1 Ɓatɛsalɔníka 2:2 - Ɔngana á Kɛ̌kɛ

² Ɓoúbi phɔtɔ gea, mosá á kiɗia asu mɔtɛ-anu, ɗáɓásótambisigi phɔ́ na bóma asu ka Philípi. Mɔtɛ-anu phɔtɔ, Mokonga ɗásóphi ɓukpɛkpɛ á phɛá á Mbino-Ánjá nɛkɛ. Ɗéɓegi ɓó, nanga ɓî ɗáɓásóyé.

1 Ɓatɛsalɔníka 2:2 Iomraidhean Croise

Ekuma á ɓateki 14:3

Pɔ́lɔ na Baanába, ɓâ gǎkɛ oika kó esa ásii. Ɓáosuia tɔ̌miaga á nyɔngɔ á Mɔkɔta kángá á ngǎka na seɓea akɛ. Mɔkɔta â koopha ɓukpɛkpɛ á tɔtɔkisa ketangaɔ na mphangiɔ ásii. Nndɔ unge aengekisi ɓɔphɛi á ɓonjánja-ékondi nɛkɛ gea ande ɗoni.

Ekuma á ɓateki 14:5

Ɓayúda na ɓunde ɓáná Ɓayúda, na ɓakɔta nɛɓɔ, ɓâ gǎkɛ osuia tambisaga Pɔ́lɔ na Baanába, na mowa aɓɔ ka ɓɛtaga aɓɔ n'ɛtɛ.

Ekuma á ɓateki 16:12

Tóka á wa, ɓéojua ka Philípi, ntanga-nji ángbó á k'ama mosá-mosá á ka Makɛdɔnía nnde Ɓalɔ́ma ɗáɓátúmi kau. Kó, ɓéoɗa ɓ'esa ábɔa.

Ekuma á ɓateki 16:19

Ɓî ɓakɔta nɛkɛ ɓáɔni gea nseɓeɔ á ɛtɔi nɛɓɔ aɓúngi, ɓáǒdunga Pɔ́lɔ na Síla, ɓáǒɓota k'ɔ́ma ángbó á madondanɔ, ɓáǒbisa ka ntua mosá á ɓateni-nyɔngɔ.

Ekuma á ɓateki 16:37

Pɔ́lɔ â gǎkɛ ǒngoɗea ɓato á émani ndɔ te: «Ɓásoɓindisi ka ntanga kángá á yɔngisa nyɔngɔ nɛsu, ɓáosómakisa ka mekakɔ, na ɓende gǎkɛ Ɓalɔ́ma. Cɔ, kɛ̌kɛnde, ɓákondi ɓásojuanisɛ ka ɓɔsɔmɛa ka ɓo? Ɓɛɛndɔ. Ɓakɔta ɓáunge ɓábikɛ ɓásojuanisɛ ndiu tɔ sasaɓɔ.»

Ekuma á ɓateki 17:1

Pɔ́lɔ na Síla ɓáɔnyɛ́nya k'aphe á ntanga-nji Amphipɔ́li na Apɔlɔnía, ɓáojua ka Tɛsalɔníka, ɔma nde endu á madondanɔ ndea Ɓayúda ka nyɔngɔ á Mokonga ɗátú.

Ekuma á ɓateki 17:17

Cɔ, suɓi éndu á madondanɔ ndea Ɓayúda ka nyɔngɔ á Mokonga, áoaba na Ɓayúda na ɓaɓángi-Mokonga ɓunde ɓáná Ɓayúda. Ɗá phɔtɔ ogea ɓó na ɓakpa nde ɗáǒdonda ka mosomba esa bui.

Ekuma á ɓateki 19:8

Cɔ, Pɔ́lɔ ɗáongiaga k'éndu á madondanɔ ndea Ɓayúda ka nyɔngɔ á Mokonga. Ka ɓasonge ɓasaɔ ɗáɔphɛa na ɓukpɛkpɛ nyɔngɔ á koɓoamɛ ndea Mokonga. Yɛ, ɗá gǎkɛ opúa na ɓɔ, áokonda gea ɓakpa ɓáɓeekeɛ ú.

