1 Ɓatɛsalɔníka 1:1 - Ɔngana á Kɛ̌kɛ

¹ Ka ɓaɓêki á ka Tɛsalɔníka, sambani. Eme Pɔ́lɔ aámbé neɗundu ɓaoɓa ndee. Ɓe kimoci na Síla, na Timɔtɛ́ɔ. Ɓenu ɓáunge ɓɔɔngani na Abasu Mokonga, na Mɔkɔta Yéso Kiísito. Cɔ, ɓujɛjɛ na ɓonjánja áɓɛ ka ɓenu.

1 Ɓatɛsalɔníka 1:1 Iomraidhean Croise

Ekuma á ɓateki 15:22

Mpɔ ɓateki, ɓagbɛga á kanisa na kanisa bui, ɓáophánga sɔmbɔa ka ɓakpa sɔsɔɓɛ aɓɔ na teka á ɓɔ ka Antiɔkía kimoci na Pɔ́lɔ na Baanába. Ɓáɔ̌sɔmbɔa Yúda mmbé ɓá phɔtɔ ɔmɔphana Balisába na Síla, ɓunde ɗáɓátú na kɔkɔta sɔsɔɓɛ á ɓadaɓɔ.

Ekuma á ɓateki 15:27

Ɓenótekisíí Yúda na Síla, ɓɔ ɓánóngoɗeande base nyɔngɔ nde ɓenóɗundui.

Ekuma á ɓateki 15:40

Pɔ́lɔ â gǎkɛ ɔnsɔmbɔa nɛkɛ Síla. Mpɔ, ɓaɓêki ɓáɔmɛma Mokonga ka phɔa á ɓɔ gea, ɓágɛ na ɓonjánja-ékondi ndea Mɔkɔta.

Ekuma á ɓateki 16:19

Ɓî ɓakɔta nɛkɛ ɓáɔni gea nseɓeɔ á ɛtɔi nɛɓɔ aɓúngi, ɓáǒdunga Pɔ́lɔ na Síla, ɓáǒɓota k'ɔ́ma ángbó á madondanɔ, ɓáǒbisa ka ntua mosá á ɓateni-nyɔngɔ.

Ekuma á ɓateki 16:25

Ka gabekana ésa, Pɔ́lɔ na Síla ɗáɓátú ɔmɛma na émba embɔ á beba á Mokonga. Ɓadaɓɔ ɓato á mekakɔ, ɓáɔ̌ɓɔ́ka.

Ekuma á ɓateki 16:29

Mɓondigi-mekakɔ ndɔ, áɔɔphanɛa ɔbɛa, áokamisaga gǎ, áongia, áogua k'écinji á Pɔ́lɔ na Síla, n'aɔɛkanaga.

Ekuma á ɓateki 17:11

Bayúda á ka Bɛlɔ́ya, ɗáɓátú na měma ánjá kɔ̌nyɛ́nya Ɓayúda á ka Tɛsalɔníka. Ɗáɓáokonda phɛɛ ɔ́ka á nyɔngɔ á Mokonga. Esa bui, ɗáɓáokáɓa koɗoni suɓi á Ɓuku á Mokonga ka engekisa ɓɔphɛi ndea Pɔ́lɔ.

Ekuma á ɓateki 18:5

Mbenɔ nde Síla na Timɔtɛ́ɔ ɓájú ka toka na Makɛdɔnía, Pɔ́lɔ â gǎkɛ ǒyamea buakɛ ka phɛá nyɔngɔ á Mokonga. Áǒengekisia Ɓayúda gea, Yéso ande Kiísito.

Ekuma á ɓateki 19:22

Kaɓondɔ, áǒteka ɓadakɛ ɓaɓɛ na Makɛdɔnía. Ɓadakɛ kau ɗáɓátú: Timɔtɛ́ɔ na Ɛástɔ. Pɔ́lɔ â gǎkɛ ojiga ka Asía k'ésa ábɔa.

Ekuma á ɓateki 20:4

Ɓadakɛ ɓundɔ ɗátambi na ɓɔ ɗáɓátú: Sɔpatɛ́i muna Píɔ, nto á ka Bɛlɔ́ya, Aisitákɔ na Sɛkúndɔ ɓato á ka Tɛsalɔníka, Gáyɔ nto á ka Dɛ́ɛbɛ, Timɔtɛ́ɔ na ɓato á ka Asía ɓaɓɛ, Tikíkɔ na Tɔɔphímɔ.

