1 Ɓatɛsalɔníka 2:16 - Ɔngana á Kɛ̌kɛ

¹⁶ Ɓáokáɓa imisia asu geae, ɓékětɔ̌miɛgɛ mɔnɔ ɓakpa nde ɓáná Ɓayúda nyɔngɔ á ɓoamia á ka měma. Ande gea te, ɓojeɗe nɛɓɔ, nnde á kala, n'índe á kɛ̌kɛ, aɓiki phɛɛ. Cɔ, kɛ̌kɛnde gǎkɛ, esúia ndea Mokonga ědondi.

1 Ɓatɛsalɔníka 2:16 Iomraidhean Croise

Matáyɔ 12:45

Mpɔ, áoga ɔ̌bɛɗa ɓadakɛ ɓansombo ngianjaga iɓɛ (7) ɓunde ɓá ajeɗe phɛɛ kɔnyɛ́nya yɛ. Ɓáobika ongia ɓɔbu kimoci, ɓáoika wa. Nkpa ndɔ aɓande ajeɗe phɛɛ kɔnyɛ́nya mosá. Aɓande phɔtɔ ɓó ka ɓato á k'ɛɓɔkɔti ajeɗe á ka matú ndee.»

Matáyɔ 23:32

Aánjá, suiani tɔ ka gea ɓɔ́gɔɓɛɛ kema ndɔ ɓatatanu ɗáɓákpangi!

Matáyɔ 24:14

Ɓáphɛande Mbino-Ánjá á koɓoamɛ ka Mokonda bui ka gea, ɓakpa ɓɔbu ɓáɗigimisɛ ú. Mpɔ sungiaga áojua.

Matáyɔ 24:6

Ɓoɔ́kande ndu émani bíbí, na mbino émani á ɗanga. Ɓókoɓángɛ mɔnɔ gǎkɛ. Nga, nndɔ bui akeni átɔtɔkɛanɛ. Káɓɛku gǎkɛ sungiaga á mokonda ungɔ.

Matáyɔ 3:12

Yɛ, abɛɗi ungɔ ka njaga akɛ, aɔɓɔngisiaga ɔma. Atundagande nganɔ, áobisa k'égbóngbó nɛkɛ, â gǎkɛ ɔɛkɛkisaga mapɛpɛ í ka nsa nde nnaoimika.»

Málikɔ 16:16

Nkpa nde aɓeekeande, ɓáomɓatisa, yɛ aámbé Mokonga anamisande. Cɔ, mmbé káɓeekeɛku, Mokonga atenande nyɔngɔ nɛkɛ akpɛ.

Ekuma á ɓateki 13:45

Ɓî Ɓayúda ɗáɓáɔni usɛsɛ á ɓakpa ndɔ, ɓáotúma na nsengo, ɓáongana ɓɔphɛi ndea Pɔ́lɔ na bóma akɛ.

Ekuma á ɓateki 13:50

Ɓayúda ɓâ ndiu ǒyombokisa ɓakɔta á nji, na ɓake á koomba ɓundɔ ɗáɓáombeba Mokonga. Ɓɔ, ɓáokpanga tambisaga á Pɔ́lɔ na Baanába, ɓáǒɓeaga ka nji nɛɓɔ.

Ekuma á ɓateki 14:19

Mbusa, Ɓayúda á ka Antiɔkía na Ikɔníɔ, ɓáɔsɔia usɛsɛ á ɓakpa gea ɓágamanɛ na ɓɔ, ɓámmowɛ Pɔ́lɔ ka ɓɛtaga akɛ n'ɛtɛ. Ɓáonga ně ka ngba á ntanga-nji, ɓáokanisia te aku.

Ekuma á ɓateki 14:2

Ɓayúda íɓunde ɗáɓáyé ɓeekea á Yéso, ɓâ gǎkɛ ɔ̌sɔia ɓunde ɓáná Ɓayúda ɓékangeɛ ɓunde ɓámɓeeki Yéso.

Ekuma á ɓateki 14:5

Ɓayúda na ɓunde ɓáná Ɓayúda, na ɓakɔta nɛɓɔ, ɓâ gǎkɛ osuia tambisaga Pɔ́lɔ na Baanába, na mowa aɓɔ ka ɓɛtaga aɓɔ n'ɛtɛ.

Ekuma á ɓateki 17:13

Cɔ, ɓî Ɓayúda á ka Tɛsalɔníka ɓáɔ́ki gǎkɛ gea, Pɔ́lɔ a phɔtɔ ɔphɛa nyɔngɔ á Mokonga ka Bɛlɔ́ya, ɓáɔ̌gɛndɛa kó ka yombokisa na ɗengisa á ɓakpa.

Ekuma á ɓateki 19:9

Ɓuangbo ɓâ gǎkɛ oɗaka kecue, ɓáoyá ɓeekea, ɓáɔɓɛnjiaga aphe á Mɔkɔta Yéso mosá á ɓakpa. Kaɓondɔ, Pɔ́lɔ áokatana na ɓɔ, â tɔ oga na ɓagoigi k'éndu á goaga nde á ka Tiánɔ. Wa, ɗáogoisaga esa bui

Ekuma á ɓateki 21:21

Cɔ, ɓɔ ɓáɔ́ki gǎkɛ ka phɔakɔ te, ǒgoisaga Ɓayúda ɓɔbu ɓunde ɓáiki sɔsɔɓɛ á ɓato á k'ékuna nɛngbo gea, ɓáɗeketɛ amba ɛ́ɔphi ndea Mósa, ɓákěgusɛmbɛ ye ɓaniki nɛɓɔ ganja, phɔtɔ ɓákáɓeɛmbɛ asii ndea Ɓayúda.

