1 Ɓatɛsalɔníka 1:10 - Ɔngana á Kɛ̌kɛ

¹⁰ Cɔ, ɓo phɔtɔ omɓondea Anakɛ, mmbé Mokonga ɗánjujúkisi ka ɓasí, n'atókaeka na koba. Ina akɛ ande Yéso, mmbé asóamisi k'esúia ndea Mokonga nnde aobika.

1 Ɓatɛsalɔníka 1:10 Iomraidhean Croise

Matáyɔ 1:21

Amɓɔkɔtande miki-mǒko, onsuande ina akɛ Yéso. Yɛ aámbé aeamisande ɓakpa nɛkɛ ka ɓojeɗe nɛɓɔ.»

Matáyɔ 16:27

Cɔ, Muna-Nkpa, abikande ka ɓophombia ndea Abɛ, kimoci na ɓamalaéka nɛkɛ. Mpɔ, amphendande nkpa na nkpa ka ɓeana na tambea akɛ.

Matáyɔ 16:28

Nenóngoɗi ɗoni gea, ka ɓunde ɓá wani, ɓákákuwɛku mosá á ɔna á Muna-Nkpa, n'aobika ɓea Moamɛ.»

Matáyɔ 3:7

Cɔ, Ɓaphaisáyɔ na Ɓasadukáyɔ ɓásii, ɗáɓámbikíí Yoáni-Mɓatisi, ka gea áeɓatisɛ, áǒngoɗea: «Ɛɓɔkɔti á kaɓokosa nde ca! Ani mmbé ɗánophangi aphe á tea á esúia ndea Mokonga nnde a bíbí á bika?

Lóka 2:25

Cɔ, nkpa moci ɗátú ka Yɛusalɛ́ma, ina akɛ Simɛɔ́ni. Ɗátú nto á koɗoni na nto á konda á Mokonga phɛɛ. Ɗáomɓondeaga Namisi á Ɓaisilaɛ́li. Měma á kanga ɓojeɗe ɗá kimoci na yɛ.

Lóka 3:7

Cɔ, usɛsɛ á ɓakpa ɓáobika mɔtɛ á Yoáni ka ɓatisa aɓɔ. Yɛ â gǎkɛ ǒngoɗea ɓe: «Ɛɓɔkɔti á kaɓokosa nde ca! Ani mmbé anoúbisi tea esúia ndea Mokonga nnde abiki?

Ekuma á ɓateki 1:11

Ɓáǒngoɗea te: «Ɓato á ka Galiláya, nyɔngɔ sina nde ɓomamei wani, na ɓɔɔnjia na koba? Yéso, mmbé Mokonga ɗántókisi ka nkíndí anu, áontáisa na koba, ajande goto tɔ ɓíndɔ ɓɔmɔni n'aotáia na koba.»

Ekuma á ɓateki 17:31

Mokonga a ye bisi esa nde atenaeka nyɔngɔ á ɓato á ka mokonda bui ka koɗoni, na ka njaga á nkpa nde ansɔmbu. Ɗánengekisi nkpa kayɛ mosá á ɓakpa ɓɔbu ka jujúkisa akɛ ka kukuwa.»

Ekuma á ɓateki 2:24

Mokonga â gǎkɛ onjujukisa ka kukuwa, áonkoɗaga ka kokae á kukuwa. Nga, kukuwa ɗákátú na ɓukpɛkpɛ á tɔka akɛ.

Ekuma á ɓateki 2:32

Yéso ndɔ tɔ aámbé Mokonga ɗánjujúkisi ka kukuwa. Ɓesu ɓɔbu ɓende ɓaɗigimisi á nyɔngɔ ndɔɔ.

Ekuma á ɓateki 3:15

Ɗóɓonkusi Yéso, mɛna-ɓoamia, Mokonga â gǎkɛ onjujukisa sɔsɔɓɛ á ɓasí. Ɓende ɓaɗigimisi á nyɔngɔ ndɔ bui.

Ekuma á ɓateki 3:21

Kɛ̌kɛnde gǎkɛ, akeni Kiísito áikɛ na koba ka sungiaga ɓî Mokonga aɓɔngisiande goto kema bui, ɓíndɔ ɗéengoɗi ɓaɔtu-nyɔngɔ nɛkɛ á kala, ɓato á kanga á ɓojeɗe.

