1 Ɓatɛsalɔníka 2:17 - Ɔngana á Kɛ̌kɛ

¹⁷ Ɓaya, ɓesu ɓateki gǎkɛ, nanga ɓî ɗéɓekatanigi ka mbenɔ ábɔa ka keongi, ɓékékatanigi ka měma. Kaɓondɔ, ɗéɓetú na mɔphɛ ángbó á ɔna anu goto.

1 Ɓatɛsalɔníka 2:17 Iomraidhean Croise

Lóka 12:58

Aoɓá na ɓoge na mɓiɓia nɛkɔ ka ntua á tena nyɔngɔ, akeni ókaɓɛ aphe á ɔkana na yɛ na ɓɔ phɔ́tɔ k'aphe ka gea, kakojusɛmbɛ ka ntua á ɓateni-nyɔngɔ nga, ɓákobisande ka njaga á mɔkɔta, yɛ áokomakisa ka mekakɔ.

Lóka 22:15

Áǒngoɗea gea: «Netókondi phɛɛ néeɛgɛ Pasáka nde kimoci na ɓenu mosá á tambaga ani.

Ekuma á ɓateki 17:10

Ka ipha á esa, mɔngɔ ímoci ɓadaɓɔ ɓaɓêki ɓáoga ɔ̌ɔkɔa Pɔ́lɔ na Síla, ka gǎ á ɓɔ na Bɛlɔ́ya. Ka kiɗia á ɓɔ, ɓáongia suɓi éndu á madondanɔ ndea Ɓayúda ka nyɔngɔ á Mokonga.

Ɓalɔ́ma 1:13

Ɓaya, nekondi ɓóubɛ gea, mɔngɔ ásii ɗéobisa moangɔ á gǎ mɔtɛ-anu, na ka kesande kɛ́tɔtɔkisimbɛ. Cɔ, nekondi néɗunguɛ phɔtɔ mbuka á ka měma mɔtɛ-anu, ɓíndɔ ne phɔtɔ ogea ka ɓakpa nde ɓáná Ɓayúda.

Ɓalɔ́ma 15:23

Cɔ, kɛ̌kɛnde nɛgɔɓi ye ekuma nɛmɔ ka nji ndɔ na ka nyɔngɔ índɔ unge mɔphɛ ani suɓi á ɓasaga ásii amɔ̂ á gǎ mɔtɛ-anu.

1 Ɓakɔlítɔ 5:3

Cɔ, nanga néɓá ɗanga ka nyama, ne tɔ kimoci na ɓenu ka měma. Ka mmbɔ agi ɓojeɗe ndɔ, neteni ye tɔ nyɔngɔ nɛkɛ k'ína á Mɔkɔta nɛsu Yéso, ɓea nkpa nde ne kimoci na ɓenu. Mbenɔ nde ɓodondanagande, neɓande na ɓenu kimoci ka měma, na ɓukpɛkpɛ á Mɔkɔta nɛsu Yéso aɓande phɔtɔ ɓei.

Ɓakɔlɔsái 2:5

Nga, nanga néɓá ɗanga na ɓenu ka nyama, ɓe tɔ kimoci ka měma. Nena maseye ka ɔna ɓî moangɔ nɛnu bui aotamba ánjá mɔtɛ-anu na ɓosui ɓeekea á Kiísito.

1 Ɓatɛsalɔníka 3:6

Kɛ̌kɛnde gǎkɛ, Timɔtɛ́ɔ asódondi ɓî atóki mɔtɛ-anu. Asɔtɔ̌migi nyɔngɔ ánjá, ndea kondana anu na ɓî ɓo phɔ́tɔ omɓeekea Kiísito. Ɓo phɔtɔ osókanisia esa bui na měma ánjá. Ɓóokonda dondana na ɓesu, ɓea bî ɓe phɔtɔ okonda dondana na ɓenu.