1 Ɓakɔlítɔ 9:3 - Ɔngana á Kɛ̌kɛ

³ Ɛ́yɔngɛani sasani ka ɓakpa nde ɓáɔmɔtɔnga a ɓe:

1 Ɓakɔlítɔ 9:3 Iomraidhean Croise

Lóka 12:11

Mbenɔ nde ɓáonóga ně k'éndu á madondanɔ ndea Ɓayúda ka nyɔngɔ á Mokonga na mosá á ɓakɔta na ɓaamɛ, ɓókoianɛgɛmbɛ nyɔngɔ nde ɓǒsikisiande n'índe ɓɔ̌yɔngɛande sasanu.

Ekuma á ɓateki 22:1

«Cɔ, ɓadani na ɓabɛ, ɔ́kani phɔ́ ɓoabi nɛmɔ ka phɔani.»

Ekuma á ɓateki 25:16

Néǒsikisia te: Ɓalɔ́ma ɓákáotenaga nyɔngɔ á nkpa akpɛ na nkpa ndɔ kádondanimbɛ phɔ́ na ɓatɔngi nɛkɛ na áɛyɔngɛɛ sasakɛ ka ntua nɛsu á tena nyɔngɔ ka nyɔngɔ nde ɓántɔngi kau.

1 Ɓakɔlítɔ 14:37

Aoɓá nkpa n'aokanisia te, ande mɔtu-nyɔngɔ ndea Mokonga, n'ana egabɔ ndea Měma á kanga ɓojeɗe ambe áúbɛ base gea te, kema nde nenóɗundui ande ɛɔphi ndea Mɔkɔta.

1 Ɓakɔlítɔ 9:2

Nanga ɓakpa ɓuangbo ɓámoyá gea ké nteki, ka ɓenu gǎkɛ, nende nteki. Nga, ɓenu sasanu, ɓonde mphangiɔ ékuma nɛmɔ á ɓá nteki nde ɓa Mɔkɔta.

1 Ɓakɔlítɔ 9:4

Ande gea, kétɔki mɛma anu kema á koea na á konoa ee?

2 Ɓakɔlítɔ 13:10

Kaɓondɔ unge, nenóɗundui ɓaoɓa ndee na neɗanga na ɓenu. Nga ne ye okiɗia, kékóndi néɓɛ nkáe ka kɔkɔta nde Mokonga amopi ka ɓenu. Kɔkɔta ndɔ nna á kusa anu, a ndiu ka mɔtisaga anu ka měma.

2 Ɓakɔlítɔ 13:3

Ɓî ɓookonda engekisa gea Kiísito aámbé aɔmɔyɔngisa, ɓoengekisande ɗoni. Ka ɓenu Kiísito káútú, a ndiu ophangia ɓukpɛkpɛ nɛkɛ sɔsɔɓɛ anu.

2 Ɓakɔlítɔ 13:5

Cɔ, óengani sasanu ka ɗigimisa gea, ɓonde ɓaɓêki á ɗoni. Ɓooúba gea, Kiísito a sɔsɔɓɛ anu. Nna ɓo? Kaɓɛ na nna ɓó, ámbé ɓotugbanigi suɓi á ɓeekea.

Ɓaphilípi 1:17

Ɓakpa ɓunɛngbo gǎkɛ, ɓáɔtɔmiaga nyɔngɔ á Kiísito na měma éteɓa, kángá á tɔ̌miaga í na měma ánjá. Ɓɔ, ɓáokansia te, ɓáyameande goto tambaga nɛmɔ ka mekakɔ.

Ɓaphilípi 1:7

Eya, aánjá k'éme nékanisiɛ ɓó ka phɔanu ɓenu ɓɔbu nga, nenókondi phɛɛ. Ekondi ndɔ ande ka nyɔngɔ nde, ɓo tɔ na ka ɓonjánja-ékondi nde Mokonga ɗámopi, nanga néɓá kɛ̌kɛnde ka mekakɔ, nanga néɓá ka unia á Mbino-Ánjá na ɓukpɛkpɛ.

2 Timɔtɛ́ɔ 4:16

Mbenɔ nde ɗétúɔ̌yɔngɛa sasani k'ama mosá-mosá ka ntua á tena á nyɔngɔ, nna tanda na nkpa nde ɗámoengi. Ɓakpa ɓɔbu ɗáɓámoɗu ndiu. Cɔ, Mokonga k'ětangeɛmbɛ ɓojeɗe nɛɓɔ!