1 Ɓatɛsalɔníka 3:11 - Ɔngana á Kɛ̌kɛ

¹¹ Cɔ, ɛmɛmi nɛsu ande gea, Abasu Mokonga na Mɔkɔta nɛsu Yéso Kiísito, ásókoɗeɛ aphe á dondana asu na ɓenu.

1 Ɓatɛsalɔníka 3:11 Iomraidhean Croise

Matáyɔ 6:14

Nga, aoɓá n'oími ɓojeɗe nde ɓakpa ɓákogǐí, Abakɔ ímbɔ ana koba, aímande phɔtɔ ɓojeɗe nɛkɔ.

Matáyɔ 6:18

ka gea ɓakpa ɓákáúbɛmbɛ gea te oiki kángá á eaga ka nyɔngɔ á mɛma á Mokonga. Abakɔ sisakɛ mmbɔ á kó ka ɓɔsɔmɛa aúbande. Abakɔ mmbé aɔɔna kema nde oogea ka ɓɔsɔmɛa, akophendande.

Matáyɔ 6:26

Ɔ́ɛnjiani phɔ́ ɓambǔ á ka mpɛna! Ɓánáokonanaga, ɓánáoɗungua, ɓánáobisa eea k'égbóngbó. Abanu mmbé á na koba a gǎkɛ kǒisa. Cɔ, ɓenu ɓɔ́kɔ́ɛnyɛ́nyi phɔ́?

Matáyɔ 6:32

Ɓato á kanga ɓeekea ɓáunge ɓáokaɓaga kema ndɔ bui. Abanu mmbɔ á na koba aoúba kema bui nde ɓo na siki í.

Matáyɔ 6:4

Ambe ɔpha á ɓato á ɓuyɛnɛ kema ka ɓɔsɔmɛa, mpɔ Abakɔ mmbɔ aɔɔna kema nde oogea ka ɓɔsɔmɛa, akophendande.

Matáyɔ 6:6

Oɓɛ gǎkɛ, aoɓá n'ogea ɔ́mɛmɛ, ngia suɓi éndu nɛkɔ, óphatiɛ kǐo, ɔ́mmɛmɛ abakɔ mmbé a kó ka ɓɔsɔmɛa. Abakɔ mmbɔ aɔɔna kema ndɔ oogea ka ɓɔsɔmɛa, akophendande.

Málikɔ 1:3

Nkpa moci áoaba n'ɛsɔ akpɛ ka nkanda ɓe: ‹Ɓɔngisiagani aphe ndea Mɔkɔta! Mamisani k'akɛ aphe kau dɛ!›»

Lóka 12:30

Nga, ɓato á ka mokonda ɓunde ɓánáomúba Mokonga ɓáunge ɓáotambeaga kema ndɔ bui. Abanu a gǎkɛ oúba kema nde ɓona siki í.

Lóka 12:32

Miki á nsamba á ɓamɔgɔgɔ nɛmɔ, ɓókoɓɛmbɛ na kɔɓɔɓɔkɔ! Nga Abanu ana siki á opha anu koɓoamɛ nɛkɛ.

Yoáni 20:17

Mpɔ, Yéso áongoɗea: «Kómodungɛmbɛ! Nga, kétáimbɛ mɔtɛ á Abɛ. Gǎ ndiu óngoɗeɛ ɓana-ayi gea, netái mɔtɛ á Abɛ, mmbé a phɔtɔ Abanu, mɔtɛ á Mokonga nɛmɔ, mmbé a phɔtɔ Mokonga nɛnu.»

Ɓalɔ́ma 1:3

Mbino ndɔ a ka phɔa anakɛ mmbé ka kokpa akɛ ɗáɓɔkɔtɛani k'ékombo ndea moamɛ Daúdi;

2 Ɓakɔlítɔ 6:18

Neɓande abanu, ɓoɓande baseka na ɓaganda nɛmɔ. Mmbé ayɔngi nndɔ, ande Mokonga Mɛna-Ɓukpɛkpɛ.»

