1 Ɓakɔlítɔ 9:22 - Ɔngana á Kɛ̌kɛ

²² Mbenɔ nde nɛɔbɛɗanaga sɔsɔɓɛ á ɓakpa nde ɓákámɔtimbɛ ka ɓeekea, tambea ani aokengeana na nndɛaɓɔ ka gea, ɓámɓeekeɛ Kiísito. Eya, neǒyamea ka ɓakpa ɓɔbu ka gea, ɓakpa ɓunɛngbo sɔsɔɓɛ aɓɔ ɓáamɛ ka měma.

1 Ɓakɔlítɔ 9:22 Iomraidhean Croise

Ɓalɔ́ma 11:14

Neseɓei bisisa á ɓato á k'ékuna nɛmɔ na nsengo ka amisa ka ɓɔ.

Ɓalɔ́ma 14:1

Nseseani mmbé kámɔtimbɛ ka ɓeekea, kángá á ianaga kanisia akɛ.

Ɓalɔ́ma 14:2

Nkpa nde amɔti ka ɓeekea, aɔtɔka n'aí kema bui, mmbé kámɔtimbɛ ka ɓeekea a gǎkɛ tɔ oeaga nɛkɛ mbuti.

Ɓalɔ́ma 15:1

Ambe ɓesu íɓunde ɓɛmɔti ka ɓeekea, ɓékumbɛni ɓoɗoko á ɓunde ɓákámɔtimbɛ ka ɓeekea. Kákeni ɓékaɓɛ nnde asɔɓɔngɛi.

Ɓalɔ́ma 15:2

Ambe nkpa na nkpa ka ɓesu ágeɛ ánjá ka dakɛ n'índe amɓɔgɛande ka gea, ɓeekea nɛkɛ ámɔtɛ.

1 Ɓakɔlítɔ 10:33

Eme Pɔ́lɔ, neókondisaga na ɓakpa ɓɔbu ka nyɔngɔ bui. Kéokáɓa ɓonjánja nɛmɔ sasani, ne ndiu okaɓa ɓonjánja ka ɓakpa ɓɔbu gea te, Mokonga éamisɛ ka měma.

1 Ɓakɔlítɔ 7:16

Cɔ, oɓɛ nke-mɓêki, ooúba gea, onamisande munyakɔ ɗoni? Oɓɛ mǒko-mɓêki, ooúba gea, onamisande nkakɔ ɗoni?

1 Ɓakɔlítɔ 8:13

Kaɓondɔ unge, aoɓá eea n'aongusa dani ka ɓojeɗe, kéeɛeka ye tanda nyama ka gea, kengúsɛ mɔnɔ dani.

1 Ɓakɔlítɔ 9:19

Nna na nkpa nde nende nkɔɓɛ nɛkɛ. Eme, ɗéněbisi gǎkɛ sasani nkɔɓɛ ndea ɓakpa ɓɔbu ka gea, nééɓoteɛ ɓakpa ɓásii, ɓáɓɛ ɓakiísito.

1 Ɓakɔlítɔ 9:23

Neogea nndɔ bui ka nyɔngɔ á Mbino-Ánjá gea te, nɛ́tɔɛ ka keɓu á bisia njaga.

2 Ɓakɔlítɔ 11:29

Aoɓá nkpa na nna akpɛkpɛ, nê phɔtɔ ɔ̌yɔka ɓɔɛlu. Nkpa aogua ka ɓojeɗe, nyɔngɔ ndɔ áomokaea phɛɛ.

Ɓagalatía 6:1

Ɓaya, aoɓá nkpa n'angí ka ɓojeɗe, akeni ɓenu íɓundɔ ɓona Měma á kanga ɓojeɗe ɓɔ́mphɛɛ́ na ɓǒtea akɛ k'aphe ánjá. Geani tɔ ka phɔakɛ ɓó na ɓɔphɔngɔ. Óambani ka gea, ɓókóngiɛmbɛ mɔnɔ sisanu ka tombaga.