Ekuma á ɓateki 23:12

Cɔ, mama í kamɓimba, Ɓayúda ɓuangbo ɓáɔɔ́kana sasaɓɔ ka noa esomba gea, ɓákáeɛgɛku na noa, na ɓákámowembɛ Pɔ́lɔ.

Ekuma á ɓateki 24:9

Ɓayúda ɓâ phɔtɔ osoea nyɔngɔ nɛkɛ gea: «Ande ɗoni.»

Ekuma á ɓateki 25:2

Kó, ɓagbɛga á ɓatobeigi-phɛ́a na ɓagbɛga ndea Ɓayúda, ɓáoga ɔntɔnga Pɔ́lɔ mosá á Phɛ́sitɔ

Ekuma á ɓateki 25:7

Ɓî Pɔ́lɔ ajú, Ɓayúda ɓunde ɓátóki na Yɛusalɛ́ma, ɓáontimba, ɓáɔntɔnga akpɛ phɛɛ. Ɓákatɔkɛ gǎkɛ engekisa á koɗoni á ɓojeɗe nde ɓántɔngi kau.

Ekuma á ɓateki 4:12

A tɔ yɛ aámbé aǒamisa ɓakpa ka měma. Nga, ka mokonda bui nna tanda na ina nde Mokonga aeɓophi ɓakpa n'ana ɓukpɛkpɛ á amisa á ɓɔ ka měma.»

Ekuma á ɓateki 9:23

Mbusa ésa ásii, Ɓayúda ɓâ ndiu ɔɔ́kana gea, ɓámmowɛ.

1 Ɓakɔlítɔ 10:33

Eme Pɔ́lɔ, neókondisaga na ɓakpa ɓɔbu ka nyɔngɔ bui. Kéokáɓa ɓonjánja nɛmɔ sasani, ne ndiu okaɓa ɓonjánja ka ɓakpa ɓɔbu gea te, Mokonga éamisɛ ka měma.

Ɓagalatía 5:11

Ɓaya, k'éme gǎkɛ, aoɓá n'ande ɗoni gea, nɛɔtɔmiaga kantíti á nyɔngɔ á ganja, ámbé ɓátómotambisagande ye goto ka nyɔngɔ éke? Atúoɓá n'a ɓó ámbé tɔ̌miaga á nyɔngɔ á kukuwa á Yéso ka moyangɔ, kátóɓɛku ye nyɔngɔ á kangea ɓakpa.

Ɓaɛphɛ́sɔ 3:13

Kaɓondɔ unge, nɛnɔmɛmi gea, ɓɔ́kɔɛlɛmbɛ ɓî ne ka tambaga ka nyɔngɔ anu. Nndɔ bui a tɔ kanu.

Ɓaɛphɛ́sɔ 3:8

Nende gǎkɛ kusi á ɓaɓêki ɓɔbu. Nanga áɓá ɓó, eme aámbé Mokonga ɗámopi ɓonjánja-ékondi nde ka gea te, nɛ́ɛtɔmiɛgɛ ɓakpa nde ɓáná Ɓayúda, Mbino-Ánjá á ɛtɔi á kanga sungiaga ndea Kiísito.

1 Ɓatɛsalɔníka 1:10

Cɔ, ɓo phɔtɔ omɓondea Anakɛ, mmbé Mokonga ɗánjujúkisi ka ɓasí, n'atókaeka na koba. Ina akɛ ande Yéso, mmbé asóamisi k'esúia ndea Mokonga nnde aobika.

2 Ɓatɛsalɔníka 2:10

Ageande ɓojeɗe á odemayɔ bubui ka dema á ɓakpa ɓunde ɓákeni na ɓungaga nga, ɗáɓákáɓeeki na konda ɗoni nde ɗáɔtɔka amisa aɓɔ ka měma.

1 Timɔtɛ́ɔ 2:4

Nga, yɛ akondi ɓakpa ɓɔbu ɓáamɛ ka měma, ɓáúbɛ ɗoni.

Ɓaɛbulanía 6:8

A gǎkɛ oɓá oɗo ndɔ n'aɔtɛisa mbó ájeɗe n'índe á ngenge-ngenge, oɗo ndɔ nna na kantíti, Mokonga a bíbí á sɛmɛaga í. Sungiaga á í a tɔ toɓoa í.

Mphaniɔ 22:11

Nto-ajeɗe ásuiɛ tɔ ɓojeɗe nɛkɛ, nto á jɔɔkana ásuiɛ tɔ jɔɔkana nɛkɛ, nto-anjánjá gǎkɛ ásuiɛ tɔ gea ánjá na nto á kanga ɓojeɗe ásuiɛ tɔ ika kángá á ɓojeɗe.»