Ɓagalatía 1:4

Kiísito yɛ sisakɛ aámbé ɗábiki osókuia ka amisa asu ka ɓojeɗe ka gea, ásophúiɛ ka ɓojeɗe á ka mokonda nde á kɛ̌kɛ ɓíndɔ Abasu Mokonga ɗákondi.

Ɓakɔlɔsái 1:2

Ɓaoɓa nde, ɓenóɗundui ɓenu ɓato á Mokonga ɓunde ɓo ka Kɔlɔsái, ɓenu ɓadasu íɓunde ɓɔɔngani ɗoni na Kiísito. Abasu Mokonga ánophɛ ɓujɛjɛ na ɓonjánja-ékondi.

1 Ɓatɛsalɔníka 3:13

Mɔkɔta anóphi ekondi ndɔ, ka mɔtisaga á měma anu gea te, ɓóɓɛ na měma ánjá phɛɛ, kángá kisɛki, mosá á Abasu Mokonga. Aɓáeka tɔ ɓó, k'ésa ndɔ Mɔkɔta nɛsu Yéso Kiísito abikaeka kimoci na ɓato á kanga ɓojeɗe nɛkɛ. Áɓɛ ɓó!

1 Ɓatɛsalɔníka 4:16

Nga, ɓɛɔ́kande ɛsɔ ángbó, á mɔphani, ɛsɔ á malaéka, n'ɛsɔ á mbengu ndea Mokonga. Mpɔ, Mɔkɔta sasakɛ atókande na koba, áodida. Mbusa, ɓakpa nde ɗáɓásí na ɗáɓámɓeeki Kiísito, ɓájujukande ka kukuwa mosá-mosá.

1 Ɓatɛsalɔníka 5:23

Mokonga, Mɛna-ɓujɛjɛ, ánophɛ měma ánjá phɛɛ, áambɛ enda anu bui, ka gea, měma anu, úbapha anu na nyama anu, áikɛ kángá á ɓojeɗe na ka ɓî Mɔkɔta nɛsu Yéso Kiísito asɛnɛkaeka.

2 Ɓatɛsalɔníka 2:16

Ambe Mɔkɔta nɛsu Yéso Kiísito sasakɛ, n'Abasu Mokonga, mmbé ɗásókondi, áosógbagisaga ka měma ka ɓonjánja-ékondi nɛkɛ ka saga na saga na opha asu nseɓeɔ ánjá,

2 Ɓatɛsalɔníka 3:16

Ambe Mɔkɔta mɛna-ɓujɛjɛ, yɛ sasakɛ ánóphɛ ɓujɛjɛ esa bui na ka kema bui. Áɓɛ na ɓenu ɓɔbu.

2 Ɓatɛsalɔníka 3:5

Ambe Mɔkɔta ánɔsɔndɔɛ ka měma k'ékondi nde ɓoně ka Mokonga na ka phiphia nde Kiísito aosópha.

1 Yoáni 3:1

Cɔ, ɔnani phɔ́ ɓî Abɛ Mokonga asokondi! Aɔsɔɔphana ɓ'anakɛ, n'ande ɗoni ɓende ɓana-Mokonga. Ɓato á ka mokonda ɓáná gǎkɛ osoúba ka nyɔngɔ nde, ɓánáomúba Mokonga.

Mphaniɔ 21:3

Nɛ́ɔɔ́ka ɛsɔ akpɛ n'aotóka ka kankaanga á kɔkɔta na koba áɔyɔnga ɓe: «Ɔma á ɓoiki ndea Mokonga a ye tɔ sɔsɔɓɛ á ɓakpa. Yɛ, aikande kimoci na ɓɔ, ɓáoɓá ɓakpa nɛkɛ. Mokonga sasakɛ, aɓande Mokonga nɛɓɔ, áoɓá kimoci na ɓɔ.