1 Ɓakɔlítɔ 9:21 - Ɔngana á Kɛ̌kɛ

²¹ Mbenɔ nde nɛɔbɛɗanaga sɔsɔɓɛ á ɓakpa nde ɓákákusi ɛ́ɔphi, tambea ani aokengeana na nndeaɓɔ ka gea te, ɓámɓeekeɛ Kiísito. Nna gea te, kéoamba ɛɔphi ndea Mokonga nga, neoamba ɛɔphi ndea Kiísito.

1 Ɓakɔlítɔ 9:21 Iomraidhean Croise

Ekuma á ɓateki 15:28

Nga, Měma á kanga ɓojeɗe na ɓesu sasasu, ɓephángi gea ɓékénókúmbisɛku nkumba áɗoko, tɔndɔ ɛɔphi nde ana kantíti n'ande ɓe:

Ekuma á ɓateki 16:4

Cɔ, Pɔ́lɔ na ɓadakɛ ɓáotamba ka ntanga-nji ɗanga-ɗanga, na ɓáǒúbisa ɓaɓêki gea ɓáambɛ ɛɔphi nde ɓateki na ɓagbɛga á ka Yɛusalɛ́ma ɗáɓábisi.

Ekuma á ɓateki 21:25

Cɔ, ka phɔa á ɓato á ekuna nɛngbo ɓunde ɓáɓeeki, ɓe ye éɗundui ɓíndɔ ɗɛ́ɓɛɔ́kani gea, ɓákáeɛ mɔnɔ nyama ɔ́phɛ́ɔ á koketi, ɓákáeɛ magia, ɓákáeɛ phɔtɔ nyama n'aku ǐti, ɓákágɛ mɔnɔ k'aphe á otungɔ.»

Ɓalɔ́ma 2:12

Kaɓondɔ, ɓakpa ɓɔbu ɓunde ɓáogea ɓojeɗe kángá á úba ɛɔphi ndea Mósa, ɓáetúkatúkande ɓɔ na ɓátenande nyɔngɔ nɛɓɔ kángá ɛɔphi ndea Mósa. Ɓunde ɓá gǎkɛ ogea ɓojeɗe na ɓáoúba ɛɔphi ndea Mósa, ɓátenande nyɔngɔ nɛɓɔ n'ɛɔphi ndɔɔ.

Ɓalɔ́ma 2:14

Ɓî ɓakpa nde ɓáná Ɓayúda měma aɓɔ aǒteka ka tɔtɔkisa á kema nde ɛɔphi asosi nanga ɓánáoúba ɛɔphi ndea Mósa, ɓɔ, ɓána ɛɔphi ndɔ suɓi aɓɔ, nanga ɓáká ně.

Ɓalɔ́ma 7:22

Suɓi á měma ani, neokonda ɛɔphi ndea Mokonga.

Ɓalɔ́ma 7:25

Mokonga áɓɛ n'obebɔ ka nyɔngɔ á Mɔkɔta nɛsu Yéso Kiísito! Kaɓondɔ, nɛɔbɛɗaneaga ɛɔphi ndea Mokonga ka úbapha ani, nê phɔtɔ ɔbɛɗaneaga ɛɔphi á ɓojeɗe ka etéte á nyama ani á kokpa.

Ɓalɔ́ma 8:4

Mokonga ɗátɔtɔkisi nndɔ ka gea te, tambea asu áɓɛ ɓíndɔ ɛɔphi asosi nga ɓéké ye oɓea tambea asu á kokpa, ɓe ndiu oɓea tambea nde Měma á Mokonga akondi.

Ɓagalatía 3:2

Cɔ, ómongoɗeani phɔ́, ɗɔ́ɓɔtɔi Měma á Mokonga ka nyɔngɔ nde ɗóɓoambi ɛɔphi na nna tɔ ka nyɔngɔ á ɔ́ka Mbino-Ánjá ndea Mokonga na ɓeekea í?

Ɓagalatía 6:2

Ɓî a ɓó, ambe nkpa na nkpa ákumbɛ ɓoɗoko á dakɛ. K'aphe ndɔ unge, ɓoɓeande ɛɔphi ndea Kiísito.

Ɓaɛbulanía 8:10

Cɔ, ɔngana nde nɛɔnganande na Ɓaisilaɛ́li mbusa á esa ndɔ aungee: Nebisande ɛɔphi nɛmɔ suɓi á úbapha aɓɔ. Neɗunduande phɔtɔ ú ka měma aɓɔ. Neɓande Mɔkɔta nɛɓɔ, na ɓɔ ɓáɓande ɓakpa nɛmɔ.