1 Ɓatɛsalɔníka 1:3 - Ɔngana á Kɛ̌kɛ

³ K'ɛ́mɛmi kau, ɓeonókanisia mosá á Abasu Mokonga. Nga, ɓeoúba ɓî ɓɔtɔtɔkisi ekuma ásii ka nyɔngɔ nde, ɓomɓeeki, ɓóonkonda. Ɓo phɔtɔ na ɓukpɛkpɛ phɛɛ ɓî ɓonseɓei Mɔkɔta nɛsu Yéso Kiísito.

1 Ɓatɛsalɔníka 1:3 Iomraidhean Croise

Yoáni 14:15

Aoɓá na ɓomokondi, ɓoambande ɛɔphi nɛmɔ.

Yoáni 15:10

Aoɓá na ɓoambi ɛɔphi nɛmɔ, ɓoikande k'ékondi nɛmɔ, ɓíndɔ ɗéambi ɛɔphi ndea Abɛ na ika k'ékondi nɛkɛ.

Ekuma á ɓateki 10:31

Áomongoɗea te: ‹Mokonga aɔ́ki ɛmɛmi nɛkɔ, aokokanisia ka nyɔngɔ á kema nde ǒgabei ɓaúki.

Ekuma á ɓateki 3:19

Cɔ, akeni phɔ́ ɓókětiɛ tambea anu, ɓóopháiɛ ka Mokonga. Mpɔ, áoíma ɓojeɗe nɛnu.

Ɓalɔ́ma 12:12

Ɓáni na maseye ka nyɔngɔ nde ɓoseɓei, ɓáni na měma áɗokǒ suɓi á tambaga. Mɛmani na moíngi ka koɗoni.

Ɓalɔ́ma 15:13

Ambe Mokonga mɛna-nseɓeɔ ánotúmisɛ na maseye na ɓujɛjɛ phɛɛ suɓi á ɓeekea ka gea ɓótúmɛ na nseɓeɔ ka ɓukpɛkpɛ ndea Měma á kanga ɓojeɗe.

Ɓalɔ́ma 15:4

Nyɔngɔ bui nde ɗáɓáɗundu kala suɓi á ɓuku ndea Mokonga, ɗáɓáɗundu ú ka phɛá asu ně, ka opha asu nténdé na měma á phiphia ka gea, ɓéɓɛ na nseɓeɔ ɓíndɔ ɓáosogoisaga suɓi á Ɓuku á Mokonga.

Ɓalɔ́ma 16:26

Kɛ̌kɛnde gǎkɛ, ɓákiɗianisi nyɔngɔ á ɓɔsɔmɛa bui base, ka ɓeana na moangɔ ndea Mokonga Mɛyɔ, ɓíndɔ ɓáɗundu suɓi á ɓuku á ɓaɔtu-nyɔngɔ ndea Mokonga, áǒteka gea, ɓátɔ̌miɛgɛ ú ka ɓato ékuna bui, ka gea ɓáɓeekeɛ ú, na ɓámɔ́kɛ.

Ɓalɔ́ma 16:6

Nensambei Malía mmbé ɗátambigi phɛɛ ka nyɔngɔ anu.

Ɓalɔ́ma 2:7

Mokonga aeɓophande enda á mɛyɔ, ɓakpa nde ɓásui bɛɗaneaga akɛ na kaɓa obebɔ, ɓokutú na kema nde nna na sungiaga.

1 Ɓakɔlítɔ 13:13

Kɛ̌kɛnde, kema isaɔ nde aunge aikande: ɓeekea, nseɓeɔ na ekondi. Nnde anyɛ́nyi gǎkɛ bui ande ekondi.

1 Ɓakɔlítɔ 15:58

Kaɓondɔ, ɓadani ékondi, mamani na ɓukpɛkpɛ, ɓóósimbiɛ. Tútuisani ekuma ndea Mɔkɔta esa bui. Úbani phɔtɔ gea, ekuma nɛnu ka Mɔkɔta nna jǎi.

2 Ɓakɔlítɔ 2:17

Nga, ɓéké ɓea ɓakpa ɓásii ɓunde ɓáɔtɔmiaga nyɔngɔ á Mokonga na phendisa í. Ka nyɔngɔ nde Mokonga ɗásóteki, ɓesu ɓe ndiu ɔyɔnga ɗoni mosá á Mokonga ka ɔngana na Kiísito.

Ɓagalatía 1:4

Kiísito yɛ sisakɛ aámbé ɗábiki osókuia ka amisa asu ka ɓojeɗe ka gea, ásophúiɛ ka ɓojeɗe á ka mokonda nde á kɛ̌kɛ ɓíndɔ Abasu Mokonga ɗákondi.

Ɓagalatía 5:13

Ɓaya, ɓenu gǎkɛ Mokonga anɔɔphani ka tokisa anu ka kɔkɔɓɛ. Nndɔ kanóɓǒteɛmbɛ mɔnɔ ka ɓá na mɔphɛ á kokpa. Énganani ndiu ka nyɔngɔ á ekondi.

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

Ɓagalatía 6:9

Ɓégeɛni kema ánjá kángá ɛla. Nga, aoɓá na ɓékéɛli, ɓeɗunguande ka mbenɔ ndɔ aobika.

