, mosá índɔ bui, ɓánodungande gǎkɛ na tambisaga anu. Ɓánobisande ka njaga á ɓateni-nyɔngɔ á k'éndu á madondanɔ ndea Ɓayúda ka nyɔngɔ á Mokonga na makea anu ka mekakɔ. Ɓánomámisande mosá á ɓaamɛ na ɓakɔta á ntanga-nji ka nyɔngɔ á ina ani.

Yoáni 16:2

Nga, ɓánoɓeagande k'éndu á madondanɔ ndea Ɓayúda ka nyɔngɔ á Mokonga. Aɓande na mbenɔ nde ɓundɔ ɓánomande, ɓákanisiande gea, ɓáɔmbɛɗaneaga Mokonga.

Yoáni 16:33

Netónongoɗi nndɔ bui ka gea, ɓóɓɛ na ɓujɛjɛ ka jukana anu n'eme. Ɓotambagande ka mokonda. Cɔ, ɓáni gǎkɛ na nténdé, ne ye kíndí mokonda.»

Ekuma á ɓateki 14:22

Ɓî ɗáɓáotamba ka nji ndɔ bui, ɓáogbagisaga měma á ɓagoigi gea, ɓáendɛ ka ɓeekea nɛɓɔ. Ɓáǒgea te: «Akeni ɓásotambisɛgɛ phɛɛ mosá á ngia asu ka koɓoamɛ ndea Mokonga.»

Ekuma á ɓateki 2:25

Nga, moamɛ Daúdi ɗáengekisi nyɔngɔ nɛkɛ gea: ‹Ɗɛ́ɔmɔna Mɔkɔta Mokonga mosá ani mbenɔ bubui, ka nyɔngɔ nde, aka njaga ani á mǔku, ka gea kéemanɛgɛ.

Ekuma á ɓateki 21:11

áosóbikia. Áɔbɛɗa angeɗe ndea Pɔ́lɔ, áǒɓóaga ně k'écinji na ka njaga, áogea: «Měma á kanga ɓojeɗe agi ɓe: Ɓende unge Ɓayúda á ka Yɛusalɛ́ma ɓámɓóagande mɛna-angeɗe ndee, ɓáombisa ka njaga á ɓakpa nde ɓáná Ɓayúda.»

Ekuma á ɓateki 21:13

Pɔ́lɔ â gǎkɛ ososikisia te: «Eke nde ɓoogámea na dɔɓɔkisa á měma ani ně ɓende? Kéɓeeki tɔ ɓóaga ani, neɓeeki phɔtɔ gǎ kuwa na Yɛusalɛ́ma ka nyɔngɔ á Mɔkɔta Yéso.»

Ekuma á ɓateki 9:16

Eme gǎkɛ, nemphangiande tambisaga bui nde ɓángeande ně ka nyɔngɔ ani.»

Ɓalɔ́ma 5:3

Nanga ɓéotambaga, ɓena maseye nga, ɓeoúba gea, tambaga aobikisa moíngí,

1 Ɓakɔlítɔ 15:58

Kaɓondɔ, ɓadani ékondi, mamani na ɓukpɛkpɛ, ɓóósimbiɛ. Tútuisani ekuma ndea Mɔkɔta esa bui. Úbani phɔtɔ gea, ekuma nɛnu ka Mɔkɔta nna jǎi.

1 Ɓakɔlítɔ 4:9

Nga, neokanisia te, Mokonga ɗásobisi ɓesu ɓateki ɓato á mbusa phɛɛ. Ɓáosotanga ɓea ɓakpa nde ɓáteni nyɔngɔ nɛɓɔ akpɛ ka kukuwa. K'índɔ unge ɓato á ka mokonda bui na ɓamalaéka ɓá ye tɔ osotangaaga.

Ɓaɛphɛ́sɔ 3:13

Kaɓondɔ unge, nɛnɔmɛmi gea, ɓɔ́kɔɛlɛmbɛ ɓî ne ka tambaga ka nyɔngɔ anu. Nndɔ bui a tɔ kanu.

Ɓaphilípi 1:28

Ɓókǒɓangɛmbɛ tanda ɓaɓiɓia nɛnu. Ka ɓɔ, nndɔ ande mphangiɔ á ɓungaga aɓɔ, na ka ɓenu, nndɔ ande mphangiɔ á ɓoamia nɛnu ka měma, nnde Mokonga atɔtɔkisi.

Ɓakɔlɔsái 1:23

Cɔ, Akeni tɔ ɓósuiɛ ɓeekea, ɓóodokoɗeɛ ka měma kángá á ɗeketa á nseɓeɔ nde ɗɔ́ɓɔtɔí mbenɔ nde ɗɔ́ɓɔɔ́ki Mbino-Ánjá. Eme Pɔ́lɔ, nende mbɛɗanigi ka tɔ̌miaga í ka mokonda bui.

1 Ɓatɛsalɔníka 5:9

Nga, Mokonga ɗákásɔɔphani gea, esúia nɛkɛ ásóguiɛ. Ɗásɔɔphani ndiu gea, ɓéɓɛ na ɓoamia á ka měma, ka nyɔngɔ ékuma ndea Mɔkɔta nɛsu Yéso Kiísito.

2 Ɓatɛsalɔníka 1:4

Kaɓondɔ unge, ɓeǒbeba ka phɔanu mosá á ɓato á kanisa ndea Mokonga ka nyɔngɔ á moíngí nɛnu na ɓeekea nɛnu suɓi á tambaga bui na kema ájeɗe phɛɛ nde ɓosuɓi í.

2 Timɔtɛ́ɔ 1:8

Cɔ, kokuwɛmbɛ na soni ka ɗigimisa á nyɔngɔ ndea Mɔkɔta nɛsu. Kokuwɛmbɛ phɔtɔ na soni ka phɔani ímbe ne ka mekakɔ ka nyɔngɔ akɛ. Tambaga ndiu na eme kimoci ka nyɔngɔ á Mbino-Ánjá nga, Mokonga aámbé akophi ɓukpɛkpɛ.

1 Pɛ́tɛɛ 2:21

Ka nyɔngɔ índɔ unge Mokonga ɗánɔɔphani nga, Kiísito ɗátambigi phɔtɔ ka phɔa anu, áonóɗeketea mphangiɔ ka gea, ɓóɓeɛ angá akɛ.

Mphaniɔ 2:10

Cɔ, koɓangɛmbɛ gǎkɛ tambaga nde akodondande. Ka nyɔngɔ nde, Nketi aemakeande ɓakpa ɓuangbo sɔsɔɓɛ anu ka mekakɔ ka tombaga anu. Akondi engekisa á ɓukpɛkpɛ á ɓeekea nɛnu. Otambagande gǎkɛ ɓ'esa nkama (10). Cɔ, ɓá tɔ mɓêki á ɗoni na ɓî ogande okuwa, na eme, nɛkɔkɔmande na kekombó á enda á mɛyɔ.

Mphaniɔ 2:13

Neoúba ɔma nde oiki. Wa unge ande kankaanga á koɓoamɛ ndea Sɛtáni. Nanga a ɓó, otétemisi tɔ ɓeekea ani kángá á ngana á ɓeekea ndɔ. Oɓɛ, kóɗeketi ɓeekea ani mbenɔ nde ɗáɓámowe Antípa, nɗigimisi nɛmɔ á ɗoni mɔtɛ-anu, ɔma nde Sɛtáni aiki.