Ekuma á ɓateki 4:10

Ambe ɓenu ɓɔbu na Ɓaisilaɛ́li ɓɔbu, ɓóúbɛ gea, nɗɔti ndɔ aami na amé mosá anu ka ɓukpɛkpɛ á ina á Yéso Kiísito ɓa Najalɛ́ti, mmbɔ ɗóɓonkusi ka moyangɔ. Mokonga anjujúkisi gǎkɛ ka kukuwa.

Ɓalɔ́ma 1:4

ɓáombisa na ɓukpɛkpɛ ka ɓá Muna-Mokonga, mbenɔ nde Měma á kanga ɓojeɗe ɗánjujúkisi Yéso Kiísito Mɔkɔta nɛsu ka kukuwa.

Ɓalɔ́ma 2:7

Mokonga aeɓophande enda á mɛyɔ, ɓakpa nde ɓásui bɛɗaneaga akɛ na kaɓa obebɔ, ɓokutú na kema nde nna na sungiaga.

Ɓalɔ́ma 4:25

Mmbé Mokonga ɗánkusisi ka nyɔngɔ á ɓojeɗe nɛsu â gǎkɛ onjujukisa ka kukuwa ka gea, ɓéɓɛ ɓato á koɗoni mosá á Mokonga.

Ɓalɔ́ma 8:34

Ani mmbé aɔtɔka n'ateni nyɔngɔ nɛɓɔ akpɛ? Nna tanda na nkpa mo. Nga, Kiísito Yéso aámbé ɗáku, gǔ índɔ, áojujuka ka kukuwa, aiki ka njaga á mǔku á Mokonga n'a phɔtɔ ɔmɛma ka phɔasu.

1 Ɓakɔlítɔ 1:7

Kaɓondɔ, ɓókóúki k'égabɔ á ɓonjánja-ékondi ɓî ɓooɓóndea esa nde Mɔkɔta nɛsu Yéso Kiísito asɛnɛkaeka.

Ɓagalatía 3:13

Kiísito ɗásóphúi ka sɛmɛaga nde ɛɔphi ɗátú ně ka phɔasu, â ye tɔ okumba ú k'ɔ́ma nɛsu. Nga, Ɓuku á Mokonga ayɔngi ɓe: «Nkpa nde ɓáonkpata gǔ á me, aámbé Mokonga aɔnsɛmɛaga.»

Ɓaphilípi 3:20

Ɓesu gǎkɛ, ɓende ɓato á na koba. Ɓe ka ɓondeaga kiɗia á Namisi nɛsu, Mɔkɔta Yéso Kiísito, mmbé atókande na koba.

Ɓakɔlɔsái 1:18

Kanisa ande nyama á Kiísito, yɛ aámbé ande mɔ̌ í. Ande phɔtɔ nkpangeɔ á kema bubui. Ande ánge, mmbé ɗájujúki k'ama mosá-mosá sɔsɔɓɛ á ɓasí gea te, yɛ sasakɛ áɓɛ gǔ á kema bui.

1 Ɓatɛsalɔníka 1:7

Kaɓondɔ, ɓonde mphangiɔ ka ɓaɓêki ɓɔbu á ka Makɛdɔnía na á ka Akáya.

1 Ɓatɛsalɔníka 2:16

Ɓáokáɓa imisia asu geae, ɓékětɔ̌miɛgɛ mɔnɔ ɓakpa nde ɓáná Ɓayúda nyɔngɔ á ɓoamia á ka měma. Ande gea te, ɓojeɗe nɛɓɔ, nnde á kala, n'índe á kɛ̌kɛ, aɓiki phɛɛ. Cɔ, kɛ̌kɛnde gǎkɛ, esúia ndea Mokonga ědondi.

1 Ɓatɛsalɔníka 2:7

Nanga ɓî ɗéɓetú na ɓukpɛkpɛ éɗokomisa mɔtɛ-anu ɓea ɓateki ndea Kiísito, ɓê ndiu oɓá na měma aphɔngɔ. Ɗéɓetú ɓea ɓama-ɓaniki, ɓunde ɓáotambea nyɔngɔ á ɓ'anaɓɔ.

1 Ɓatɛsalɔníka 5:9

Nga, Mokonga ɗákásɔɔphani gea, esúia nɛkɛ ásóguiɛ. Ɗásɔɔphani ndiu gea, ɓéɓɛ na ɓoamia á ka měma, ka nyɔngɔ ékuma ndea Mɔkɔta nɛsu Yéso Kiísito.

