1 Ɓakɔlítɔ 9:19 - Ɔngana á Kɛ̌kɛ

¹⁹ Nna na nkpa nde nende nkɔɓɛ nɛkɛ. Eme, ɗéněbisi gǎkɛ sasani nkɔɓɛ ndea ɓakpa ɓɔbu ka gea, nééɓoteɛ ɓakpa ɓásii, ɓáɓɛ ɓakiísito.

1 Ɓakɔlítɔ 9:19 Iomraidhean Croise

Matáyɔ 18:15

Aoɓá dakɔ n'akogǐí ɓojeɗe, gǎ ómphangiɛ ɓojeɗe nɛkɛ na ɓo tɔ na yɛ ɓaɓɛ. Aoɓá n'akɔɔ́ki, ámbé onjisi goto k'ékita.

Ɓalɔ́ma 1:14

Nende mbɛɗanigi ka enga ɓakpa ɓɔbu. Enga Ɓagiíki na enga á ɓunde ɓáná Ɓagiíki. Enga á ɓaúbaphi na enga á ɓabóbó.

Ɓalɔ́ma 11:14

Neseɓei bisisa á ɓato á k'ékuna nɛmɔ na nsengo ka amisa ka ɓɔ.

Ɓalɔ́ma 15:2

Ambe nkpa na nkpa ka ɓesu ágeɛ ánjá ka dakɛ n'índe amɓɔgɛande ka gea, ɓeekea nɛkɛ ámɔtɛ.

1 Ɓakɔlítɔ 10:29

Nɛyɔngi ɓó ka nyɔngɔ á měma á nkpa ndɔɔ, nna ka nyɔngɔ á měma anu. Cɔ, ka nyɔngɔ sina nde nyɔngɔ á měma á nkpa ɓaangbo, aoimisia nyɔngɔ á kema nde neogea ú kángá ngǎka?

1 Ɓakɔlítɔ 10:33

Eme Pɔ́lɔ, neókondisaga na ɓakpa ɓɔbu ka nyɔngɔ bui. Kéokáɓa ɓonjánja nɛmɔ sasani, ne ndiu okaɓa ɓonjánja ka ɓakpa ɓɔbu gea te, Mokonga éamisɛ ka měma.

1 Ɓakɔlítɔ 7:16

Cɔ, oɓɛ nke-mɓêki, ooúba gea, onamisande munyakɔ ɗoni? Oɓɛ mǒko-mɓêki, ooúba gea, onamisande nkakɔ ɗoni?

1 Ɓakɔlítɔ 9:1

Cɔ, kéna kɔkɔta á gea á kema nde nekondi ee? Ké nteki ee? Eme, ɗékémɔni Yéso, Mɔkɔta nɛsu ee? Ɓókó ɓaniki ékuma nɛmɔ suɓi á Mɔkɔta ee?

2 Ɓakɔlítɔ 12:14

Nesóɔmɛa ka gǎ mɔtɛ-anu ka mɔngɔ á ko isaɔ. Kénokumbisɛku ɓoɗoko ani nga, kéokáɓa nkumba nɛnu, ne ndiu tɔ onokáɓa ɓenu. Nga, nna ɓaniki ɓáunge ɓáɔ̌kɔngɔɛa ɓaɓɔkɔti aɓɔ imɔna. Ɓaɓɔkɔti ndiu ɓáunge ɓáogea ɓó ka ɓ'anaɓɔ.

2 Ɓakɔlítɔ 4:15

Tambaga asu bui a tɔ ka nyɔngɔ anu. Kaɓondɔ unge, ɓonjánja-ékondi ndea Mokonga aódonda ɓakpa ɓásii phɛɛ, ka sega akɛ k'ɛ́mɛmi na beba akɛ ka ɓophómbia akɛ.

2 Ɓakɔlítɔ 4:5

Kaɓondɔ, ɓékéɔtɔmiaga nyɔngɔ nɛsu sasasu. Ɓe ndiu ɔphɛa gea, Yéso Kiísito ande Mɔkɔta. Ɓesu gǎkɛ, ɓende ɓabɛɗanigi nɛnu ka nyɔngɔ akɛ.

Ɓagalatía 5:1

Kiísito asotókisi ka kɔkɔɓɛ ka gea te, ɓékéikɛmbɛ ye ka kɔkɔɓɛ. Kaɓondɔ, ókakamisani ka gea, ɓókosikianɛgɛ mɔnɔ ye goto ka kɔkɔɓɛ.

Ɓagalatía 5:13

Ɓaya, ɓenu gǎkɛ Mokonga anɔɔphani ka tokisa anu ka kɔkɔɓɛ. Nndɔ kanóɓǒteɛmbɛ mɔnɔ ka ɓá na mɔphɛ á kokpa. Énganani ndiu ka nyɔngɔ á ekondi.

1 Timɔtɛ́ɔ 4:16

Cɔ, oɓɛ óenga sasakɔ, ka tambea akɔ na ɓɔphɛi nɛkɔ, ótétemanɛ kau. Nga, oogea ɓó, ǒamisande sasakɔ na amisa á ɓundɔ ɓáɔkɔɔ́ka.

2 Timɔtɛ́ɔ 2:10

Kaɓondɔ unge, nephiphíí tambaga bui ka nyɔngɔ á ɓakpa nde Mokonga ɛ̌sɔmbu ka gea, Yéso Kiísito éamisɛ phɔtɔ ɓɔ ka měma na tɔá á ɓoombia á mɛyɔ.

1 Pɛ́tɛɛ 3:1

A phɔtɔ ɓó ka ɓenu ɓake, ɔ́ɓɔ́kani ɓamunyanu. Nga, nanga ka ɓɔ sɔsɔɓɛ aɓɔ ɓákáoɓeekea nyɔngɔ á Mokonga, ɓǒɓoteande ka tambea anu ánjá kángá ngoɗea aɓɔ ka nyɔngɔ,