1 Ɓatɛsalɔníka 2:15 - Ɔngana á Kɛ̌kɛ

¹⁵ Ai! Ɓayúda ɗáɓěme ɓaɔtu-nyɔngɔ ndea Mokonga, ɓâ phɔtɔ ommowa Mɔkɔta Yéso. Mpɔ, ɓáosótambisaga ɓesu ɓateki. Ɓakpa ndɔ ɓámɓɛisi Mokonga, ɓáoɓá ɓaɓiɓia á ɓakpa ɓɔbu.

1 Ɓatɛsalɔníka 2:15 Iomraidhean Croise

Matáyɔ 23:37

Yɛusalɛ́ma, Yɛusalɛ́ma! Oɓɛ aámbé ǒmowe ɓaɔtu-nyɔngɔ ndea Mokonga, óǒmowa n'etae ɓunde Mokonga akotekisíí. Mɔngɔ ángaáni nde netókondi dondanisa á ɓakpa nɛkɔ ka mpɛphɛ ani ɓea ama-gbɔ̌kɔ n'aódodanisa ɓ'anakɛ kusi á kepupe akɛ, kókondɛ gǎkɛ.

Matáyɔ 27:25

Ɓakpa ɓɔbu ɓáosikisia te: «Ambe mengombo akɛ áɓɛ gǔ asu na ɓaniki nɛsu!»

Matáyɔ 5:12

Gúani jaí na maseye, ka nyɔngɔ nde ɛkɔmi nɛnu ángbó ana koba. Nga, ɓondɔ unge ɗáɓáetambisigi ɓaɔtu-nyɔngɔ ndea Mokonga á mosá anu.

Lóka 24:20

Cɔ, ɓagbɛga á ɓatoɓeigi-phɛ́a na ɓagbɛga nɛsu ɗáɓántɔgi gea te ákuwɛ, ɓáɔnkɔkɛaga ka moyangɔ.

Ekuma á ɓateki 12:3

Ɓî aɔni gea, nyɔngɔ ndɔ aɛɓɔngɛi Ɓayúda, â phɔtɔ ondungisa Pɛ́tɛɛ. Nndɔ ɗágeani ka maseye á mokati kángá cacu.

Ekuma á ɓateki 2:23

Mokonga ɗámbisi Yéso ka njaga anu ɓíndɔ ɗáúbikani na anga í kala. Ɓômbisa ka njaga á ɓakpa nde ɓákáomúba Mokonga. Ɓakpa ndɔ, ɓáommowa ka kɔkɛaga akɛ ka moyangɔ.

Ekuma á ɓateki 3:15

Ɗóɓonkusi Yéso, mɛna-ɓoamia, Mokonga â gǎkɛ onjujukisa sɔsɔɓɛ á ɓasí. Ɓende ɓaɗigimisi á nyɔngɔ ndɔ bui.

Ekuma á ɓateki 4:10

Ambe ɓenu ɓɔbu na Ɓaisilaɛ́li ɓɔbu, ɓóúbɛ gea, nɗɔti ndɔ aami na amé mosá anu ka ɓukpɛkpɛ á ina á Yéso Kiísito ɓa Najalɛ́ti, mmbɔ ɗóɓonkusi ka moyangɔ. Mokonga anjujúkisi gǎkɛ ka kukuwa.

Ekuma á ɓateki 5:30

Mokonga, mmbé ɓatatasu ɓámbɛɗaneigi, anjujúkisi Yéso mmbɔ ɗóɓonkɔkɛigi gǔ á moyangɔ, ɓóomowa.

Ekuma á ɓateki 7:52

Ka ɓaɔtu-nyɔngɔ ndea Mokonga sina mmbé ɓatatanu ɗáɓákántambisigi? Eya, ɗáɓáemowe ɓundɔ ɗáɓáɔtu kiɗia á mbɛɗanigi nɛkɛ, Nto á koɗoni. Ɓenu gǎkɛ, ɓɔ́ɔntɔnga, ɓóommowa.

1 Ɓakɔlítɔ 10:5

Cɔ, ɓakpa ɓásii sɔsɔɓɛ aɓɔ, ɗáɓákámɓɔngɛi gǎkɛ Mokonga. Kaɓondɔ unge, ɗáɓáku ka nkanda.

2 Ɓakɔlítɔ 11:26

Ka tamba nɛmɔ ɗanga-ɗanga, ɗétambigi ásii phɛɛ: Tɔta na koko ka ɔɓa ka nyɔngɔ á tuma á iɓo phɛɛ, púa na ɓato á oyombɔ, púa na ɓakpa ájeɗe á k'ékuna nɛmɔ na ɓunde á k'ékuna nɛngbo. Ɗéóloki kukuwa ka nji, ka nkanda, ka oɓenge na ka ɔlɔ á ɓadani á mbɛa.