1 Ɓatɛsalɔníka 2:1 - Ɔngana á Kɛ̌kɛ

¹ Ɓaya, ɓoúbi gea, bika asu mɔtɛ-anu ɗákátú ecici.

1 Ɓatɛsalɔníka 2:1 Iomraidhean Croise

1 Ɓakɔlítɔ 15:10

Ka nyɔngɔ á ɓonjánja-ékondi ndea Mokonga, ne ye gǎkɛ ɓíndɔ nekau. Ɓonjánja-ékondi nɛkɛ ndɔ, ɗákátú jǎi, ɗɛ́nɛbɛɗanigi phɛɛ kɔ̌nyɛ́nya ɓateki ɓunɛngbo ɓɔbu. Kɛ́bɛɗanigi gǎkɛ na ɓukpɛkpɛ ani, a ndiu ka ɓukpɛkpɛ á Mokonga, nnde a suɓi ani.

1 Ɓakɔlítɔ 15:2

Mbino-Ánjá ndɔ, ande phɔtɔ aphe á ɓoamia anu ka měma, aoɓá na ɓodungi ánjá ka měma ɓíndɔ ɗénɔtɔ̌mi. Kaɓɛ na nna ɓó, ámbé ɓeekea nɛnu a tɔ jǎi.

1 Ɓakɔlítɔ 15:58

Kaɓondɔ, ɓadani ékondi, mamani na ɓukpɛkpɛ, ɓóósimbiɛ. Tútuisani ekuma ndea Mɔkɔta esa bui. Úbani phɔtɔ gea, ekuma nɛnu ka Mɔkɔta nna jǎi.

2 Ɓakɔlítɔ 6:1

Cɔ, ɓesu íɓundɔ ɓɛɔbɛɗanaga kimoci na Mokonga, ɓenóɗengemisigi gea, ɓókóɓɛnjiɛgɛmbɛ ɓonjánja-ékondi nde Mokonga anóphi.

Ɓagalatía 2:2

Ɗége ko nga, Mokonga aámbé ɗámɔɔphani. Suɓi á madondanɔ ka mpɛphɛ na ɓakɔta á kanisa aunge ɗéněgoisigi Mbino-Ánjá nde nɛɔtɔmiaga sɔsɔɓɛ á ɓunde ɓáná Ɓayúda. Nga, ɗékéokonda gea, ekuma nɛmɔ á kala n'índe á kɛ̌kɛ áɓɛ kángá kantíti.

Ɓagalatía 4:11

Kaɓondɔ, neotambaga ka měma ka nyɔngɔ anu. Neoɓánga gea, ekuma nde bui nɛbɛɗanigi ka phɔanu kakuwɛ mɔnɔ jǎi.

Ɓaphilípi 2:16

ka tɔ̌mia aɓɔ Nyɔngɔ á endisa. Kaɓondɔ unge neɓande na éɗokomisa ka nyɔngɔ anu esa á ja á Kiísito nga, ekuma na tambaga nɛmɔ bui kátókuwɛeka jǎi.

1 Ɓatɛsalɔníka 2:13

Ɓe phɔtɔ onsega Mokonga esa bui, ka nyɔngɔ nde, ɓî ɗéɓenɔ́tɔ̌migi Mbino-Ánjá ndea Mokonga, ɓɔ́ɔɔ́ka, ɓóoɓeekea gea: «Ande nyɔngɔ á Mokonga. Nna nyɔngɔ á kokpa.» Cɔ, ande ɗoni anu. Nga, nyɔngɔ á Mokonga angí ka mɛngɛ anu, ɓenu ɓaɓêki.

1 Ɓatɛsalɔníka 3:5

Kaɓondɔ unge, ɓî ɗékétɔki phiphia á ɓondeaga, kángá á engekisa á ɓeekea nɛnu, ɗénotekisíí Timɔtɛ́ɔ. Nga, ɗéɓángi gea, Ndemigi kanótombɛgɛ mɔnɔ, mmbe ekuma nɛsu mɔtɛ-anu akuwande ecici.

2 Ɓatɛsalɔníka 1:10

Nndɔ, atɔtɔkɛanaeka k'ésa á ja akɛ. Wa, ɓakpa nɛkɛ ɓɔbu ɓunde ɓámɓeeki, ɓánɗokomisaeka, ɓáotangaaga ɓoombia nɛkɛ. Ɓenu phɔtɔ, ɓoɓande sɔsɔɓɛ aɓɔ nga, ɓoɓeeki nyɔngɔ nde ɗéɓenɔtɔ̌mi.

2 Ɓatɛsalɔníka 3:1

Cɔ, ɓaya, ka sungiaga, mɛmani Mokonga ka phɔasu ka gea, nyɔngɔ ndea Mɔkɔta ákamisɛgɛ ndandá, na ɓáɗokomisɛ phɔtɔ ú ɓíndɔ ɓooɗokomisa mɔtɛ-anu.