1 Ɓatɛsalɔníka 2:9 - Ɔngana á Kɛ̌kɛ

⁹ Ɓaya, ɓoúba ɓî ɗéɓeɔbɛɗanaga akpɛ phɛɛ mɔtɛ-anu, keiphe n'esa gea te, ɓékénóɗokomaneɛ mɔnɔ, mbenɔ nde ɗéɓeɔ́nɔtɔmiaga Mbino-Ánjá ndea Mokonga.

1 Ɓatɛsalɔníka 2:9 Iomraidhean Croise

Lóka 18:7

Ande gea, Mokonga kátenɛku gǎkɛ nyɔngɔ ndea ɓakpa nɛkɛ, ɓundɔ aɛsɔmbu, ɓî ɓáogáma mosá akɛ keiphe n'esa? Aphiphiande kángá enga aɓɔ?

Lóka 2:37

Mbusa índɔ, áojiga nke á kekusa na ka ɓî ɗájúsi ɓasaga nkama ngianjaga isaɔ na gena (84), n'a tɔ ɔbɛɗanaga k'éndu á Mokonga keiphe n'esa. Ɗáɔmɛma na ikaga kángá á eaga ka nyɔngɔ á mɛma á Mokonga.

Ekuma á ɓateki 18:3

Áoika mɔtɛ-aɓɔ n'aɔbɛɗanaga nga, ekuma nɛɓɔ ɗátú á etéte moci, n'ande á ɓɔngisiaga á ɛma.

Ekuma á ɓateki 20:24

Enda ani nna gǎkɛ na kantíti. Kema nde ana kantíti k'éme ande gea, négɔɓɛɛ ánjá tamba na tɔtɔkisa ekuma nde Mɔkɔta Yéso ɗámopi gea, nɛ́phɛɛ base Mbino-Ánjá á ɓonjánja-ékondi ndea Mokonga.

Ekuma á ɓateki 20:31

Cɔ, ɛngɛphani na ɓókoɓoseɛmbɛ gea ka ɓasaga ɓasaɔ keiphe n'esa ɗékéɗeketi phɛá ka nkpa ka ɔlɔ anu na iɓo á ngamɔ.

Ɓalɔ́ma 1:1

Ka ɓaɓêki ndea ka Lɔ́ma, sambani. Cɔ, eme Pɔ́lɔ mbɛɗanigi ndea Kiísito Yéso aámbé neɗundu ɓaoɓa ndee. Mokonga ɗámɔɔphani ka gea néɓɛ nteki, ɗámɔsɔmbu ka tɔ̌miaga Mbino-Ánjá nɛkɛ.

Ɓalɔ́ma 15:16

ka ɓá mbɛɗanigi ndea Yéso Kiísito ka phɔa ɓakpa ɓunde ɓáná Ɓayúda. Nɛɔbɛɗanaga ekuma á ntoɓeigi-phɛ́a ka tɔ̌miaga Mbino-Ánjá ndea Mokonga ka gea, ɓunde ɓáná Ɓayúda ɓáɓɛ ɓea ɛkɔmi nde Měma á kanga ɓojeɗe asokosei.

Ɓalɔ́ma 15:19

Nga, mphangiɔ na ketangaɔ ɗanga-ɗanga nde ɗátɔtɔkisi ka njaga ani, ɗáphangi ɓukpɛkpɛ ndea Měma á Mokonga. Na ɓukpɛkpɛ ndɔ tɔ, ɗénetɔ̌migi Mbino-Ánjá ndea Kiísito ɔma bui kpanga ka Yɛusalɛ́ma súa ntanga-nji á ka Ililíkɔ.

1 Ɓakɔlítɔ 4:12

Ɓɛɔbɛɗanaga akpɛ phɛɛ na njaga asu sasasu. Mbenɔ nde ɓakpa ɓáosóbóma, ɓê gǎkɛ ǒbisia njaga. Mbenɔ nde ɓakpa ɓáosótambisaga, ɓê gǎkɛ odakana.

1 Ɓakɔlítɔ 9:15

Cɔ, eme, ɗékénɔmɛmi gǎkɛ gea ɓómoengɛ ka ɓeana n'índɔ bui. Kéɗundu ɓó ka gea, nɛɔnɔmɛma ɓómoengɛ. Nétókondi nékuwɛ na nkpa na ka moyeyi ka phɔa á nyɔngɔ nde neǒbeba ně.