1 Ɓatɛsalɔníka 3:6

Kɛ̌kɛnde gǎkɛ, Timɔtɛ́ɔ asódondi ɓî atóki mɔtɛ-anu. Asɔtɔ̌migi nyɔngɔ ánjá, ndea kondana anu na ɓî ɓo phɔ́tɔ omɓeekea Kiísito. Ɓo phɔtɔ osókanisia esa bui na měma ánjá. Ɓóokonda dondana na ɓesu, ɓea bî ɓe phɔtɔ okonda dondana na ɓenu.

2 Ɓatɛsalɔníka 1:11

Kaɓondɔ unge, ɓɛɔmmɛma Mokonga esa bui gea, ánóphɛ ɓukpɛkpɛ á ɓá ɓakpa nde ɓákeni ka mɔphani nɛkɛ. Ánoengɛ phɔtɔ na ɓukpɛkpɛ nɛkɛ ka gea á ɓonjánja nde ɓokondi. Átɔtɔkisɛ phɔtɔ ekuma nɛnu nnde ɓogi ka nyɔngɔ á ɓeekea akɛ.

2 Ɓatɛsalɔníka 1:3

Ɓaya, akeni ɓénsegɛ Mokonga esa bui ka phɔa anu. Aánjá ɓegeɛ ɓó nga, ɓeekea nɛnu aɔmɔta phɛɛ, na ekondani nɛnu ɓenu ɓɔbu, nkpa na nkpa ka dakɛ amɔti phɔtɔ phɛɛ.

1 Timɔtɛ́ɔ 1:14

Eya, Mɔkɔta nɛsu aɓikisi phɛɛ ɓonjánja-ékondi nɛkɛ k'éme. Ɗámopi ɓeekea na ekondi nde atóki ka ɔngana ani na Kiísito.

1 Timɔtɛ́ɔ 2:3

Nndɔ unge aánjá na amɓɔngɛi Mokonga, Namisi nɛsu.

Ɓaɛbulanía 10:36

Cɔ, akeni ɓóɓɛ na moíngí mpɔ ɓɔ́tɔtɔkisɛ kema nde Mokonga akondi ka ɓondɔ unge ɓɔtɔande kema nde ɗánɔɔku.

Ɓaɛbulanía 11:17

Cɔ, ka nyɔngɔ á ɓeekea, Abalaámu ɗámphúi Isáka ka phɛ́a mbenɔ nde Mokonga ɗántombigi ka ɗigimisa á ɓeekea nɛkɛ. Nanga ɓî ɗántɔi ngɔmu ndɔ ka mɔkɔ

Ɓaɛbulanía 13:21

Ambe Mokonga ánóphɛ ɓukpɛkpɛ á tɔtɔkisa kema bui nnde aánjá ka gea ɓóbɛɗanɛgɛ nnde akondi. Átɔtɔkisɛ phɔtɔ suɓi asu kema nde amɓɔngɛi k'aphe ndea Yéso Kiísito mmbé ana ɓoombia ka saga na saga. Áɓɛ ɓó!

Ɓaɛbulanía 4:11

Ka nyɔngɔ índɔ unge, ambe ɓégeɛ ɓukpɛkpɛ asu bui ka ngia ka muúmbiɔ ndɔɔ. Ka ɓesu moci kagúɛmbɛ ɓea ɓunde á mosá nga, ɗáɓátú na měma akpɛ.

Ɓaɛbulanía 6:15

Ɓî Abalaámu ɗábisi měma akɛ ka mɔkɔ ndɔ kángá ɛla, mɔkɔ nde Mokonga ɗáɔku ka phɔakɛ áɔtɔtɔkɛana ka yɛ.

1 Pɛ́tɛɛ 3:4

Ɛtɔnda ínɛnu áɓɛ ndiu á ka měma, nnde nnaoújukana. Akeni ɛtɔnda ndɔ átókɛ ka měma áɔɗɛ̌ na aphɔngɔ, nnde ana kantíti ásii k'íso á Mokonga.

1 Yoáni 3:18

Ɓaniki amɔ, ekondi nɛsu kaɓɛ mɔnɔ tɔndɔ á k'aphenɔkɔ na yɔngaga á jǎi-jǎi. Akeni gǎkɛ ekondi nɛsu áɓɛ á ɗoni, nnde aoúbikana ka tambea asu.

1 Yoáni 3:21

Ɓadani ékondi aoɓá měma asu na nnaɔsɔtɔnga ande gea, ɓena nseɓeɔ mosá á Mokonga.

1 Yoáni 3:3

Nkpa buakɛ mmbé ana nseɓeɔ ndɔ ka Kiísito, ěsokosei ɓíndɔ Kiísito a kau.

1 Yoáni 5:3

Nga, konda á Mokonga, ande amba ɛ́ɔphi nɛkɛ. Ɛɔphi nɛkɛ nna akpɛ,

Mphaniɔ 2:19

neoúba ekuma nɛkɔ, ekondi nɛkɔ, ɓeekea nɛkɔ, tambea nɛkɔ, na phiphia á tambaga nɛkɔ. Neúbi phɔtɔ gea ǒyamei ka bɛɗaneaga ani kɛ̌kɛnde kɔnyɛ́nya mosá.

Mphaniɔ 3:10

Cɔ, ka nyɔngɔ nde ɗoambi ɓɔphɛi nɛmɔ á ɓá na phiphia á tambaga, eme phɔtɔ, nekoambande ka mbenɔ á tambaga nde abikaeka ka mokonda bui, ka tombaga á ɓakpa á ka mokonda.