1 Ɓatɛsalɔníka 1:2 - Ɔngana á Kɛ̌kɛ

² Ɓeonsega Mokonga esa bui ka nyɔngɔ anu ɓenu ɓɔbu. Ɓéké phɔtɔ oɗeketa kumia ina anu k'ɛ́mɛmi nɛsu.

1 Ɓatɛsalɔníka 1:2 Iomraidhean Croise

Ɓalɔ́ma 6:17

Cɔ, ɓosegi gǎkɛ ka Mokonga nga, ɓenu íɓunde ɗóɓotú kala ɓakɔɓɛ á ɓojeɗe, ɗóɓoɓǐ na měma anu bui, aphe á ɓɔphɛi nde ɗáɓánóphɛi.

1 Ɓakɔlítɔ 1:4

Neonsega Mokonga nɛmɔ esa bui ka nyɔngɔ á ɓonjánja-ékondi nɛkɛ nde anóphi ka nyɔngɔ á jukana anu na Yéso Kiísito.

Ɓakɔlɔsái 1:3

Ɓeonsega Mokonga, Aba Mɔkɔta nɛsu Yéso Kiísito mbenɔ bui nde ɓɛɔmɛma ka phɔa anu.

1 Ɓatɛsalɔníka 2:13

Ɓe phɔtɔ onsega Mokonga esa bui, ka nyɔngɔ nde, ɓî ɗéɓenɔ́tɔ̌migi Mbino-Ánjá ndea Mokonga, ɓɔ́ɔɔ́ka, ɓóoɓeekea gea: «Ande nyɔngɔ á Mokonga. Nna nyɔngɔ á kokpa.» Cɔ, ande ɗoni anu. Nga, nyɔngɔ á Mokonga angí ka mɛngɛ anu, ɓenu ɓaɓêki.

1 Ɓatɛsalɔníka 3:9

Eya, ɓetúmi na maseye ka nyɔngɔ anu, ɓékéɔtɔka na ɓeɗeketi sega á Mokonga.

2 Ɓatɛsalɔníka 1:3

Ɓaya, akeni ɓénsegɛ Mokonga esa bui ka phɔa anu. Aánjá ɓegeɛ ɓó nga, ɓeekea nɛnu aɔmɔta phɛɛ, na ekondani nɛnu ɓenu ɓɔbu, nkpa na nkpa ka dakɛ amɔti phɔtɔ phɛɛ.

Philɛmɔ́nɔ 1:4

Cɔ, neonsega Mokonga nɛmɔ esa bui k'ɛ́mɛmi, ɓî neokokanisia oɓɛ Philɛmɔ́nɔ.