Ekuma á ɓateki 4:13

Ɓakpa nde ɗáɓá ka ntua ndɔ, ɓáoyayama phɛɛ ɓî ɓɛ́ɓɔni Pɛ́tɛɛ na Yoáni na ɓáɔyɔnga kángá á kɔɓɔɓɔkɔ, na úba gea ɗáɓátú ɓato á jǎi-jǎi, ɓundɔ ɗáɓákángi ka kaasi. Ɓáoúba phɔtɔ gea, ɓɔ ɗáɓátú na Yéso.

Ekuma á ɓateki 4:20

Nga, ɓesu ɓékéɔtɔka ɗeketa á yɔnga á kema nde ɗɛ́ɓɛɔni, na nnde ɗɛ́ɓɛɔ́ki.»

Ekuma á ɓateki 4:31

Ɓî ɓágɔɓi ye ɛmɛmi, ɔma nde ɓádondanigi aoémanaga. Wa, ɓáotúma ɓɔbu na Měma á kanga ɓojeɗe, mpɔ ɓáɔtɔmiaga nyɔngɔ á Mokonga kángá kɔɓɔɓɔkɔ.

Ekuma á ɓateki 5:41

Mbusa í, ɓateki ɓáojuana ka ntua ángbó á ɓɔphɛi na maseye. Nga Mokonga ɗáɔni ánjá ɓáɛtɛbɛɛgɛ na ɓátambɛgɛ k'ína á Yéso.

Ɓalɔ́ma 1:1

Ka ɓaɓêki ndea ka Lɔ́ma, sambani. Cɔ, eme Pɔ́lɔ mbɛɗanigi ndea Kiísito Yéso aámbé neɗundu ɓaoɓa ndee. Mokonga ɗámɔɔphani ka gea néɓɛ nteki, ɗámɔsɔmbu ka tɔ̌miaga Mbino-Ánjá nɛkɛ.

2 Ɓakɔlítɔ 3:12

Ɓî ɓena nseɓeɔ ndɔ, aunge ɓebisi měma asu phɛɛ kau.

Ɓakɔlɔsái 2:1

Nekondi gǎkɛ ɓóúbɛ ɓî nɛɔbɛɗanaga akpɛ ka phɔanu, ka phɔa ɓaɓêki á ka Laɔdikía na ka phɔa ɓakpa ɓɔbu ɓunde ɓákámɔɔnimbɛ mɔnɔ.

1 Ɓatɛsalɔníka 1:5

A ɓó, ka nyɔngɔ nde, ɓî ɗɛ́ɓɛnɔ́tɔ̌migi Mbino-Ánjá ndea Mokonga, ɗáná tɔndɔ ka yɔnga, ɗátú ndiu ka ɓukpɛkpɛ ndea Měma á kanga ɓojeɗe. Ɗéɓebisi měma asu kau gea, ande ɗoni. Ɓoúbi phɔtɔ tambea asu ɓî ɗéɓeiki sɔsɔɓɛ anu, na ɗátú ánjá ka ɓenu.

2 Timɔtɛ́ɔ 1:12

Ka nyɔngɔ índɔ unge neotambaga kau. Ké gǎkɛ na soni í nga, neomúba mmbé ɗémɓeeki. Neengekisi gea, yɛ aámbé ana ɓukpɛkpɛ á amba kema nde ɗámopi na ka ɓî ajaeka.

Yúda 1:3

Cɔ, ɓadani ékondi, ɗétú na mɔphɛ phɛɛ á ɗunduia anu nyɔngɔ á ɓoamia á ka měma, nnde ɓesu ɓɔbu ɓeɓeeki. Nɛɔni gǎkɛ ánjá nénoɗunduiɛ ka opha anu ɓukpɛkpɛ ka měma, ɓóúniɛ ɓeekea nde Mokonga ɗéɓophi ɓakpa nɛkɛ mɔngɔ ímoci.