2 Timɔtɛ́ɔ 4:1

Cɔ, Timɔtɛ́ɔ, nekososi base mosá á Mokonga na Kiísito Yéso, mmbé atenaeka nyɔngɔ ndea ɓakpa nde ɓáku na ɓunde ɓáoenda, ka sɛnɛka akɛ ka koɓoamɛ nɛkɛ:

Títɔ 2:13

Ɓeogea ɓó, ka ɓondea á maseye nde ɓeseɓei, na ɔna á ɓoombia ndea Mokonga nɛsu angbóngbó na Namisi nɛsu Yéso Kiísito mbenɔ nde asɛnɛkande.

Ɓaɛbulanía 10:27

Kema nde ajigi gǎkɛ a tɔ ɓondeaga á tena nyɔngɔ akpɛ nnde aoɓángisa, phɔtɔ na nsa ángbó nde ɛ̌ɛkɛkisagande ɓaɓiɓia ndea Mokonga.

Ɓaɛbulanía 9:28

a tɔ ɓíndɔ Kiísito ɗábisi tɔ nyama akɛ mɔngɔ ímoci ka íma á ɓojeɗe á ɓakpa ɓásii. Asɛnɛkaeka goto mɔngɔ á ko iɓɛ. Sɛnɛka ndɔ, káɓɛku ye ka íma á ɓojeɗe, aɓande ndiu ka amisa á ɓunde ɓáomɓondeaga.

1 Pɛ́tɛɛ 1:21

Ka nyɔngɔ á Kiísito unge ɓomɓeeki Mokonga, mmbé ɗánjujúkisi ka kukuwa sɔsɔɓɛ á ɓasí na áomopha ɓoombia. Ka nyɔngɔ índɔ unge mɓeekeani Mokonga na bisa á nseɓeɔ nɛnu ka yɛ.

1 Pɛ́tɛɛ 1:3

Ɓémbebɛni Mokonga, Aba-Mɔkɔta nɛsu Yéso Kiísito! Ka nyɔngɔ á ɓongbóngbó á ngomi nɛkɛ aunge ɓɛɓɔkɔtɛani goto mɔngɔ á koiɓɛ, ka jujúkisa á Yéso Kiísito ka kukuwa sɔsɔɓɛ á ɓasí. Kaɓondɔ unge ɓena nseɓeɔ nde ana enda,

1 Pɛ́tɛɛ 2:21

Ka nyɔngɔ índɔ unge Mokonga ɗánɔɔphani nga, Kiísito ɗátambigi phɔtɔ ka phɔa anu, áonóɗeketea mphangiɔ ka gea, ɓóɓeɛ angá akɛ.

1 Pɛ́tɛɛ 3:18

Cɔ, Kiísito yɛ sasakɛ, ɗátambigi phɔtɔ mɔngɔ ímoci tɔ ka nyɔngɔ á ɓojeɗe nɛsu. Yɛ, nto á koɗoni, ɗáku ka nyɔngɔ á ɓunde ɓáná ɓato á koɗoni ka gea, ánophangiɛ aphe á gǎ mɔtɛ á Mokonga. Ɗáku kukuwa á ka nyama, Měma á kanga ɓojeɗe â gǎkɛ onjujukisa ka kukuwa.

2 Pɛ́tɛɛ 3:12

ɓî ɓooɓondea gea esa ndea Mokonga ákamisɛgɛ júa. Esa ndɔ, koba aújukanande na nsa, ɓasɛɛngɔa á na koba ɓáenyanyoande k'ɛɛmbɛ á nsa.

2 Pɛ́tɛɛ 3:14

Kaɓondɔ unge ɓadani ékondi, ka ɓondeaga esa ndɔ, suiani ɓá na tambea ánjá, kángá kisɛki mosá á Mokonga na ɓóɓɛ na ɓujɛjɛ mosá akɛ.

Mphaniɔ 1:18

Nende nkpa nde neoenda. Ɗéku, cɔ, kɛ̌kɛnde ne gǎkɛ oenda ka saga na saga. Nɛbɛɗi phembekete á kukuwa na nnde á nji á ɓasí.

Mphaniɔ 1:7

Éngani, Yéso Kiísito aobika k'égugu. Ɓakpa ɓɔbu ɓámɔnande. Ɓunde ɗáɓántúmi n'ekonga, ɓámɔnande phɔtɔ. Ɓato á k'ekuna bui á ka mokonda ɓátaɓokanagande ka nyɔngɔ akɛ. Eya! Áɓɛ ɓó.