1 Ɓatɛsalɔníka 3:12 - Ɔngana á Kɛ̌kɛ

¹² Mɔkɔta ánotúmisɛ phɔtɔ n'ekondi ka ɓakpa ɓea mboso n'atúmi na iɓo, áoɗǔkanaga. Mpɔ, ekondi nɛnu áokengeana n'índeasu ka ɓenu.

1 Ɓatɛsalɔníka 3:12 Iomraidhean Croise

Matáyɔ 22:39

Ɛɔphi á ko iɓɛ nnde akengeani ně ande: ‹Nkonda dakɔ ɓíndɔ ǒkondi sisakɔ.›

Matáyɔ 7:12

Ógeeani phɔtɔ ɓakpa ɓonjánjá bui ɓíndɔ ɓokondi ɓánogeeɛ. Nndɔ ungɔ ande cina ɛ́ɔphi ndea Mósa na cina á ɓuku ndea ɓaɔtu-nyɔngɔ ndea Mokonga.

Lóka 17:5

Ɓateki ɓáongoɗea Mɔkɔta gea: «Yamea ɓeekea nɛsu.»

Ɓalɔ́ma 13:8

Kákeni ɓá na nyɔngɔ na ká ɓakpa na nna tɔndɔ ekondani nga, mmbé ankondi nkpa ɓaangbo, atɔtɔkisi ɛɔphi.

2 Ɓakɔlítɔ 9:10

Mokonga aámbé aomopha ngubi mbó na eea nde aoea. Mokonga anóphande phɔtɔ mbó bui nde ɓona siki í na mɔtisa í mpɔ ɓonjánja nɛnu áɔgɔmbisa mbuka ásii.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

Ɓaphilípi 1:9

Cɔ, ɛmɛmi nɛmɔ ka Mokonga a ɓe: Ekondani nɛnu áɓikɛ phɛɛ, ɓóúbaphɛ na ɓá na kɔɓɔɔngɛ phɛɛ

1 Ɓatɛsalɔníka 2:8

Nga, ɗéɓetú na siki anu phɛɛ. Kaɓondɔ unge, ɗéɓenɔ́tɔ̌migi Mbino-Ánjá ndea Mokonga. Nna tɔndɔ nndɔ, ɓê phɔtɔ oɓá na mɔphɛ á kuia anu. Eya, ɗéɓenókondi phɛɛ.

1 Ɓatɛsalɔníka 4:1

Cɔ, ɓaya, ka sungiaga, ɓɛnɔphɛí ye nyɔngɔ á tambea nde aɔmɓɔngɛa Mokonga. Ɗoni, ɓotambi tɔndɔ ɓó. Kɛ̌kɛnde gǎkɛ, ɓɛnɔmɛmi na ɗengemisaga anu k'ína á Mɔkɔta Yéso gea, ɓótetemisɛ phɔtɔ tambea ndɔ ánjá phɛɛ.

1 Ɓatɛsalɔníka 5:15

Óengani phɛɛ gea, nkpa kansikisiɛ mɔnɔ dakɛ ɓojeɗe. Ɓógeanɛ ndiu ɓonjánja. Geani phɔtɔ ɓó ka ɓakpa ɓɔbu.

2 Ɓatɛsalɔníka 1:3

Ɓaya, akeni ɓénsegɛ Mokonga esa bui ka phɔa anu. Aánjá ɓegeɛ ɓó nga, ɓeekea nɛnu aɔmɔta phɛɛ, na ekondani nɛnu ɓenu ɓɔbu, nkpa na nkpa ka dakɛ amɔti phɔtɔ phɛɛ.

Yakɔ́ɓɔ 1:17

Nga, nkɛɓɛa bui, n'egabɔ ánjá bui aotóka na koba mɔtɛ á Mokonga, Nconji á owanga á na koba. Yɛ nnaǒketia ɓea iii á kema n'aǒgaiaga.

2 Pɛ́tɛɛ 1:7

gǔ á tambea ánjá mosá á Mokonga, ɓóyameɛ ekondi á komunamema na gǔ ékondi á komunamema, ɓóyameɛ ekondi.

2 Pɛ́tɛɛ 3:18

Cɔ, mɔtani ka ɓonjánja-ékondi na úbapha ndea Mɔkɔta na Namisi nɛsu Yéso Kiísito. Yɛ, áɓɛ na ɓoombia, kɛ̌kɛnde na ka saga na saga. Áɓɛ ɓó.