1 Ɓatɛsalɔníka 2:19 - Ɔngana á Kɛ̌kɛ

¹⁹ Cɔ, mbenɔ á ja á Mɔkɔta nɛsu Yéso Kiísito, ani mmbé aɓande nseɓeɔ na maseye nɛsu, kaɓɛ na nna tɔndɔ ɓenu? Eya, ɓenu ɓáunge ɓoɓande kekombó nɛsu k'ébeba ně mosá akɛ.

1 Ɓatɛsalɔníka 2:19 Iomraidhean Croise

Matáyɔ 16:27

Cɔ, Muna-Nkpa, abikande ka ɓophombia ndea Abɛ, kimoci na ɓamalaéka nɛkɛ. Mpɔ, amphendande nkpa na nkpa ka ɓeana na tambea akɛ.

Málikɔ 8:38

Aoɓá nkpa n'aku na soni ka phɔani na ka phɔa ɓɔphɛi nɛmɔ mosá á ɓakpa á k'ɛ́ɓɔkɔti nde, nga ɓánde ɓato á ɓojeɗe na ɓakpa nde ɓán'ye Mokonga, eme Muna-Nkpa nenkuiande phɔtɔ soni esa nde nebikaeka ka ɓoombia ndea Abɛ Mokonga kimoci na ɓamalaéka á kanga ɓojeɗe.»

Yoáni 21:22

Yéso áonsikisia: «Kaɓɛ na nekondi gea áendɛ na ka ɓî nebikande, nɛkɔ kau ande eke? Oɓɛ, ómoɓeá!»

1 Ɓakɔlítɔ 15:23

Cɔ, ɓejujukande gǎkɛ nkpa na nkpa ka mbenɔ nɛkɛ. Kiísito aámbé ɗájujúki ka kukuwa, ande ánge, mpɔ, ɓakpa nɛkɛ k'ésa nde yɛ abikaeka.

1 Ɓakɔlítɔ 4:5

Kaɓondɔ, ɓókótenɛ mɔnɔ nyɔngɔ ndea nkpa mosá á mbenɔ nde ɗáɓábisi. Mɓondeani Mɔkɔta ájɛ, Yɛ aámbé abisande base kema nde ɓásɔ̌mi ka keiphe, na bisa á base mosenda á ɓɔsɔmɛa á suɓi á měma á ɓakpa. Mpɔ, Mokonga ambebande nkpa na nkpa ɓíndɔ ankeni ně.

2 Ɓakɔlítɔ 1:14

ɓî ɓoɗigimisi nyɔngɔ nɛmɔ ábɔa, ɓoúbande bui suɓi á ɓaoɓa ndee. Kaɓondɔ unge, esa nde Mɔkɔta nɛsu Yéso abikaeka, ɓoɓande na ɓosegi ka ɓesu, ɓíndɔ ɓeɓande ně ka ɓenu.

Ɓaphilípi 2:16

ka tɔ̌mia aɓɔ Nyɔngɔ á endisa. Kaɓondɔ unge neɓande na éɗokomisa ka nyɔngɔ anu esa á ja á Kiísito nga, ekuma na tambaga nɛmɔ bui kátókuwɛeka jǎi.

Ɓaphilípi 4:1

Ɓadani ékondi, ne goto na siki á ɔna anu phɛɛ. Nena maseye ka phɔanu na ka nyɔngɔ anu unge néǒbeba. Ɓadani ékondi, ɓî a ɓó, mamani akpɛ ɓî ɓo kimoci na Mɔkɔta.

1 Ɓatɛsalɔníka 2:20

Nga, ɓonde cina á ɓoombia na maseye nɛsu.

1 Ɓatɛsalɔníka 3:13

Mɔkɔta anóphi ekondi ndɔ, ka mɔtisaga á měma anu gea te, ɓóɓɛ na měma ánjá phɛɛ, kángá kisɛki, mosá á Abasu Mokonga. Aɓáeka tɔ ɓó, k'ésa ndɔ Mɔkɔta nɛsu Yéso Kiísito abikaeka kimoci na ɓato á kanga ɓojeɗe nɛkɛ. Áɓɛ ɓó!

1 Ɓatɛsalɔníka 4:15

Cɔ, wani, ɓeonóngoɗea ɓɔphɛi nde Mɔkɔta nɛsu ɗásɔtɔ̌mi. Ɓesu íɓundɔ Yéso asódondande na ɓe phɔ́tɔ ka mokonda, ɓékéɛmɛɛku ɓakpa nde ɗáɓásí mosá.