Ɓalɔ́ma 1:7

Cɔ, nenóɗundui ɓenu ɓɔbu suɓi á Lɔ́ma ɓunde Mokonga aekondi na ɓunde ɗáɛɓɔphani ka ɓá ɓakpa nɛkɛ ɓato á kanga ɓojeɗe, ɓonjánja-ékondi na ɓujɛjɛ ndea Abasu Mokonga na Mɔkɔta nɛsu Yéso Kiísito áɓɛ na ɓenu.

2 Ɓakɔlítɔ 1:1

Ka ɓato á kanisa ndea Mokonga, ɓunde ɓá ka Kɔlítɔ, na ka ɓaɓêki ɓɔbu á ka Akáya, sambani! Eme nteki Pɔ́lɔ aámbé neɗundu ɓaoɓa nde kimoci na Timɔtɛ́ɔ. Nende nteki nde ɓa Kiísito Yéso ka nyɔngɔ á mɔphɛ á Mokonga.

2 Ɓakɔlítɔ 1:19

Nga, Muna-Mokonga Yéso Kiísito mmbé eme Pɔ́lɔ, Timɔtɛ́ɔ na Síla ɗɛ́ɓɛnɔtɔ̌mi nyɔngɔ akɛ, ɗákábiki ka nyɔngɔ á ɓeekea kaɓɛ yá á nyɔngɔ. Suɓi akɛ a ndiu tɔ ɗoni.

Ɓagalatía 1:2

Cɔ, ne kimoci na ɓadasu ɓɔbu ɓunde ɓá wani ka ɗundua á ɓaoɓa nde ka kanisa ɗanga-ɗanga á ka nji á Galatía.

Ɓagalatía 1:22

Ɓato á kanisa ɗanga-ɗanga ndea Yéso ka Yudɛ́a, ɗáɓákáoengekisa keongi ani.

Ɓaɛphɛ́sɔ 1:2

Ambe Abasu Mokonga na Mɔkɔta Yéso Kiísito, ánophɛ́ ɓonjánja-ékondi na ɓujɛjɛ.

Ɓaphilípi 1:1

Ka ɓaɓêki ɓɔbu ɓunde ɓá suɓi á Kiísito Yéso ka ntanga-nji á ka Philípi, ka ɓaámbi-kanisa na ɓaámbi-nkumba á kanisa, sambani! Eme Pɔ́lɔ na Timɔtɛ́ɔ, ɓabɛɗanigi ndea Yéso Kiísito, ɓesu ɓáunge ɓeɗundu ɓaoɓa ndee.

Ɓakɔlɔsái 1:1

Ka ɓaɓêki á ka Kɔlɔsái, sambani! Eme Pɔ́lɔ nteki nde ɓa Kiísito Yéso ka mɔphɛ ndea Mokonga aámbé neɗundu ɓaoɓa ndee kimoci na dasu Timɔtɛ́ɔ.

2 Ɓatɛsalɔníka 1:1

Eme Pɔ́lɔ, Síla na Timɔtɛ́ɔ, ɓenósesi sambani. Ɓesu ɓáunge ɓeɗundu ɓaoɓa nde ka ɓato á kanisa ndea Tɛsalɔníka, ɓunde ɓánde ɓakpa ndea Abasu Mokonga na Mɔkɔta nɛsu Yéso Kiísito.

Ɓaɛbulanía 13:23

Úbani gea ɓankoɗi muna-amasu Timɔtɛ́ɔ. Aoɓá na káiphi ka kiɗia, nebikande na yɛ ka ɔna anu.

1 Pɛ́tɛɛ 5:12

Síla, ɗámoengi ka ɗundua á ɓaoɓa ángbí ndee. K'éme, ande mɓêki ímbe ɓa á ɗoni. Ɗénóɗundui ú ka gbagisaga anu na engekisa anu gea ɓonjánja-ékondi ndea Mokonga nnde ande á ɗoni ɓókoɗeketɛmbɛ.

1 Yoáni 1:3

Cɔ, nnde ɗɛ́ɓɛɔni na ɔ́ka í, aunge ɓɛnɔtɔ̌mi phɔtɔ ka gea te, ɓɛ́ɔnganɛ na ɓenu ka komunamema nde ɓe kau n'Abɛ, n'Anakɛ Yéso Kiísito.

Yúda 1:1

Eme Yúda nende muna-amakɛ na Yakɔ́ɓɔ, nende mbɛɗanigi nde ɓa Yéso Kiísito. Nenóɗundui ɓenu íɓunde Abɛ Mokonga anɔɔphani, áonókonda na amba anu ka phɔa Yéso Kíisito.