1 Ɓakɔlítɔ 9:18

Cɔ, ophendɔ nɛmɔ ande kema sina? Ande tɔ̌miaga á Mbino-Ánjá kángá óphendɔ. Nɛɔtɔmiaga Mbino-Ánjá kángá á mɛma gǎkɛ ka kema nde amokeni ně.

1 Ɓakɔlítɔ 9:4

Ande gea, kétɔki mɛma anu kema á koea na á konoa ee?

2 Ɓakɔlítɔ 11:27

Ɗétambigi k'ékuma ásii, ɗɛ́phɛigi tɔ̌, néokuwa na nja n'ɛnyɔta, néoikaga kángá á eaga ka nyɔngɔ á mɛma Mokonga, néoɓá na phiɔ na ɓá na ɓuyɛnɛ á ngɔ́mbɛ.

2 Ɓakɔlítɔ 11:9

Ɓî ɗétú mɔtɛ-anu, nna na nkpa nde ɗátú omogabea kema nde ɗétú na siki í. Ɓadani ɓaɓêki á ka Makɛdɔnía ɓáunge ɗáɓáomobikia na nkumba bui nde ɗéna siki í. Ɗékébisi ɓoɗoko ani ka ɓenu na kébisɛku.

2 Ɓakɔlítɔ 6:5

Ɗáɓásóɓindi na makea asu ka mekakɔ, ɓakpa ɓáosobikisia oyombɔ, ekuma áosóphûmisa, ɓékéɓɛ na tɔ̌ k'íso na ika kángá eaga ka nyɔngɔ á mɛma Mokonga.

Ɓaphilípi 4:16

Eya, ɓî ɗétú na Tɛsalɔníka, ɗóɓomoengi mɔngɔ ásii, na kema nde ɗétú na siki í.

1 Ɓatɛsalɔníka 1:3

K'ɛ́mɛmi kau, ɓeonókanisia mosá á Abasu Mokonga. Nga, ɓeoúba ɓî ɓɔtɔtɔkisi ekuma ásii ka nyɔngɔ nde, ɓomɓeeki, ɓóonkonda. Ɓo phɔtɔ na ɓukpɛkpɛ phɛɛ ɓî ɓonseɓei Mɔkɔta nɛsu Yéso Kiísito.

1 Ɓatɛsalɔníka 2:2

Ɓoúbi phɔtɔ gea, mosá á kiɗia asu mɔtɛ-anu, ɗáɓásótambisigi phɔ́ na bóma asu ka Philípi. Mɔtɛ-anu phɔtɔ, Mokonga ɗásóphi ɓukpɛkpɛ á phɛá á Mbino-Ánjá nɛkɛ. Ɗéɓegi ɓó, nanga ɓî ɗáɓásóyé.

1 Ɓatɛsalɔníka 2:6

Ɓéké phɔtɔ okáɓa obebɔ ka ɓakpa, kaɓɛ ka ɓenu, kaɓɛ ka ɓakpa ɓuangbo.

1 Ɓatɛsalɔníka 3:10

Keiphe n'esa, ɓeonɗengemisaga Mokonga gea, ɓégɛ ɓɛ́nɔɔnɛ goto, ɓɛ́gɔɓɛɛ tɔ̌miaga anu, nyɔngɔ bui á ɓeekea a Kiísito.

1 Timɔtɛ́ɔ 1:11

Ɓɔphɛi ndɔ a suɓi á Mbino-Ánjá nnde ɗámopi nɛ́tɔ̌miɛgɛ ú, n'atóki ka Mokonga, mɛna-ɓoombia na ɓonjánja.

1 Timɔtɛ́ɔ 4:10

Cɔ, kaɓɛ na ɓeotambaga na ɓeomana, ande ka gea, ɓebisi nseɓeɔ nɛsu ka Mokonga mmbé ana enda, mmbé ande Namisi á ɓakpa ɓɔbu na Namisi phɛɛ á ɓunde ɓáɓeeki.

1 Timɔtɛ́ɔ 5:5

Nke á kekusa ímbɔ nna na nkpa ɗoni k'ékombo ka enga akɛ, anseɓei mɔɔ tɔ nɛkɛ Mokonga. Yɛ, aɔmmɛma Mokonga keiphe n'esa kángá ɗeketa na bisa á mɔphɛ akɛ ka Mokonga.

2 Timɔtɛ́ɔ 1:3

Neonsega Mokonga, mmbé nɛɔmbɛɗaneaga na měma ánjá ɓíndɔ ɓatatɛ ɗáɓátúogea. Ne phɔtɔ onsega mbenɔ nde neokokanisia k'ɛ́mɛmi nɛmɔ keiphe n'esa kángá sungiaga.