1 Ɓatɛsalɔníka 5:23

Mokonga, Mɛna-ɓujɛjɛ, ánophɛ měma ánjá phɛɛ, áambɛ enda anu bui, ka gea, měma anu, úbapha anu na nyama anu, áikɛ kángá á ɓojeɗe na ka ɓî Mɔkɔta nɛsu Yéso Kiísito asɛnɛkaeka.

2 Ɓatɛsalɔníka 1:4

Kaɓondɔ unge, ɓeǒbeba ka phɔanu mosá á ɓato á kanisa ndea Mokonga ka nyɔngɔ á moíngí nɛnu na ɓeekea nɛnu suɓi á tambaga bui na kema ájeɗe phɛɛ nde ɓosuɓi í.

2 Ɓatɛsalɔníka 1:7

Cɔ, ɓenu íɓunde ɓootambaga, Mokonga anóphande muumbiɔ kimoci na ɓesu mbenɔ nde Mɔkɔta Yéso asɛnɛkande. Atókande na koba, kimoci na ɓamalaéka nɛkɛ ɓunde ɓána ɓukpɛkpɛ.

2 Ɓatɛsalɔníka 2:1

Ɓaya, ka nyɔngɔ á ja á Mɔkɔta nɛsu Yéso Kiísito na dondanaga asu na yɛ, ɓenóɗengemisigi gea,

Títɔ 2:13

Ɓeogea ɓó, ka ɓondea á maseye nde ɓeseɓei, na ɔna á ɓoombia ndea Mokonga nɛsu angbóngbó na Namisi nɛsu Yéso Kiísito mbenɔ nde asɛnɛkande.

Yakɔ́ɓɔ 5:7

Cɔ, ɓaya, phiphiani na ka ɓî Mɔkɔta abikande. Bisani kanisia anu ka ngubi ɓî aɔɔ́kanɛaga ɗúngú á mbó á ka ciko nɛkɛ. Yɛ aɔɔ́kanea ɔká á mbua á k'ama mosá-mosá na nnde á ka sungiaga.

Yakɔ́ɓɔ 5:8

Ɓáni phɔtɔ na měma áɗoko ka ɔ́kanea. Ɓáni na nténdé nga, Mɔkɔta a ye tɔ bíbí á bika.

1 Pɛ́tɛɛ 5:4

Mbenɔ ndɔ Mɔkɔta á ɓaambi-etuge asɛnɛkande, ɓɔtɔande kuku á ɓoombia nde ɓonjánja í nna osía.

2 Pɛ́tɛɛ 1:16

Cɔ, mbenɔ nde ɗéɓenóúbisi nyɔngɔ á ja á Mɔkɔta nɛsu Yéso Kiísito na ɓukpɛkpɛ nɛkɛ, ɗéɓékébɛɗaneigi egani á jǎi-jǎi, nnde ɓakpa ɓáophusiaga. Ɗɛ́ɓɛɔni ndiu na iso asu sasasu ɓongbóngbó akɛ.

2 Pɛ́tɛɛ 3:4

na yɔnga te: «Mɔkɔta ɗáɔku gea, ajande. Cɔ, yɛ awani? Ka nyɔngɔ nde kpangá á ɓî ɓatatasu ɗáɓáku kala, kema bui a phɔ́tɔ ɓíndɔ ɗátú ka conjá á mokonda!»

1 Yoáni 2:28

Cɔ, ɓaniki amɔ! Kɛ̌kɛnde ikani suɓi á ɔngana na Kiísito ka gea te, esa nde asɛnɛkaeka, ɓéoɓá na nseɓeɔ kángá á kuwa na soni mosá akɛ ka bika akɛ.

Yúda 1:24

Mokonga aɔtɔka ámbá anu ka gea ɓókoguɛmbɛ ka ɓojeɗe na kiɗianisa anu mosá á ɓoombia akɛ kángá kisɛki ka maseye.

Mphaniɔ 1:7

Éngani, Yéso Kiísito aobika k'égugu. Ɓakpa ɓɔbu ɓámɔnande. Ɓunde ɗáɓántúmi n'ekonga, ɓámɔnande phɔtɔ. Ɓato á k'ekuna bui á ka mokonda ɓátaɓokanagande ka nyɔngɔ akɛ. Eya! Áɓɛ ɓó.

Mphaniɔ 22:12

Yéso áɔyɔnga te: «Cɔ, neobika kɛ̌kɛnde! Nebikande n'ophendɔ ka phenda nkpa na nkpa ka ɓeana na nnde ɗági.