1 Ɓatɛsalɔníka 1:6 - Ɔngana á Kɛ̌kɛ

⁶ Ɓenu phɔtɔ, ɗóɓoɓǐ tambea asu, n'índe á Mɔkɔta. Ɓô phɔtɔ oɓeekea ɓɔphɛi á Mbino-Ánjá ndɔ, nanga ɓî ɗóɓotambigi phɛɛ ka nyɔngɔ ndɔɔ. Ɗóɓotú ndiu na maseye á Měma á kanga ɓojeɗe.

1 Ɓatɛsalɔníka 1:6 Iomraidhean Croise

Matáyɔ 16:24

Mpɔ Yéso áǒngoɗea ɓagoigi nɛkɛ: «Aoɓá nkpa n'akondi ɓeá ani, ěyɛ sisakɛ, ákumbɛ moyangɔ nɛkɛ, ámoɓeɛ.

Yoáni 8:12

Yéso â goto ǒngoɗea ɓakpa te: «Nende owanga ka mokonda. Mmbé aomoɓea, kátámbɛku tanda ka keiphe, aɓande ndiu na owanga á enda.»

Ekuma á ɓateki 13:52

Cɔ, ɓagoigi á ka Antiɔkía ɓáotúma na maseye, phɔtɔ na Měma á kanga ɓojeɗe.

Ekuma á ɓateki 5:41

Mbusa í, ɓateki ɓáojuana ka ntua ángbó á ɓɔphɛi na maseye. Nga Mokonga ɗáɔni ánjá ɓáɛtɛbɛɛgɛ na ɓátambɛgɛ k'ína á Yéso.

Ekuma á ɓateki 9:31

Ka matú ndɔ, ɓato á kanisa ɗáɓátú na ɓujɛjɛ suɓi á Yudɛ́a bui, Galiláya, na Samalía. Ɓáɔmɔta ka měma na ɓánga á Mɔkɔta, Měma á kanga ɓojeɗe áǒɓikisa phɛɛ.

Ɓalɔ́ma 15:13

Ambe Mokonga mɛna-nseɓeɔ ánotúmisɛ na maseye na ɓujɛjɛ phɛɛ suɓi á ɓeekea ka gea ɓótúmɛ na nseɓeɔ ka ɓukpɛkpɛ ndea Měma á kanga ɓojeɗe.

1 Ɓakɔlítɔ 11:1

Cɔ, ɓeani tambea ani, ɓíndɔ neoɓea nnde á Kiísito.

1 Ɓakɔlítɔ 11:2

Nenósegi ka nyɔngɔ nde ɓoomokanisia ka nyɔngɔ bui, phɔtɔ ɓooamba ɓɔphɛi nɛmɔ ɓíndɔ ɗénóphɛí.

1 Ɓakɔlítɔ 4:16

Kaɓondɔ, nenóɗengemisigi gea, ɓeani tambea nɛmɔ.

2 Ɓakɔlítɔ 6:10

Ɓáɔsɔ́ɓɛisa na ɓe gǎkɛ na maseye esa bui. Ɓáokanisia te ɓende ɓaúki, na ɓendiu ɔ̌tɔisa ɓakpa ɓunɛngbo. Ɓáokanisia te ɓéké na ka kema, na ɓe ndiu na kema bubui.

2 Ɓakɔlítɔ 8:5

Ɓáogaba kɔnyɛ́nya nseɓeɔ nɛsu. Nga, ɗáɓáebisi ka njaga á Mɔkɔta sasaɓɔ. Mpɔ, ɓáoɓeekea nyɔngɔ nɛsu bui ɓíndɔ Mokonga ɗákondi.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓaɛphɛ́sɔ 5:1

Ɓî ɓonde ɓaniki ékondi ndea Mokonga, akeni tambea anu ákengeanɛ na Yɛ.

Ɓaphilípi 3:17

Cɔ, ɓaya, ɓeani tambea ani. Bisani iso anu ka ɓakpa nde tambea aɓɔ akengeani na nnde ɓɔɔna mɔtɛ-asu.

2 Ɓatɛsalɔníka 1:4

Kaɓondɔ unge, ɓeǒbeba ka phɔanu mosá á ɓato á kanisa ndea Mokonga ka nyɔngɔ á moíngí nɛnu na ɓeekea nɛnu suɓi á tambaga bui na kema ájeɗe phɛɛ nde ɓosuɓi í.

2 Ɓatɛsalɔníka 3:7

Nga, ɓo ye oúba sasanu ɓî akeni ɓeá á mphangiɔ nɛsu. Ka nyɔngɔ nde ɗéɓékétú ɓakusi mɔtɛ-anu.

2 Ɓatɛsalɔníka 3:9

Ɗéɓegi ɓó, nna gea ɗéɓékétú na kɔkɔta ka gea ɓósóengɛ. Ɗébekondi ndiu, ɗeketea anu mphangiɔ ka ɓeá á tambea asu.

2 Timɔtɛ́ɔ 4:2

phɛá á Nyɔngɔ á Mokonga na ɓukpɛkpɛ, kaɓɛ mbenɔ ánjá, kaɓɛ mbenɔ ájeɗe. Kea á ɓojeɗe base, imisia, ɓá na měma á phiphia ka gbagisaga á měma á ɓakpa esa bui nde ɔɔphɛa.

Ɓaɛbulanía 10:34

Nga, ɗóɓǒkui ngomi ɓunde ɗáɓátú ka mekakɔ. Ɓô phɔtɔ oɓeekea na maseye utá á nkumba nɛnu ka nyɔngɔ nde ɗóɓooúba gea ɓona ɛtɔi ánjá phɛɛ nnde nnaoújukana.

1 Pɛ́tɛɛ 1:6

Ka nyɔngɔ índɔ bui unge, ɓáni na maseye phɛɛ, nanga kɛ̌kɛnde akeni ɓóɓɛ suɓi á tombaga ɗanga-ɗanga ka mbenɔ ábɔa.

1 Pɛ́tɛɛ 1:8

Cɔ, ɓonkondi Yéso, nanga ɗɔ́ɓɔ́kɔ́mɔni ka yɛ. Ɓomɓeeki, nanga kɛ̌kɛnde ɓɔ́kɔ́ɔmɔna. Kaɓondɔ unge ɓotúmi na maseye ángbó phɛɛ, nnde nkpa nnaɔtɔka n'atɔ̌mi ú.

1 Pɛ́tɛɛ 3:13

Aoɓá na ɓosui gea ánjá, ani mmbé anógeande ájeɗe?

3 Yoáni 1:11

Dani ékondi, kóɓeɛ mɔnɔ tambea ájeɗe, ɓeá ndiu tambea ánjá. Nkpa nde aogea ánjá, ande ɓa Mokonga, mmbé gǎkɛ aogea ájeɗe, nna tanda oúba nyɔngɔ á Mokonga.