1 Ɓatɛsalɔníka 3:2 - Ɔngana á Kɛ̌kɛ

² ɓéonótekisia Timɔtɛ́ɔ k'aphe á gbagisa anu ka měma na phɛá anu gea te, ɓɔ́mɔtɛ ka ɓeekea á Mokonga. Yɛ ande dasu mbɛɗanigi ékuma ndea Mokonga. A phɔtɔ ɔɛmbisa Mbino-Ánjá ndea Kiísito.

1 Ɓatɛsalɔníka 3:2 Iomraidhean Croise

Ekuma á ɓateki 16:1

Pɔ́lɔ áojua ka Dɛ́ɛbɛ mbusa á wa, áɔtɔngana na Lísta. Wa, ɗátú na ngoigi moci ina akɛ Timɔtɛ́ɔ. Amakɛ ɗátú Moyúda mɓêki. Abakɛ ɗátú gǎkɛ nɛkɛ Mogiíki.

Ekuma á ɓateki 16:5

Měma á ɓato á ka kanisa áoɓá na ɓukpɛkpɛ ka ɓeekea. Esa bui, ɓaɓêki ɓáǒyamea.

Ekuma á ɓateki 18:5

Mbenɔ nde Síla na Timɔtɛ́ɔ ɓájú ka toka na Makɛdɔnía, Pɔ́lɔ â gǎkɛ ǒyamea buakɛ ka phɛá nyɔngɔ á Mokonga. Áǒengekisia Ɓayúda gea, Yéso ande Kiísito.

Ɓalɔ́ma 16:21

Dani mbɛɗanigi Timɔtɛ́ɔ anósesi, ɓaɓɔkɔtiamɔ: Lukíɔ, Yasɔ́ni na Sɔsipatɔ́ɔ ɓanosambei phɔtɔ.

1 Ɓakɔlítɔ 3:10

Ka ɓeana na egabɔ nde Mokonga ɗámopi, ɗébisi ɛtɛ á kpanga á mɔphɛkɔ ɓea mphɛki anjánjá. Nkpa ɓaangbo áɔphɛka gǔ í. Cɔ, nkpa na nkpa éɛnjiɛ gǎkɛ ánjá, k'etéte á mɔphɛkɔ nde aɔphɛka.

1 Ɓakɔlítɔ 4:17

Kaɓondɔ unge, nenteki Timɔtɛ́ɔ mɔtɛ-anu. Yɛ, ande miki nɛmɔ ékondi n'ande nto á tambea ánjá suɓi á ɓeekea á Mɔkɔta. Yɛ, anokanisiande moangɔ nde neoɓea ka enda ani na Kiísito nga, nndɔ unge nɛɔphɛa ɔma bui ka kanisa bui.

2 Ɓakɔlítɔ 1:1

Ka ɓato á kanisa ndea Mokonga, ɓunde ɓá ka Kɔlítɔ, na ka ɓaɓêki ɓɔbu á ka Akáya, sambani! Eme nteki Pɔ́lɔ aámbé neɗundu ɓaoɓa nde kimoci na Timɔtɛ́ɔ. Nende nteki nde ɓa Kiísito Yéso ka nyɔngɔ á mɔphɛ á Mokonga.

2 Ɓakɔlítɔ 1:19

Nga, Muna-Mokonga Yéso Kiísito mmbé eme Pɔ́lɔ, Timɔtɛ́ɔ na Síla ɗɛ́ɓɛnɔtɔ̌mi nyɔngɔ akɛ, ɗákábiki ka nyɔngɔ á ɓeekea kaɓɛ yá á nyɔngɔ. Suɓi akɛ a ndiu tɔ ɗoni.

2 Ɓakɔlítɔ 2:12

Cɔ, ka kiɗia ani ka Tɔ́a ka tɔ̌miaga á Mbino-Ánjá ndea Kiísito, ɗɛ́ɔni gea, Mɔkɔta ɗámokoɗei aphe ka bɛɗanaga kó.

2 Ɓakɔlítɔ 2:13

Měma ani ɗákátú gǎkɛ na ɓujɛjɛ nga, ɗékéndondi muna-amasu Títɔ. Kaɓondɔ unge ɗɛ́ɔku ɓato á ka Tɔ́a, néoga na Makɛdɔnía.

2 Ɓakɔlítɔ 8:23

Títɔ ande phɔtɔ dani. Nɛɔbɛɗanaga kimoci na yɛ ka ɓenu. Ɓadasu íɓundɔ ɓáge na yɛ, kanisa unge aéteki, ɓáɔbɛɗanaga ka ɓoombia á Kiísito.

Ɓaphilípi 1:25

Ɓî neengekisi ye nndɔ, néoúba gea, neendande, néoika na ɓenu ɓɔbu. Mpɔ, ɓóoga mosá ka ɓeekea na ɓá na maseye.

Ɓakɔlɔsái 1:1

Ka ɓaɓêki á ka Kɔlɔsái, sambani! Eme Pɔ́lɔ nteki nde ɓa Kiísito Yéso ka mɔphɛ ndea Mokonga aámbé neɗundu ɓaoɓa ndee kimoci na dasu Timɔtɛ́ɔ.

Ɓakɔlɔsái 1:7

Epáphaa dasu mbɛɗanigi ékondi, yɛ aámbé ɗánogoisigi. Yɛ, ande mbɛɗanigi nɛnu ka Kiísito ka ɗoni.

Ɓakɔlɔsái 4:12

Epáphaa mmbé a phɔtɔ ɓ'anu, anósesi. Ande mbɛɗanigi nde ɓa Kiísito Yéso. Yɛ, aopúa na mɛma á Mokonga na moíngí ka nyɔngɔ anu gea te, ɓókakamanɛ na mɔtaga ka měma, ɓósuiɛ gea kema bubui ka mɔphɛ ndea Mokonga.

Ɓakɔlɔsái 4:9

Yɛ, ɓáge na Ɔnɛsímɔ. Ɔnɛsímɔ ande dasu ékondi, na muna-amasu anjánjá. Yɛ, ande ɓ'anu. Ɓɔ, ɓánóngoɗeagande nyɔngɔ bui nde aɔnyɛ́nya wani.

1 Ɓatɛsalɔníka 3:13

Mɔkɔta anóphi ekondi ndɔ, ka mɔtisaga á měma anu gea te, ɓóɓɛ na měma ánjá phɛɛ, kángá kisɛki, mosá á Abasu Mokonga. Aɓáeka tɔ ɓó, k'ésa ndɔ Mɔkɔta nɛsu Yéso Kiísito abikaeka kimoci na ɓato á kanga ɓojeɗe nɛkɛ. Áɓɛ ɓó!

1 Ɓatɛsalɔníka 3:5

Kaɓondɔ unge, ɓî ɗékétɔki phiphia á ɓondeaga, kángá á engekisa á ɓeekea nɛnu, ɗénotekisíí Timɔtɛ́ɔ. Nga, ɗéɓángi gea, Ndemigi kanótombɛgɛ mɔnɔ, mmbe ekuma nɛsu mɔtɛ-anu akuwande ecici.

2 Ɓatɛsalɔníka 2:17

ánóphɛ ɓukpɛkpɛ, na mamisa anu akpɛ esa bui k'ékuma ánjá, nanga á ɓá kaɓɛɗanaga, nanga á ɓá ka yɔnga.